Iň gowy eje

29.05.2019

Mahriban zenanlar 8-nji mart bayramynyz bilen çyn ýüregimden gutlaýan!!!

Gyssaglydym. Egnimdäki täze geýimlerimi hem çykarman, naharhana girdim.

Dört ýaşlyja gyzjagazym bolsa, telewizordaky saza goşulyp çyny bilen tans edýärdi. Ýygnaga gijä galýanym üçin men oňa üns hem bermändirin. Emma içimden bir ses maňa “Dur” diýýän ýalydy. Men içimdäki şol sese gulak asyp, bir salym durdum. Gyzymy synladym. Onuň elinden tutup, men hem onuň bilen tans edip ugradym.

Biziň bu tansymyza ýedi ýaşly gyzym hem goşuldy. Biz üç bolup naharymyzy ýatdan çykaryp heziller edip tans oýnadyk. Gülüşdik, hezil edip, tans etdik…

Megerem biziň bu gohumyza goňşular hem birahat bolan bolsa gerek?

Biziň tansymyz tamam boldy. Men gyzlarymyň başyny sypap, ýaňaklaryndan öpdüm-de, olary ýuwunmaga iberdim. Ýygnak ýadyma düşensoň,  galam-kagyzlarymy ýygnaşdyrmaga başladym. Şol wagtam kiçi gyzym uýasyna ýüzlendi:

-Iň gowy eje biziň ejemiz, şeýle dälmi?

Meniň süňňüm titräp gitdi. Durmuşyň hiç haçan gutarmajak işlerine aldanyp, tas şeýle bagtly pursady sypdyran ekenim.  Şu wagta çenli işimde gazanan ähli üstünliklerim hem bu sözleriň ornuny tutup biljek däldi.

Durmuş diýilýän şu dünýäde näçe sany ene-ata pula, işe üns berişi ýaly çagalaryna wagt aýryp bilýärkä…?

Çeşme: masgalamekdebi.com

65

15

1

6

0

Mowzugy VIP edenler: