Perhat dost sana sheyle soragym bar!.:

Ine nesip bolsa oylenenson durmushynda zenan mashgala nache % orun tutup biler?

Aljak gyzy nahili, hyyalyndaky gyzmy shu soragam mana gyzykly

Sapakjana hacan ocur yetya dos oglan

Alyp baryjynyň degişme duýgusyna berekella!))

Ilki bilen salam hemmäňize, saýtdaşlar! (Pikirlerde kän bir salamlaşyp ýöremok, bu Sizi sylamaýandygym däl, göni pikire girişip gitmegi dogry bilýän, köplenç) Dogrusy, özümi bir tele-gepleşikde oturan ýaly duýdum, soraglary okap. Tak, başlaly...

1. Adym Perhat, köpüsi tanaýandyr, Seýran hem diýýärler (kaka tarapymyň dakasy gelen ady). 1995-nji ýyl. Aslym Lebapdan, ýöne ýurdumyzyň dürli ýerlerinde işlemek nesip etdi, kakam Balkan tarapdan. Başga näme aýdyp bilerin... Gyzyklanmalarym ýaşyma görä üýtgäp durdy şu wagta çenli, edil häzir-ä bir zady hobby edinere kän wagtymam ýok, belki, gep wagtda-da däldir, öz ýaltalygymam bolup biler.

2. Türkmen ýaşlary däl, köp ýurtda eýýäm kitap okamak kän bir aktual däl. Ýöne käbir ýurtlarda kitap okamalmagy üçin dürli ýaryşlar hem geçirilýär. Adam okamagy azaltdygyça, gözýetimem daralyp ugraýar, sözlemde sözleri ýerlikli ulanmak meselesi, aýdasy gelýän pikirini hemmä düşnükli sözler bilen beýan edip bilmesi kynlaşyp ugraýar. Şoň üçin men-ä kitap okalmagynyň tarapdary. Indi, TOP-3 kitaplara geçsek, aýtjaklarym daşary ýurt kitaplary:
1) "Halallyk kyssalary" Kerim as-Şazili awtory ýalňyşmasam. Rahmet Gylyjow arap dilinden terjime eden bolmaly. Ilki bilen şuny maslahat berýän, sebäbi diňe ýaşlar däl, hemmämizem bilmeli, sapak alaýmaly zatlarymyz bar şu kitapda. Şu kitapda dinimizem bar, biziň ahlak-ruhy kadalarymyza eýerýän we türkmençiligimize gabat gelýän terbiýeçilik ähmiýetli zatlary hem bar. Kime nähilidigini bilmedim, ýöne özüm-ä haladym. Kitapda dogry ýoldan ýöremek, nähili ýagdaý bolanda-da ruhdan düşmezlik ýaly ündewler bar. Meniň pikirimçe, hemmämizem ruhlandyryjy sözlere mätäç.
2) Deýl Karneginiň psihologik kitaplary. Belli bir kitabyny aýtjak däl, poçti hemme kitabynam okadym, öz duýgularyňdaky içki gapma-garşylyklardan nädip baş alyp çykmakdan, köpçülikde özüňi nähili alyp barmalydygyňa, kime nähili ýüzlenmelidigiňe çenli bar şol kitaplarda. Haýsyndan başlamagy bilmän dursaňyz, "Dosty nähili gazanmaly..." kitabyndan başlaýyň, soň diňe şu awtoryň kitaplaryny gözläp ugrarsyňyz.
3) Biznes kitaplar. Genri Forduň "Meniň durmuşym – meniň sepgitlerim", Kawasikiniň "Startap" kitaby, Robert Kiýosakiniň kitaplary, Napaleon Hills bar soňam, Stiw Jobsyňkylar bar, öz saýawyňyza görä gyzyklanyp okabermeli. Dawlatow Saidmurodyň "Dolgi taýut na glazah" kitaby mende hasam gowy täsir galdyrdy, soňky okan kitabym şu. Mekdep bize diňe sowat we orta bilim berýär, durmuşyň finans kynçylyklaryny her kim özüçe ýeňmegi öwrenmeli, şoň üçinem finans taýdan sowatly boljak bolmaly, şolar ýaly adamlar bilen gatnaşmaly, pikir alyşmaly, gözýetimiňi giňeltmeli.

Şu kitaplar her kimde özbaşdak dogry ýoldan ýöremegi, kynçylyklary ýeňip geçmegi terbiýelärmikä öýdýän.

3. Ejizleseler, durmuşdan nalynýan gürrüňler edilse durup bilemok. Goşulanymy bilmän galýan, näçeler özümi saklajagam bolsam. Käte başardýaram özümi saklamak. Men adamyň mümkinçilikleriniň, onuň pikir edişindenem has giň, edip bilmerin öýdýän hereketlerinden has güýçlidigine ynanýan. Yhlas, tutanýerlilik, oýlanşykly hereket bolup dursa, başaryp bilmejek zady az her kimiňem. Öz ruhumyzyň kesellemegine, ejizlemegine ýol bermeli däl, biz ruhumyz belent bolanda güýçlüdiris.

4. Meniň edýän zyýanly endigim – çilim. Şu zady başlamagy hiç kime maslahat beremok. Öň bir taşlapdymam, ýene başlanyp gitdi, ýene taşlamagyň ugruna çykjak nähili ýol bilenem bolsa. Stress ýagdaýda kömek edýändir öýdüp, ýalňyş pikir bilen başlanyp gitdi asylam, ýöne aslynda psihologik taýdan alaňda şo çilimiň tüssesini däl-de, arassa howany edil şolar ýaly birnäçe gezek içiňe çekip goýberseň, rahatlap bilýär adam. Bu zat öz-özüňi aldamak. Spirtnoý ugry barada indi, hawa, günde däl, tiz-tizdenem däl, sebäplere görä içýän. Içip görmedik erkegem azdyr (ýöne şol azlygyň hatarynda bolasym gelerdi). Bu ikisem ýalňyş we zyýanly endik, ikisem abraý getirjek zat däl, daşda duruň başlamadyklar, meň-ä maslahatym şu. Içgi, çilim sebäpli dargan maşgalalar bar, abraýdan düşen abraýly adamlar bar. Men bu zatlary garşyma nähili garaýyş dörejegine garamazdan açyk aýtdym, çekinýän ýerim ýok, men şeýle, ine. Tak, indi başga neşäm – kino görmek. Men taryhy kinolary, detektiw, bolan wakalara esaslanan kinolary görmegi halaýan. Näme-de bolsa, bir zada gyzyklanyp ýörseň gowy zat, esasy zyýanly bolmasyn. Galyberse-de, kitap okamak.

5. Bilmedim, 2050ý.-a ýeteli, hany, göreris, pylan diýip bolmaz.

6. haha toçno bilmedim haýsy ýaşdadygymy, edil şony haçan bilenim-ä ýadymda ýok.

7. Onuň aýdanyny hiç wagt eşitmändim, ýöne belli bir derejede dogrudyram. Bagt – meniň üçin janymyň sag bolup durmagy, ýakyn hasaplaýan adamlarymyň ýanymda bolmagy, maksat edinen zatlaryma ýetip bilmegim, elimden gelýän zat üçin birlerinden alkyşyny almagym, ýylgyrmaklaryna sebäp bolup bilmegim, kömege mätäje kömek edip bilmäge ýagdaýly bolmagym, hemmesem bagt şular meniň üçin.

8. Hawa, häsiýet tarapdan özüme meňzäp bilse, men arkaýyn gözümi ýumup gidip biljek o dünýä.

9. Nahar bişirmek bilen aram gowy. Elim boşasa boldy, höwesime-de taýýarlaýan kuhniýada aýdym goýup, "çemodanymam" ikiýana çaýkap tans oýnan bolup. Özüm halaýan nahar bişirmegem, yzyny ýygnamagam, uborkasynam, eşiklerime serenjam bermegem.

10. Adamy öwmek gerek, öwmegem bir hoş söz, köpimiz mätäçdiris şoňa, bu-da bir özboluşly stimul döredip bilýär adamda, motiwasiýa bolup biler. Öwmäge mynasypmy-dälmi diýen soraga, ö wen wagtyň bildirýär, eger bat alyp ýere-göge sygman ugrasa, bu adamy kän bir öwmegem howply. Öweňde ýüzi gyzaryp aşak seretse ýa çala sessiz ýylgyrsa, ine, şu adam mähire-de mätäç, öwülmäge-de.

11. Boljak işe çäre ýok... Hakykatdanam, boljak işe çäre bolman biler. Ýöne çäre ýok ekeni diýip, boljak zadam boldurman oturmagy nädogry bilýän. Eger Alla boldurmajak bolsa, şol boldurjak bolýan zady gursagymyza guýmazdy. Sende pikir döredimi, saňa gerekmi şo zadyň bolmagy? Onda – ÖŇE!!! Eger ýokarky oňlamadyk bolsa, seniň kelläňe-de salmazdy şony. Esasy, men-menlik etmeli däl, hemişe özümizden ýokarda Biriniň bardygyny, özümizden güýçliniň bardygyny unutmaly däl. Kalbymyz, niýetimiz arassa bolsa, boldurjak bolmaga hökman çalyşmaly biz.

12. Gaýgysyz Atabaýewiň heýkelini. Şu şahsa hormatym uly, men türkmen hökmünde minnetdar şu şahsa.

13. Hor çekmek barada tema tapmaly bold-ow onda))

14. Indiki "tegelek stoluň" myhmanyny şu günüň dowamynda aýdaryn.

Şu tema diňe dark-yň soraglary üçin geldimdä

1. Maskalada pul kimde durmaly we name ucin
2. Hic hili kitap okamanam dile ceper, hemme bilen calt cykysyp(dil talysyp) gityan adamlar bar otyrsmalarda zatda gabat gelyansin. A tersine kop kitap okayyan akylly diyip hasap edyanlerimiz kan kopcilige gosulsyp bilenok. Sebabi namede diyip pikir edyan?

rus kriminal seriallaryny gowy görýäňizmi?

Bir ishe bashlamakanyz dostlar bn mashlahatlashyanyzmy ya yuregi dinleyanizmi

Biznes hakynda bir nace kitaplary agzapsynyz, ozun shu gunki yagdaya nahili baglanshykly yerin bar ?( telekeci, partnyor yada indi ishe girishmekci we.shm)
Cagalykda multifilimlerde gahrymanlarymyz bolushy yaly hazirki wagtda durmushda barmy gahrymanyn? Kim we name ucin shol adamy gahrymanyñ hasaplayan?

Näme uchin koplench gara fonda gezyañ.Erkek reñk seryozny reñk yaly jogap bolmasyn konkretni sebabi name bu garalyklaryñ we birem oyleneñsoñam ozuñ kir yuwup ozuñ utuk etjekmi.
Iñ sonky soragam name uchin owadan gyz gozleyan?!)

Kä bir soraglarňyza inni kelläm işlejek bolýa

1. "Erkek eşek" diýlen aýtgy bar. Bu ýöne ýere aýdylan zat däldir belki-de. Geçmişiňde özüň bilip ýa-da bilmeden ynjydan bir ynsanyň bolupdymy? Şol ynjydan ynsanyňdan ötünç sorap gördüňizmi?