12:40 Mowzuk

Şu waka 6-7 ýyl mundan öň tokgalygy bilen daýymyň başyndan geçen we öz agzyndan eşidişim ýaly size ýetirýän...

Daýymyň kiçi ogly bar. Meniň ýegenim. Edepli, takwa, gowy oglan. Harby gullukdan gelensoň dinimize söýgisi artyp, ybadatlaryny berjaý edip, metjidi özüne adat eden biridi.
Daýymam komunist döwrüniň adamy. Namaz, täretden uzakdaky adam. Bolsada soňra saçy-sakgaly agaryp, ogullaryny öýerip, agtyk görüp başlansoň, öz deňi-duşlarynyň ýarysy bak-a göç edip, ýarsynyň egilip-galýanyny eşidensoň, munyňam ýüregi ýumşap, diňe ertir namazyny öwrenip, okap başlaýar. (Muňada şükür)

Şol kiçi ýegenim kakasyny (daýymy) metjide äkitjek bolup, metjide öwrenişdirjek bolup kän tagalla edýär. Daýymam teý ýan berenok. Metjit diýilse, bolanja nostrenýasy gaçyp, zadni berip ugraýar. Şol bir jogap "GITJEK DÄL". Näme üçim gitjek däl diýseňem, birinden eşidendir-dä: "METJITDE KÖWŞÜŇI OGURLAÝALAR" diýýär.
Başda oýun edýändir öýtdik, soňra çyny ekeni. Bar sebäp şolmy diýseň "hawa" diýýär. Äý, kän düşündirdik. "Beýle zat ýok, käwagt adamlar ýalňyşyp biri-birniňkini çalşyp gidýäler, ogurlanýan bolanda-da, metjitden köwüş ogurlap köwüşli bolan ýok, hökman almytyny alar" diýsegem, hiç boýun bolonok.
Soňra, ýene ýüregi ýumşandyr-da. Bir Juma güni ahyry oglunyň yzyna düşip metjide gidýär. Köwşüni pakeda dolap, hiç kimiň nazary düşmejek ýerine bukýar. Metjidiň ortaragynda hutba okalýan münberiň gabadynda irräk baryp oturýalar.
(Esasy waka şu ýerde başlaýar)

Mundan beýlesi daýymyň öz dilinden:
Ymam namazdan öň wagyz etmek üçin münbere çykanda, oturan jemagata bir gözüni aýlap çykypdyr we maňa tarap has içgin seredip, kän wagt seredip durdy-da: - Plany aga, araky köwşüňizi tapdyňyzmy? Ogurlatdym diýýädiňiz, diýdi.
Alla şaýat, depämden gaýnag suw guýlan ýaly boldy. Doňup galdym. Ömrümde birinji sapar metjide gelýän, gelen günümem şunça jemagatyň içinde maňa şeýle sorag beräýmelimi?!
Men entägem gürlemän durdym. Oňa çenli ymamyň ýanyndaky egindeşleri "Ýok, bu ol ýaşuly däl-ä, ol başga biri, meňzeş görensiň hajy aga" diýensoňlar, ymam menden ötünç sorady.
Şonda içimde bir ses "Arkaýyn geliber, seň köwşüňi ogurlajak ýok bärde" diýilen ýaly boldy.

Özüňiz pikir ediň, Alla nähili kadyr zat. Şol wagty şo sözleri ymamyň agzyna salyp berenem Alla. Meň içimdäki ters pikirlerden ybrat almak üçin şol güni metjide barmagym we meň bilen şeýle hadysaň bolmagy...

P.s Häzir şol daýym, metjidi dolulygyna dost tutundy, sypdyrman gidýär. Dinimiziň hemme ybadatlaryny doly berjaý edýär...
Nesibesi çekip, ýene 2 günden, Mart aýynyň 7-sine umra zyýaratyny bitirmek üçin haja gidip barýar...

Mowzugy VIP edenler:

Haç zyýaratyny Alla kabul etsin!

Alhamdulillah, şu haj meselesi soňky ýyllar ýeňilleşdi we arkaýynlaşdy.

Boýun almaly, 7-8 ýyl öňler. Nobatyň ýetsede gitmek hyllallady... sebäbi kwotalar kemdi. Reysler az. Diňe puly köpüräkler öňe saýlanardy. Onsaň puluň bolsada, özüň ýaly puly barlaryň arasynda bäsleşmeli bolardyň. Beýlekiler hakyn-ha gürrüňem ýok...

Men şeýlebir adamlary tanaýan. Oçurta ýazylanyna 10-12 ýyl bolan, her sapar oçurdym ýetmezmikä diýip, ýetmedigini eşdeninde-de, sakgalyny ezip aglaýan ýaşululary tanaýan...

Indi Allaha şükür gowçulyk.
Hormatly Prezidentimiziň we Arkadagymyzyň Saud Arabystana soňky iş saparlarynda şu meselelere seredildi we kwotalar artdyryldy. Döwlet reýsleri köpeldildi. Ondan daşary haj zyýaratyny gurnap berýän hususy agentliklerem açyldy.

Malades, Ämin kabul bolsun! Allah mundan beýlägem bizem dogry gönükdirsin!

Kabul bolsun, bizede Huday yetirsin

Keramatly toprakda edjek doga-dilegleri ,berjek sadakalary Beyik Biribaryñ dergähinde kabul bolsun!Allajan bizede gitmek nesip etsinda.

Tuweleme Alla kawul edsin hakykatdanam HAÇ parzyny yerne yetirmage gidip imanlylardan bolsyn.Kabir Haç parzyna gidip gelenlara görsem dogrysy newsim agyrya edip yören hereketlerne.Alla kabul edsin yene bir gezek.

psihologiyada şeyle termin bar: serhet bar.... şondan geçyänçäñ kyn yaly emma geçyäñ üytgeşik kynçylyk yok, meselem, edil synaga girip çykyşyñ yaly,
kabirleri Mesjide barmaga cekinyaler, her hili bahana arayar çekinjeñligini gizlejek bolup, Emma Mesjit ne gözel yerdigini, jemagat bolup namaz okamak nahili ajapdygyny, nähili lezzetlidigini, nähili sogapdygyny duysadylar Mesjidde boş yer galmazdy, kabirleri yaşy ahyrlaberende Namaz okamaly diyip dushunyarler, Dayyñyzyñ Mesjitde jemagata goşulmagy bilen Külli musulmanyñ baş Mesjidi bolan Mesjidi Harama Umra gitmek miyesser edipdir, bu begençli yagday, Umradan soñ belki Haj parzyny bitirmegide Beyik Alla nesip etsin, ahli ybadatlary, Umra saparlary, sadakalary doga dilegleri kabul bolsyn! Herkimede miyesser etsin!

Oglunyň sogabyna ýazylsyn oňarypdyr. Kabul bolsun umrasam. Bizede Haj parzyny bitirmek miýesser etsin.

Gaty gowy zat. Ýöne keramatly ýeri hem syýahat zonasy ýaly edip barýarlar instagram zwezdalary. Hemme aýdymçylar diýjekmi, beýleki "gyz"lar diýjekmi. Beýdiberseňem bolýarmyka, şol meň üçin ullakan sorag.

Miss Happy,
Ýaz şunam tegelek stola)