12:55 Mowzuk

Irki döwürde bir dindar Allahyň ybadatyna ýürekden berilen, takwa ýaş oglan bolupdyr. Allahy we pygamberini söýüp ybadatyny yhlasly ýöreder ekeni. Onuň arzuwy Käbäni görüp şoňa togap etmek, haj parzyny bitirmek ekeni. Ýöne onuň garryja ejesi bolup şoňa seretmeli bolýan ekeni. Haja gidilýän wagt gelipdir. Ýaş oglan hem garry ejesine Haja gitmek isleýändigini aýdypdyr. Garry ejesi oňa " Oglum entek howlukma, başyň ýaş sabyr et ýene bir wagt gidersiň"—diýip ýalbarypdyr. Ogly haja gitse özüne kynçylyk bolar diýip pikir edip, soň özi ýogalansaň hem gitse boljagyny sypaýçylyk bilen ýaňzydypdyr.
Emma oglunyň haja gitmek arzuwy şeýle güýçli bolup ol ejesi göwnemesede haja gitmek niýetinden dänmändir we haja gidýänler bilen goşulşup ýola düşüpdir. Ol oglan şeýdip Mekge şäherine tarap ýola düşüp gidiberýärler.Ol döwür haja eşekli-düýeli, olar ýok bolsa pyýada gidiberýän ekenler. Günleriň birinde ol düşlän obalaryndaky metjide gije giçden soň namaz okamaga barypdyr.Ol metjitde ybadat edeýin diýip şol ýerde namaz okamaga başlapdyr.
Ol obada bolsa şol gije ogrulyk bolupdyr. Bir ogry biriniň öýüne ogrulyga giripdir , ýöne ony öý eýýeleri bilipdir welin ogry olardan gaçypdyr. Adamlar hem üýşip ogryň yzyndan kowalapdyrlar. Gijelik bolansoň adamlar metjidiň töwereginde ony gözden ýitiripdirler. Ol adamlar "Geliň şu metjidem barylalyň şuňa giren bolaýmasyn"—diýişýärler. Girip görseler öň görmedik, tanamaýan bir ýaş oglanlary namaz okap dur ekeni. Olar ony ogry hasap edip "Hä gör muny bizden sypjak bolup tapýan zadyny "diýişip tutup urup-urup ertesi bolsa kaza äkidipdirler.
Kazy ol köpçüligiň eltip oňa diýýän zatlaryny eşidip "Bu oglan şeýle iş edýän bolsa " Elini kesmeli,gulagyny kesmeli, gözüni oýmaly, ýüzüne gara çalmaly, eşege ters mündirip oba aýlap" Kim ogruluk etse jezasy şudur"—diýip gygyrmaly goý başgalarada sapak bolsun " ! diýipdir. Kazyň aýdyşy ýaly edipdirler. Soňunda eşege ters mündirip gygyrmaly bolanda ol oglan aýdypdyr:
—Adamlar meniň sizden ýekeje haýyşym bar ?—diýipdir. Adamlar:
—Näme haýyş etjek ?
—Siz gygyranyňyzda ogrulyk etdi diýmäň-de kim ene-atasyna gulak asmasa ,göwnüne degse, razy etmese boljagy şudur diýip gygyryň. Men garryja ejemiň aýdanyna gulak asmadygym üçin şeýle güne düşdim—diýipdir. Adamlar oglandan beýle sözi eşdip özleriniň gödek we düzedip bolmajak ýalňyş hereket edendiklerine düşünipdirler. Olar aglaşyp oglanyň aýagyna ýykylypdyrlar:
—Sen bizi bagyşla, biz gör nähili erbet günä galypdyrys, saňa nähäk ýere ezýet edipdiris , indi bizi bagyşlamasaň biziň ýagdaýymyz nähili bolar ?—diýip eden işlerine şeýle puşman edipdirler. Ýaş oglan olara:
—Men başyma gelenini sizden göremok, ejemiň sözüni ýykdym şol maňa jeza boldy, sizden haýyşym meni ejeme gowşuryň, ahyretde hem azaba galmaz ýaly ondan ötünç soraýyn—diýipdir.

Adamlar ony alyp gaýdyp ejesiniň ýanyna eltipdirler. Oglan ejesine garap:
—Ejemjan meniň günämi geç, seniň diýeniňi etmän şeýle-şeýle ýagdaýlara düşdüm, sen bagyşlamasaň ahyretde hem azaba duşaryn—diýipdir. Ejesi ony görüp onuň düşen ýagdaýyna gynanypdyr, onuň günäsini geçipdir, soň Allaha ýüzlenip "Allajan biz kyn ýagdaýa düşdik ikimiziň hem janymyzy al biz seniň rahmetiňe gowuşaly "—diýipdir welin ogly ikisi şolbada ýogalypdyr.

Ahmet ahunyň wagzy esasynda.

Dindar bolup, haýyrly iş üçin enesiniň diýenine gulak asmaýan şeýle güne düşýän bolsa , keýpine ene-atasyna ezýet edýän nähili agyr güne düşüp biler. Ata-eneňe ezýet etmek iň uly günälerden, olaryň alkyşyny almak iň uly sogaply işlerden hasap edilýändir.