Ýagsana, kalbymyñ üstüne,
Duýgularmy buýdursana,
Göwnüm añzakda ýaly,
Gar bolup ýag,
Ýagmyryña zar bolupdyr,
Seni küýsän hyýallarym,
Zyýanlylañ zyýanlaryn,
Bu beýnimiñ dumanlaryn,
Ynamymyñ gümanlaryn,
Bagrymda öýen ganlary,
Ýuwar ýaly ýag,
Ýagsana.

Dul şatlygy sallah gussa,
Durmuşa çykar, ýa öýer,
Guran arzuwlarmy suwla,
Uklan umydymy oýar,
Men özüme geler ýaly,
Damja bol, ýüzüme dam sen,
Ýag sen.

Saralyp ygaly küýsän,
Göwnüme nem bol,
Em bol başarsañ,
Yzgaryñdan özge bir zat,
Çyglyk,
Gelmesin daşardan,
Içime siñ, öýkenimde,
Dem bolup gal, ruhyma siñ,
Artygym bol her kemimde,
Ýüküm ýeñlet gerdenimden,
Şu gün ýa-da ertelemde,
Günler ömri kerteninde,
Bulut bolup garalda gel,
Guýdyr ýaz deý çagbalary,
Men ajy ýugdan balary,
Çykyp ýalñyzlyk kastyna
Ýagsana,
Ýagsana,
Kalbymyñ üstüne...

©Baýram BEJIDOW

139

20

3

11

0

Mowzugy VIP edenler: