14:49 Mowzuk

Adamyň öz gündelik durmuşunda esasy özüne ýörelge edinmeli we goldanma almaly Pygamberimiz sallallohi aleýhi wessellemiň 4 hadisi şerifi barada. Musulman adam şol aýdylan hadislara eýerse onuň iki dünýasi hem ýagşy bolar inşallah.

1-nji hadis. "Elbetde amallar niýetler bilendir"—manydaky hadis. Biz mydama niýetimizi gowy tutup haýyrly amallary etmäge çalyşmaly. Niýetimiz meni görsünler , bilsinler däl , haýsy amaly ýerine ýetirsekde niýetimiz Allatagalanyň razylygyny gazanmak bolmaly.

2-nji hadis. " Adam özüne degişli däl zatlar bilen meşgul bolmaly däldir. Özüne haýry bolmadyk zatlara wagtyny gidirmeli däldir"—manydaky hadis. Özüňe degişli zatlar bilen meşgul bol, başgasyny taşla. Mysal üçin; Allatagalaň kapyrlary güýmäp, wagtlarny ýele sowursunlar diýip çykaran futbol-hokkeý diýen ýaly manysyz oýunlaryna, güýmenip ,gyzyldan gymmatly wagtyňy köýdürme. Bize şolaň haýsy utany ýa utulany näme parh edýär. Kinolar ýa-da her hili oýun-güýmenjeler, ýa-da özüňe degişli bolmadyk gep-gürrüňlere, wakalara wagtyňy gidirme.

3-nji hadis. "Musulman hakyky musulman bolup bilmez, eger-de özüne mynasyp gören zadyny, beýleki musulman doganlarynada mynasyp görmese, ýagny özüň üçin gowy gören zadyňy beýleki musulman doganyň üçinde gowy gör"—manydaky hadis. Diňe mende bolsun ýa-da diňe men bileýin diýme, beýleki musulman doganlarňy hem gözden salma, her zadyňy paýlaş, ýagdaýyňa görä. Bu ýagdaý diňe materýal ýagdaýa däl, sylag-hormat, arkalaşyk ýaly ýagdaýlarada degişli.

4-nji hadis. "Her bir halal edilenler belli we her bir haram edilenler-de belli"—manydaky hadis. Halal we haramy öwrende halal durmuşda ýaşa, haramlardan uzakda bol şonda iki dünýä bagtyýarlygyna gowuşarsyň.

Adamyň duşmany şeýtan , öz haý-höwesli newsi, dünýä söýgüsi bizi Allatagalaň buýran zatlaryndan alyp goýýar. Ýyllar bolsa kerwen gurap geçip dur. Aklymyzy ulanalyň we haýyrly amallar edip ahyretimizi gazanalyň.