Ogurlykdyr,cope paste etdim tmolympiad saytdan *1999-njy ýyllarda ýazylan bir zat. telewideniýe serial etmek üçin niýetlenipdi. ýöne durmuşa geçirilmedi. ýaltanmasaňyz okap görüň (kommpýutere göçürip soň okasaňyz hem bolar). brazil teleseriallaryndan kän gowy zat. köp zat barada.... awtory belli däl.

Birinji epizod
Dañ atyp barÿar. Šäheriñ köp etajly jaÿlary dañyñ ümüš- tamyšynda täsin, tämiz görünÿär. Olar içinde geñ oÿnawaçlar ÿygnalan gutulara meñzeÿärler. Ynha, Gün dogar her kim köçä döküler. Gutularyñ bu täsinligi hem ÿitip gider. Kä wagt geçip gidÿän mašynlaryñ sesi diÿäÿmeseñ ümsümlik. Bu jaÿlaryñ birinde agšam öÿe giç gelip, häzirem süÿji ukuda ÿatan 23-24 ÿašlaryndaky öÿlenmedik ÿigit Šöhrat kranddan akÿan suwuñ sesine oÿanÿar. Diñširgenÿär. Öÿdäkilerden kimdir biri oÿanypdyr. Ol sagadyna seredÿär. Ÿañy alty. Beÿlesine agdarylyp, täzeden ÿatjak bolÿar. Uklap bilenok. Turup geÿinÿär. Tualede çykÿar. Koridorda jigisi Babageldi bilen pete-pet gelÿär. 17 ÿašlaryndaky ÿetginjek agasynyñ ÿüzüne seredip bilmän müÿnli ÿaly geçip gidÿär. Šöhrat: Näm-aÿ, aladañdan ala- šakyrdy edip, il örüzip ÿörsüñ? Babageldi: Hiç. Šöhrat ÿene ÿerine geçmekçi bolÿar. Šöhrat: (öz-özüne) Indi ÿatybam bolasy ÿok. Ol aÿnañ öñüne baryp çilim otlanjak bolÿar. Otulçöp gözleÿär. Tapman agzy çilimli goñšy otaga girÿär. Girse jigisi Babageldi ÿeke özi namaz okap dur. Ol muña haÿran bolup, näme üçin geleninem unudÿar. Gapyny ÿapyp yzyna çykÿar. Ÿene gapyny açÿar. Babageldi sarsman namaz okap dur. Šöhrat ÿuwašlyk bilen ädimläp otaga girÿär-de bir gyrada ÿatan zajigalkasyny alyp çykÿar. Šöhrat (çilimini otlanyp dašaryny synlap duršuna) Eÿ-ho! Dünÿede her zatlar bolup ÿör-ow. Oñ gara çynymyka-raÿ? Geñ-aÿ. Ol çyndanam Alla bardyr öÿdÿämikä? (pallaÿar) Ukyñ-a išini gördi. Hakykatdanam Alla bar bolsa, dilegiñem daš edip dursa hezil-ä bord-aÿ. Aÿ, ÿataly- laÿ. Dokuza çenli üç sagat bar. (Çilimini tašlap ÿerine geçjek bolanda, ÿene aÿak sesini ešidÿär. Turup gapyny açÿar. Görse ejesi Abadam gapydan Babageldiñ namaz okaÿšyny jyklap dur. Šöhratyñ çykanyny görüp jyklamasyny goÿÿar.) Šöhrat: O näme edip ÿör-aÿ? Abat: Çüš! Namaz okaÿar. Šöhrat: Namaz okaÿanyny menem görÿän. Adamlañ akyly üÿtgäp ÿör öÿdÿän.

* *Ikinji epizod*
Öÿ eÿesi Aman geÿinip dur. Aÿaly hem ÿanynda.
Abat: Ešidÿäñmi, gyÿw?
Aman: Hmm
Abat: Ogluñ namaz okaÿar.
Aman: Namaz?! Haÿsysy?
Abat: Kiçiñ.
Aman: Babageldimi?
Abat: Hawa.
Aman sesini çykarman geÿinmegini dowam edÿär.
Abat: Näme sesiñi çykarañok.
Aman: Ulyñ-a bir balamut. Ne
okuwy bildi ne zady bildi.
Šunyñdan bir zat çykaÿarmyka
diÿÿädim welin, bulam molla
boljak diÿsene.
Abat: Namaz okanyñ bilen molla
bolunasy ÿok-la.
Aman: (Ÿene jogap berenok)
Hany meñ papkam?
Abat: (adamsynyñ papkasyn
uzadÿar) Deñ-dušlaryndan
okaÿany bardyr-da,
öwrenäÿendir-dä. Uzak okasy
ÿok-la.
Aman: Bolÿa men gitdim.
Abat: Sag bol, sag aman bar.
(Aman gaharly çykyp gidÿär.)
*Üçünji epizod*
Aman dašaryk çykÿar. Gapyñ
öñünde edara mašyny GAZ-24
garašyp dur. Ol gelip mašyna
münÿär.
Aman šofer bilen saglyk-
amanlyk sorašansoñ "Edara"
diÿÿär-de soñ sesini çykarman
otyr. Onuñ ÿüzünde çuñ pikir,
alada alamatlary görünÿär.
Mašyn bir gurlušygyñ deñinden
geçip barÿar.
Aman: Bu ÿerden näme gurÿalar-
aÿ?
Šofer: Täze mesjit guruljakmyš.
Aman: Mesjitmi?
Šofer: Hawa.
Aman: (Ÿene sesini çykarman
esli oturÿar) Meret, sen haçan
namaza bašlajak?
Meret: Menmi? Aÿ, bize namaz
eÿgertmez-le. Ÿogsa okasañ
gowudyr-la
Aman: Hawa. Indi öñki döwür
däl, eÿgerseñ okamaly. (Mašyn
edarañ deñinde durÿar. Aman
papkasyny alyp düšüp gidÿär.

*Üçünji epizod*
Abat: Babañ pahyr tomusyñ
yssy günlerem agzyny beklärdi.
Šo wagtlar ÿogsa ÿašy
segsenden geçipdi. Ÿogalan
ÿylam, pahyr, šu oraza-da
ÿetsem, šu oraza-da ÿetsem
diÿip gitdi. Basa-bas ÿyllaram
penjiräñ iç ÿüzüne keçe çüÿläp
selälige turardyk diÿip gürrüñ
bererdi.
Babageldi: Keçäni näme üçin
çüÿleÿärkäler?
Abat: Hökümet adamlary aÿlanar
eken-dä, selälik wagty kimiñ
agzyny bekleÿänini biljek bolup.
Šo dašynda añtap ÿörenlere
öÿde yšygyñ ÿanÿany
bildirmesin diÿip keçe çüÿlär
ekenler.
Babageldi: Eje, sen-ä meñ namaz
okaÿanyma begenÿän ÿaly.
Abat: Hawa, begenÿän, oglum.
Belki, at dakylan babañ pahyr
ÿaly bolaÿsañ. Ÿöne okuwyñy
bir tašlaÿmaweri.
Mugallymlaryñam saña zehinli
diÿÿär. Kakañam šu oglumdan
bir zat çykar diÿip ÿör. Senem
molla bolup ötägitseñ...
Babageldi: Eje saña-da düšüner
ÿaly däl, birden-ä begenÿän
diÿÿäñ, birdenem... Namaz
okanyñ bilen näme molla
bolÿañmy?
Abat: Bilmedim-dä, oglum. Bir zat
diÿsem ters ÿaly, diÿmänem
bilemok. Öÿli-išikli bolup, ÿašyñ
kyrka dagy ÿetende
okaÿsañam...
Babageldi: Eje, sen nämeler diÿip
dursyñ? Šu aÿdÿanlaryñy babam
ešitse saña näme diÿerdi?
Abat: Wah, kakam pahyr: "Elim
bäbekli, ešigimi arassa saklap
bilemok diÿip namazyñy
goÿaÿmagyn. Köÿnegiñ bagjygy
arassa bolsa bolÿandyr"
diÿÿädi... Düšen ÿeriñe-de bagly-
da bu zatlar...
Babageldi: Babam namaza näçe
ÿašynda bašladyka?
Abat: Bilmedim. Soraÿmandyryn.
Namazymy geçirenimi bilemog-a
diÿerdi. Ÿöne sakgalyny welin,
hiç syrmandyr. Pygamberimiziñ
sünnetidir sakgal diÿerdi. Döšüni
tutup duran owadan sakgaly
bardy. Beÿ diÿsem senem ÿöne
sakgal goÿberdip
oturbermäwergin.
Babageldi: (ÿylgyrÿar) Ÿok-laÿ
ejye.
Abat: Hawa. Sen bolañda
kyrkyny ÿa sowupdyk, ÿa
šonam sowmandyk.
Babageldi: Bäh, bütin ömrüne,
sakgalyña päki degirmän, bäš
wagt namazyñy bir gezegem
geçirmän beÿle bir kararlylyk
nädip bašardÿarka?
Abat: Babañ diri bolan bolsa, señ
namaza bašlanyña begenjine iki
bolup bilmezdi.
Babageldi: Ruhy begenÿändir,
eje.
Abat: Ruh diÿilÿä, ahyret güni,
hasap güni diÿilÿä, šu zatlar
çynmyka?
Babageldi: Eje, sen ahyrete
ynanman nädip namaz okadyñ?
Abat: Aÿ, oglum, kakam barka
okardym. O dünÿe, ahyret
diÿibem ÿörmezdim, kakam oka
diÿensoñ... O wagt ÿašymyzam
ÿašdy-da. Soñ bir hili o zatlar
ÿalan ÿaly boldy ötägitdi.
Kakañam okamanymy kem
görmedi. Her kim šu dünÿesiniñ
aladasy bilen bašgaÿ-da, oglum.
Ahyret diÿseñ gülünäÿjek ÿaly...
(Ejesi Babageldiñ gözünde ÿaš
görÿär. Babageldi hem ÿašyny
gizlejek bolÿar) Oglum, näme
gözüñe ÿaš aÿladyñ? Señ babañ
armany galan däldir. Segsen üç
ÿašady pahyr.
Babageldi: Ÿok, babam üçin
gözüme ÿaš aÿlanmady.

* *Dördünji epizod*
Aman bilen Šöhrat ikisi öÿde.
Aman: Ÿene išden çykdyñmy?
Men bizar boldum, señ üçin ÿüz
tutup.
Šöhrat: Ÿarym gün iše gelmediñ
diÿip yrsaraÿar-ow. Ÿogsa galan
bolsam, iki-üç sagatjyk gijä
galandyryn.
Aman: Üç sagatlap išde
bolmasañ bašga näme gerek?
Irräk ÿatyp, irräk turarlar.
Šöhrat: Turdumam-laÿ, mollamyz
namaza turanda menem turdum-
da, ÿene ÿatyberipdirin.
Aman: Biriñiz molla boluñ,
beÿlekiñiz bihepbe, garaz,
düzüwliñiz bolmasyn.
Šöhrat: Dogru-da. Dañdan bir
oÿanyp, ikinji gezek ÿatañsoñ,
wagtly bilen turup bolÿamy?
Aman: Indi o šeÿder
ÿörermikä?
Šöhrat: Aÿ, Babageldidir-dä. Oñ
näme etjegini bir özi bilÿär.
(Kakasy gaharly sesini
çykaranok) Goÿaram-laÿ. Ulurak
mollalañam soñ ÿoluny
urdurÿanyny ešidÿärdik.
Babageld-ä entek il ugruna
egilip-galyp ÿörendir-laÿ.
Aman: Ol edere iš tapanok.
Šöhrat: Aÿ, namazyny tašladaÿ-
sa bor-la, ÿöne siz halamarsyñyz
diÿip, zat diÿmän ÿörün. Šokolad
ÿalyjak gyz bar šoñ bilen
Babageldini bir tanyšdyraÿyn.
Nädersiñ šoñ adyny tutup egilip
galyp ÿörse. Mollaçylygyny däl,
okuwyny tašlamasa razy
borsuñ.
Aman: Hawa-la özüñ ÿaly
azdyrjak-da.
Šöhrat: Näme men
azypdyrynmy? Ÿok-laÿ, size
geregi molla ogul.
Aman: Ÿa hökman öÿe gelmän
entäp ÿörmeli, ÿogsa-da molla
bolmalymy?
Šöhrat: Nätdiñ-aÿ, ejemiñ gepini
tapÿañ. Kaka bir azajyk pul
bersene, šu gün agšam oglanlar
bilen...
Aman: Señ pul beräÿiñ soñy
ÿok...
Šöhrat: Bolÿa-laÿ kaka, bilÿäñ-ä
oglanlar...
Aman: Ahyry bir zadyñ
üstünden barmasañam bolÿa.
Näçe gerek?
Šöhrat: Aÿ, 50-60 müñjük bolsa
bolÿa.
Aman: 50-60 müñ? Onça puly
näme etjek?
Šöhrat: Nätdiñ-aÿ, 50-60 müñ
pulmy? Oñ üstesine ogluñam
gezdirmeli bolsa...
Aman: Me. Indi ol išiñden ymykly
çykdyñmy?
Šöhrat: Çykdym öÿdÿän.
Aman: Sen adam bolmarsyñ.
Kiçiçligiñden bašyña goÿberdim-
dä.
Šöhrat: Išiñ bir zady bor-laÿ
kaka.
Aman: Men-ä indi señ üçin
adama ÿüz tutman. Gidersiñ
kerpiç guÿarsyñ.
Šöhrat: Iš tapylar-laÿ.
Babageldiñ-ä aladasyny etme
ony men özüm daš ederin.

* *Bäšinji epizod*
Aman oÿnašy Bagdagüliñ
öÿünde.
Aman: Owf. Señ ÿanyña gelemde
bir dynjymy alan ÿaly bolÿan. Iš
diÿseñ iš, öÿ diÿseñ öÿ. Bizar
bolupdyryn. Hany bir kofejik
beräÿmäñ bardy-la.
Bagdagül: (çykyp, eli iki çaška
kofeli dolanyp gelÿär) Näme
boldy. Bašlyklar bilen
oñušañokmy?
Aman: (Bagdagüliñ hossarlygyna
hasam gussaly kiši bolup) Äÿ,
išem bar bolsun, bašlyklaram.
Indi näçe ÿyldyr šol bir iš.
Okuwy bile gutaranlarymyñ
köpüsi ketde, mersedes iše
gatnadÿar.
Bagdagül: Senem ösdürerler,
howlukma.
Aman: Kiçim diÿseñ olam täze
hokga tapdy.
Bagdagül: O nämäñ hokgasy?
Öÿlenjek diÿÿämi?
Aman: Ÿok-laÿ, senem
beterinden beterini tapÿañ. Ol
entek mekdebi šu ÿyl gutarmaly.
Bagdagül: Hä, öÿermeliñ ulyñdyr-
ow. Kiçiñ ady Babageldimidi?
Aman: Adam bar bolsun, özem.
Bagdagül: Näme edipdir beÿle?
Aman: Äÿ, išsizdir-dä. Bir ÿerden-
ä namaz öwrenipdir. Bir hepde
bäri dañ atandan ala-šakyrdy,
täret kylyp, barymyzy örüzÿär.
Bagdagül: (gülÿär) Öz-ä señ
ogluñ, özem namaz okÿarmy?
Aman: Wah, šony diÿsene.
Nirden, nädip öwrenipdir. Wah,
babasyna çeken damary bardyr.
Bagdagül: Kofäñ sowaÿa. Aÿ,
oglandyr-da, bir salym gyzygar,
tašlar.
Aman: Tašlaÿsa ne ÿagšy.
Bagdagül: Men haÿran galÿan,
illeñ çagasy-ha iñlis dilini
öwrenjek-de, kompüÿuter
öwrenjek.
Aman: Beÿ, šunyñ-a gowy pikir,
sen šoña iñlis dilini öwretsene.
Hem adam edersiñ.
Bagdagül: Wa-aÿ. Öwret diÿme.
Çaga okatmadan bizar
bolupdyryn.
Aman: Sen ony tanañok. Kä
wagt Šöhrat oñ agzyna añkaryp
oturÿar. Ÿaman geñ çaga. Kelläñe
gelmejek gürrüñler tapÿar.
Ÿadyma düšÿär bäš ÿašyndaka
"ölsem atamyñ ÿanyna
giderinmi?" diÿÿärdi. Bolmasa
hepdede bir günjük sapak ber-
äÿ.
Bagdagül: Bolÿa-da, señ ogluñ
bolany üçin getir, zehinini
göreÿin. Ÿöne kütek bolsa, gaty
görme, men ony iš edinmerin.
Aman: Ynanmarsyñ, Bagdašam,
ogluñ birneme ÿakymsyzrak,
garagolyrak bolsa gowy eken.
Ine, ulym šeÿle. Kiçimi welin,
görsem özümden özüm
utanyberÿän. Oñ gözlerine göni
seredip bolanok. Ÿok-laÿ, adam
perzendinden utanmaly
bolmasyn.
Bagdagül: Sen meni ÿaman
gyzykdyrdyñ.
Aman: Seresap bol, ÿöne senem
totam eje edäÿmesin.



*Altynjy epizod*
Aman ähli mašgalasy bilen. Orta
saçak ÿazylypdyr. Dürli-dümen
zatlar ortada.
Šöhrat: Mollamyzyñ agyz
bekleÿäni kemem däl. Muñ
arkasyndan bizem her hilije
zatlar iÿÿäs. Hany oñ özi nirede?
Abat: Agšamyny okaÿar.
Šöhrat: Indi biz šol namazyny
gutarÿança garašmalymy?
Abat: Palawam bir azajyk buga
duraÿsyn diÿdim, ÿa
äbereÿinmi?
Aman: Ÿok, garašarys.
Abat: Hzir okap bolaram-la. Men
oña çenli guÿušdyrybereÿin.
Babageldi: (gelÿär. Saçagyñ
bašyna geçip oturan ÿaly edÿär-
de) Eje men saña kömeklešeÿin.
Abat: (ör-gökden gelip) Ÿok, ÿok,
oglum. Oturber. Men häzirjek
guÿup getirerin.
Babageldi: Ÿok, ÿör sen guÿ, men
äbereÿin. (ejesi bilen ašhana
gidÿär.)
Aman bilen Šöhrat ikisi birhili
edere gürrüñ tapman, hersi bir
zada güÿmenen bolup
oturÿarlar. Oña çenli Babageldi
eli naharly gelÿär.
Aman: Tüweleme. Kabul bolsun.
Agzyñy bekleÿäñmi?
Babageldi: (utanyp, zordan)
Hawa, omyšalla.
Aman: Ÿöne owalam-a sende et
ÿok, agzyñy bekläp hasam
horlanaÿmasañ?
Šöhrat: Çöpe jan bitdi diÿsene.
Açlygyña bir ÿerde ÿykylyp
galarsyñ. Kim doga okatmaga
çagyrarka diÿip, magaziniñ
agzyny saklap oturan
ÿašulularyñ biriniñ toruna
düšenje diÿerler saña. Señ
ÿalakylar, dašary ÿurt dillerini,
kompüÿuter öwrenÿär.
Aman: Okuwyñ nähili?
Babageldi: Ÿagšy.
Šöhrat: Mekdepde-de namaz
okÿañmy, onsoñ?
Babageldi: Hawa, uly
arakesmede, klasdašlarymyñ
biriniñ öÿüne gidip okap gelÿän.
Šöhrat: Bäh.
Aman: Iñlis dilinden okaÿšyñ
nähili?
Babageldi: Aÿ, okaÿas.
Aman: Okuwyñ dašyndan sapak
berer ÿaly mugallym tanyšym
bar, isleseñ gürlešeÿin? Šu wagt
iñlis dilini bilseñ, kompüÿuter
bilseñ, hor-a bolmarsyñ.
Šöhrat: Aÿ, molla iñlis dili nämä
gerek, kompüÿuter nämä gerek?
Aman: (Šöhrada) Hany sen
naharyñy iÿsene.
Esli wagt hiç kimden ses
çykanok.Abat: Iñlis dilini öwrenmek günä
diÿilip ÿazylan ÿeri ÿokdur-a? Ÿa
günämikä?
Babageldi: Günä diÿilÿän zat ÿok,
öwrenäÿerin.
Šöhrat: Oho! Çynyñmy? Belki
namazyñy Londonda okajaksyñ?
Babageldi: Näme Londonda
namaz okaÿan ÿokmy? Bilseñ,
Amerikada-da musulman mesjidi
bar.
Aman: Onda ertir men seni bir
mugallymyñ öÿüne äkideÿin.
Babageldi: Öÿünde okadÿarmy?
Aman: Hawa. Londonda išläp
gelen.
Babageldi: Aÿalmy?!
Šöhrat: Aÿal bolanda näme dišlär
öÿdÿäñmi?
Abat: Šu çaga senden ÿaña gün
ÿok-da. Arkaÿyn naharyny
iÿdirmediñ.
Šöhrat: Dogru-da. Berÿän soragy
bir geñ.
Aman: Ol medeniÿetli, düšünjeli
aÿal. Sen ondan köp zady
öwrenersiñ.
Šöhrat: Kaka, oñ ÿanyna menem
äkitsene.
Aman: Señ näme išiñ bar?
Šöhrat: Aÿ, iñlis dilä eÿgertmez
welin, medeniÿetlije oturmany,
turmany, gürlešmäni öwrenerin.
Aman: Sen ÿaman köp
gürleÿäñmi, ÿa göwnümemi?!
Nahar iÿilip bolunÿar.
Abat: (Babageldä) Oglum töwür
galdyr-aÿ.
Babageldi: Kaka...
Aman: Galdyr-aÿ özüñ.
Babageldi töwür galdyrÿar.
Hemmesi hem ellerini ÿüzüne
ÿetirÿärler.
Šöhrat: Ösüš bar-how. Šu biziñ
barymyzy molla etmese ÿagšy.
Babageldi sesini çykarman
ejesine gap-gaçlary ÿygnašÿar.
Šöhrat bilen kakasy iki-çäk
galÿarlar.
Šöhrat: Londonda ÿašap gelen
diÿÿäniñ Mir-2-däki Bagdagül
dälmi?
Aman: Sen ony nirden tanÿañ?
Šöhrat: Tanamok, ÿöne bilÿän-
dä.
Aman: Nämäni bilÿäñ?
Šöhrat: Men Babageldi däl-ä.
Ÿöne meñ garšylygym ÿok,
bašaran dört aÿal saklaÿar.
Neme-laÿ, telewizoryñ
programmasyny görmediñiz-
maÿ?

* *Ÿedinji epizod
Bagdagüliñ öÿi. Babageldi bilen
sapak geçÿän günleriniñ biri.
Babageldi iñlisçe bir teksti jan
edip okaÿar.*
Bagdagül: Berekella. Kakañ seni
öwÿädi welin, öwmezçe-de däl
ekeniñ. Men häzir kofe getireÿin.
Babageldi: (utanyp) Ÿok,
hökman däl.
Bagdagül: Ÿekeje minut, men
derrew. (çykÿar. Eli çaškaly
dolanyp gelÿär.) Kakañ saña
namaz okaÿar diÿdi welin,
çyndanam okaÿañmy?
Babageldi: Hawa.
Bagdagül: Geñ. Señ ÿašyñda...
Men saña çaga diÿjek bolamok.
Ÿöne señ ÿašyñdakylar adatça
karate, ÿoga, wegetarianlyk
diÿen ÿaly zatlar bilen
gyzygÿarlar.
Babageldi: Gyzykmak bašga zat.
Mysal üçin kepderi sakalamak
bilenem gyzygyp bolar.
Bagdagül: Onda-da yslamdan
birhili yzygalaklygyñ ysy gelÿär,
šeÿle gerek? Ÿöne sen göwnüñe
bir alaÿma.
Babageldi: Ÿok. Ÿöne yzagalaklyk
diÿÿäniñiz ruhy yzagalaklykmy
ÿa-da tehnologiÿada?
Bagdagül: Tehnologiÿada
musulmanlaryñ yza galÿany belli
zat-la.
Babageldi: On alty, on ÿedi ÿašda
iñ köp janyna kast edÿänler,
tehnologiÿañ iñ ösen
ÿurtlarynda.
Bagdagül: Hmm. Men bir zada
düšünmedim, señ näme üçin
iñlisçe öwrenesiñ geldi?
Musulman bolsañ saña arapça
öwrenmek zerur dälmi? Ÿa
kakañ diÿensoñ geläÿdiñmi?
Babageldi: Ÿok, özümiñem
öwrenesim gelÿädi. Meñem
Angliÿany, Amerikany göresim,
bilesim gelÿär. Kakam siziñ
Londonda išläniñizi aÿtdy.
Bagdagül: O! London! London
täsin šäher. Men saña o ÿerde
düšen suratlarymyzy
görkezeÿinmi? (Olar surat
görmäge bašlaÿarlar)

Sekizinji epizod
Babageldi bilen Šöhrat ikisi.
Šöhrat: Gašyñy çytyšdyrma, señ
namazyñ bilen išim ÿok. Iñlis dili
nädÿär? Mugallymyñ gowumy?
Babageldi: Erbet däl.
Šöhrat: Sen maladis-aÿ, maña
dagy boÿuñ bilen gyzyl berjek
diÿselerem, okamaly öwrenmeli
bolsa... Ÿo, sen maladis. Ÿöne
maladislerem dynç alÿandyr-a,
gel, šu gün men seni šäherde
gezdireÿin. Dawaÿ bol, geÿin.
Babageldi: Nirä?
Šöhrat: Agañ gezdirjek diÿse,
yzyna düšüber, hor bolmarsyñ.
Bol-bol. Men pikirimi
üÿtgetmänkäm gitdik.
Aga-ini šäheriñ owadan
ÿerlerinde gezip ÿörler.
Šöhrat: Sen akylly oglan welin,
ÿöne namaz, Alla diÿip ÿörsüñ,
men haÿran. Wah, ojagaz
našyjany görsene. Özem señ
ÿašytdašyñ, tanyšdyraÿynmy?
Ÿeri bolÿa, gyzarma.
Tanyšdyramok. Ol eÿÿäm geçip
gitdi, galdyraÿ ÿüzüñi.
Babageldi: Sen näme üçin meni
beÿdip aÿlap ÿörsüñ?
Šöhrat: Çynymy aÿdaÿynmy?!
Men seni gowy görÿän jigim.
Ine, sen ÿalñyšan ÿeriñde
arkaÿyn "bagyšla" diÿip bilÿäñ.
Meñ welin, ömrümde bir adama
bagyšla diÿenim ÿadyma
düšenok. Sen diÿseñ çyn
bolaÿÿar, men diÿsemem
ÿasama boljagy görnüp dur.
Babageldi: Ÿalñyšsañ ÿalñyšdym
diÿmän dagy näme diÿjek?!
Šöhrat: Ÿöne sen gaty sada,
ynanjañ-da. Šu häsiÿetiñ
bolanok. Beÿle bolsañ utulan
ÿeriñ köp bor. Šu mollalara dagy
özüñi aldatdyryp, dañdan
ukyñdan galyšyña gynanÿan-da.
Ÿo-ÿo, maña tapawudy ÿok.
Men-ä indi öwrenšipdirin, ÿöne
jigim bolañsoñ aÿdaÿÿan.
Babageldi: Señ pikiriñçe ähli
musulmanlar akmakmy?
Šöhrat: Akmak däldir, mümkin,
ÿöne aldawa düšen adamlar-da.
Ine, görÿäñ-ä kommunizm diÿip
näçe akylly adamlar aldawa
düšüp janyny gurban etdi. Näçe
adamlary gyrdylar. Iñ soñunda-
da aldanan ekendikleri belli
boldy. Dinem šoñ ÿaly,
tapawudy näme?
Babageldi: Sen gudrat diÿlen
zada ynanañokmy?
Šöhrat: Puluñ gudratyna
ynanÿan.
Babageldi: Bolÿa, goÿaly-la šu
gürrüñi. Sen öñi-soñy meni
diñlemersiñ.
Šöhrat: Derrewem öÿkeleÿäñ-aÿ.
Diñläÿin. Hawa, gudratdan
bašladyk. Bir gudrat bolupdyr-
da, älem ÿaradylypdyr, Ÿer
ÿaradylypdyr, ÿyldyzlar, Adam
ata, How ene, šeÿtan soñam olar
Ÿere kowulypdyrlar.
Babageldi: Maÿmyn eline taÿak
alypdyr, oturgyja münüpdir,
bagdan alma gaçyrypdyr,
šeÿdibem adam bolupdyr,
šeÿlemi?
Šöhrat: Belki beÿle-de däldir.
Ÿöne adamyñ palçykdan edil
plastilinden ÿasalan ÿaly ÿasalyp,
soñ oña jan berilenem-ä erteki.
Babageldi: (Elindäki almany iki
bölÿär-de, içinden çigidini alÿar.)
Men saña šu çigidi görkezip,
"šunuñ içinde ullakan agaç
ÿerlešÿär" diÿsem ynanarmyñ?
Šöhrat: Ÿok.
Babageldi: Šuny ÿere ekseñ, šoñ
ÿaly agaç gögerip çykÿar-a
Šöhrat: Ÿak, nädÿäñ-aÿ. Ekseñ
ÿogsa-da gögerer-dä.
Babageldi: Sen dogrudanam šu
dyrnak ÿaly çigitden ullakan
agajyñ emele gelšinde gudrat
göreñokmy? Šu çigit bolmasa
adamyñ özi heÿ, alma ÿasap
bilermi? Dünÿede näçe ÿitip
giden ösümlikler bar, heÿ, olary
bir laboratoriÿa gaÿtadan
döredip bilÿärmi?
Šöhrat: Aÿ, gel šu zatlara
bašymyzy agyrtmaly. Dünÿä
indikmi, hezilliklerini göreli.
Gapdalyñdan bal ÿaly suw akyp
ÿatan bolsa, içersiñ-ä? Içmän
dodagyñy ÿalap otursañam
akmak bolarsyñ-da, šeÿle dälmi?
Babageldi: Šeÿle.
Šöhrat: Bäh, ahyry ÿeñdim-aÿ.
Gör-ä bujagaz gyzlary. Sen entek
olara suwsan dälsiñ, ÿöne inä
bahym bilersiñ. Bu eÿjejikler
bilen gezesiñ geler. Senem Alla
diÿip, bu hezilliklerden kem
rysgal galsañ, heÿ, bolarmy?
Babageldi: Adam haÿwan däl-ä
islänini edip ÿörer ÿaly. Mysal
üçin sen göwnüm isleÿär diÿip,
šu ÿerde keçe ÿazyp, ÿassyga
ÿaplanyp ÿatyp bilmersiñ
ahyry?!
Šöhrat: Ÿo-ÿo. Bulašdyrma. Señ o
diÿÿäniñ umumy adamzat
normalary. O zatlar düšnükli.
Ÿöne, gabady gelende
söÿüšäÿmek, keÿp çekäÿmek
hemme kišiñ edÿän iši. Kimi
gizlinräk edÿä, kim aç-açanrak...
Akyly ÿerindäki adama šeÿle.
E, bilÿänmi, meñ bir tanyšymyñ
šakalat ÿalyjak gyz jigisi bar. Eÿ,
šeÿle bir owadan. Özem señ
bilen ÿašytja. Gel häzir šolara
gideli, senem oñ bilen tanyš.
Babageldi: Ÿok-laÿ. Men
okuwyma taÿÿarlanmaly.
Šöhrat: bolma, soñ
ökünersiñ.
Babageldi: Ÿok gitjek däl diÿdim-
ä.
Šöhrat: Bolÿa, tanyšma.
Dostumyñ ÿanyna bile baraly,
sen ÿöne ÿanymda otur. Jigisi
çaÿ-zat getirer welin, gowuja
synla. Soñ tanyšjak diÿseñ, ertesi
gidÿäs, daš edÿäs. Nädÿä. Sen
gorkma, ÿanyñda agañ bar-a.
Durmušdan yzda galma, jigim.
Tanyš-söÿüš. Bu zatlary
kakañam edÿä. Sen näme
aÿagyñy diräp dursuñ.
Babageldi: Sen näme diÿjek
bolÿañ?!
Šöhrat: Men saña aÿtmalam däl
welin... iñlis dili mugallymyñ bar-
a Bagdagül. Šolam...
Babageldi: Hawa. Bašladyñ indi
aÿt.
Šöhrat: Diliñe berk bolarmyñ?
Babageldi: Bolaryn.
Šöhrat: Söz ber hiç ÿerde
gürlemejegiñe.
Babageldi: Bolÿa how, men näme
ešiden zadymy ÿañrap ÿörenmi?
Šöhrat: Šojagaz mugallym,
kakamyñ gezÿänje jorasy-da.
Babageldi: O nähili?
Šöhrat: Aÿ, düšünesiñem ÿok-
laÿ. Näme men saña gönüläp
aÿdaÿynmy? Düšünäÿ-dä özüñ.
Babageldi: Çynyñmy?
Šöhrat: Çynyñmy-ÿalanyñmy?
Kakam ÿašaÿar!

206

53

4

4

0

Mowzugy VIP edenler: