Ejem, janym ejem - misli perişdäm,
Kalbyňa, roýuňa nur-iman çöken,
Bu tarypyň göwnüme däl, hakykat,
Iň gereklim, mähribanym sen, ejem!

Ejem, janym ejem - her güne manym,
Sensiz ýaşaýyşym bir şemdir - öçen.
Durmuş atly dar köpriniň üstünde,
Sag-solumyň tutalgasy sen, ejem!

Ejem, janym ejem - ykbal peşgeşim,
Iň bagtly günlerim saýaňda geçen.
Ýeller bulutlary syryp getirse,
Gowluklary alyp gelýäň sen, ejem!

Gara başyň gara dagyň,
Da:şyndan gatydyr ejem!
Bu günlere gelen halyň,
Maňlaýyň hatydyr ejem!

Gyş gijelerniň tümligi,
Ýatladar geçen ömrüňi,
Megerem saňa bergili,
Pelegiň çarhydyr ejem!

Haka aýan kalbyň pägi,
Gany:mlaryň azmyş gäwi,
Ah, olaryň düşen güni,
Ýaradan gahrydyr ejem!

Ýalan dünýä edip höküm,
Ýazdyrsa-da sende ýükün,
Bolmadyň hiç boýny bükük,
Bükülen bagyrdyr ejem!

Geýmän, gören görgüleriň,
Iýmän, üzen bergileriň,
Goşga niçik sygdyraryn,
Ýazardan agyrdyr ejem!

Işlediň döküp derleriň,
Agyr geçse-de günleriň,
Il-güne güldi ýüzleriň,
Sözleriň süýjidir ejem!

Gözden nije ýaşlar dökdüň,
Ýagyr bolduň, ajy gepden,
Gör, sapaly güne ýetdiň,
Allanyň güýjidir ejem!

Suraý Amanakowa

78

14

5

6

0

Mowzugy VIP edenler: