Baglarda guşlar saýraýar,
Tur, ýatma, oýan, musulman!
Dowzahda alow gaýnaýar,
Akyl et, goýal, musulman!

Gör, ýatanok iblis şeýtan,
Bir diňleseň okar meýdan,
Sen däl, saňa nebsiňmi han,
Bu haldan uýal, musulman!

Durmuş kyn iş, bir oýun däl,
Dile Hakdan eklejek kär,
O islese eýlemez har,
Permanyn goýar, musulman!

Aýdylan: "sakasy saglyk",
Garyplyk şol - göwni darlyk,
Iman, ylym uly baýlyk,
Galany hyýal, musulman!

Ömür - ötegçi kölege,
Maý ýok munda boş gezere,
Lähetde jogap berere,
Ölüm has golaý, musulman!

Suraý Amanakowa

54

9

1

3

1

Mowzugy VIP edenler: