11:49 Mowzuk

REMEZAN AÝYNDA AGYZ BEKLEMEGİÑ DÜZGÜNLERİ .

Remezan aýy musulman dünýäsinde iñ mukaddes aýy hasap edilýär . Bu aýda agyz beklemek , has anygy oraza tutmak musulmançylygyñ bäş parzynyñ biri bolup , ol ikinji nobatda dini garaýyşlara görä , Tañrynyñ eçilen nygmatlaryna şükür etmek , durmuşy gatnaşyklaryñ many - mazmunyna düşünmek , nebisjeñligi ýeñmek ýaly düşünjeleri terbiýelemek bilen birlikde , ynsan saglygyna hem örän peýdaly ýörelgedir . Bu aýyñ kerem - keramaty hem , haýyr - sahawaty , ýagşylyk maksatlary - da oraza tutmak bilen baglanşyklydyr .

ORAZAZANYÑ MANYSY WE HİKMETİ .

"Oraza" pars sözi bolup , aslynda araplaryñ "Sawm" diýen sözi bilen añladylýar we ol "Bir zatdan daş durmak ,özüñi saklamak , böwet bolmak" ýaly manylary berýär . Agyz beklemegiñ amal edilmeginde - de şu manynyñ açylmagyny görmek bolýar . Oraza jümlesiniñ has düşnükli dilde açyklamasy "Bir zatdan saklanmak" diýmekdir .

Agyz beklemegiñ esasy iki sütüni bar diýlip bellenilýär . Olaryñ brinjisi - Gün dogmazyndan öñinçä agzyñy bekläp , tä Gün ýaşýança agzyñy acýan zatlardan saklanmak , ýagny iýip - içmezlik we beýleki şu hili endiklerden özüñi saklamak bolsa , ikinji sütüni - niýet etmekdir . Niýet etmegiñ manysy agyz beklemegi amal etmegiñ esasynda niýetiñ durýandygy bilen düşüdirilýär . Umuman , Agyz beklemegiñ pelsepewi manysy , hikmeti bolsa , bu baradaky çeşmelerde bellenilişine laýyklykda , şükür etmek durmuşy gatnaşyklara düşünmek , nebisjeñlikden gaça durmak we beýleki häsiýetleriñ terbiýelenmegi , şonuñ bilen birlikde saglygyñy berkitmek bilen baglanyşyklydyr .

AGYZ BEKLEMEGİÑ ESASY DÜZGÜNLERİ

Orazada agyz beklemegiñ we açmagyñ wagty öñki döwürlerde günüñ dogup - ýaşmagy bilen kesgitlenipdir . Häzirki wagtda oraza tutmagyñ wagty dürli ýerlerde ýaşaýanlar üçin aýratynlykda wagtlaryñ minutlaýyn kesgitlenilýän kalendary bilen ölçenilýär . Hut şol özüne degişli kesgitli kalendar boýunça hem adamlar oraza tutup , musulmançylyk parzyny berjaý edýärler .

Remezan aýynda agyz beklenende agyz beklenilýän wagta çenli selärlik mahalynda iýip - içilýär hem - de niýet edilip , agyz beklenende okolýan doğa aýdylýar . Şonuñ bilen agyz beklenip, bütün günüñ dowamynda hiç zat iýilmeýär we içilmeýär . Agşam namazynyñ wagtynda azan aýdylanda açmagyñ dogasy okalýar we dini garaýyşlara görä , esasan , hurma - ýa- da suw bilen agyz açylýar .

Bu döwürde ýarawsyz adamlary , hamyla ýa - da çaga emdirýän zenanlara , agyr zähmet bilen meşgullanýanlara we agyr beden kesellerini geçirenlere agyz beklemek maslahat berilmeýär . Umuman , saglygynda bir näsazlyk duýan adamlara agyz beklemezden öñ lukman gözegçiliginden geçmek maslahat berilmeýär .

AGYZ BEKLEMEGİÑ SAGLYGA PEÝDASY

Agyz beklemek iýmit siñdiriş ulgamynyñ işini ýeñilleşdirýär . Çünki bu döwürde tükülik mäzleri , aşgazan , bagyr , aşgazanasty mäz , içege dynç alýar . Bu döwürde adamyñ bagrynda we böwreklerinde arassalanyş bolup geçýär , bedeniñ alyş - çalyş ýagdaýlary kadalaşýar . Ganda natriniñ mukdarynyñ köpelmegi , kaliniñ kristallaşmagynyñ öñüni alýar ..

Agyz beklemegiñ endokrin mäzleriniñ işine hem kömek edýär . Endokrin mäzleri iýmitdäki ýokumly maddalar özleşdirilýän mahalynda alyş - çalşyñ sazlaşykly bolmagyny üpjün edýär . Bu bolsa öz gezeginde işjeñ gormonlaryñ bölümip çykmagyna ýardam berip , bedeniñ gormonal deñagramlylygyny kadalaşdyrýar .

Orazanyñ saglygymyz ücin ähmiýetli taraplarynyñ ýene - de biri bedendäki ýarawsyz we gowşak öýjükleriñ dargap , täze öýjükleriñ sanynyñ artýanlygydyr . Mahlasy , bu aýda agyz beklemek her bir musulman ücin uly sogapdyr , şonuñ bilen hem olaryñ saglygynyñ has berkemegine , bedeniñ çydamlylyga endik etmeginiñ hem esasy ýoludyr .