"Eje hakda, ýazmadym ýene"


Ençe goşgy döretsemde ýürekden,
Ýeke goşgam "Eje" hakda ýazmadym.
Gaýtam ýazdym, ýaş söýgini wasp edip,
Ol söýgiden derek barmy, bilmedim.

Görmek üçin diňe, dostlarmyň göwnin,
Işleýärdim hem ýazýardym kösenip.
Emma meni adam eden ejeme
Ýeke setir ýazmadym men begenip.

Heý beýlede ynsap bormy diýsene,
Söýjek bolsaň, bar "Ejäni" söýsene!
Bir gezek görüşip, ýüz setir ýazman
Bar, onýança ejeň göwnin görsene!

Eýsem eje dälmi seni ulaldyp,
Kiçijek, çyrçykly çagalygyňdan,
Adam etmek üçin daşyňda ylgap
Özi iýmän hem-de geýmän geýdirip
Seni şeýdip adam edensoň ejeň,
Senem "Ejeň" ýaly akýürek bolup,
Ejeň göwnin göter, heýjana getir,
Kalbynda bitiren ýeketäk şahaň
Görkez,
Miweside kalby ýaly päkligin.

Asla ol hakda pikirem etmän,
Üstüne gygyrýaň, diýenin etmän.
Onsoň senden ogul bormy, eý ynsan
Mukaddes ejeňe, göýä sen duşman.

Menden öňkilerem geçipdir aýdyp:
"Jennet eneleriň aýagnyň asty"
Şeýdip, ene Jennetdenem beýikkä, Jennet dek durmuşda,
Ýaşanok ene?!

Näçe ýazsaň, ýazybermeli ýene,
Sebäbi dumuşyň bezegi ene.
Şu ýazanlaryma, gözüm aýladym,
Düşündim: "Eje hakda, ýazmadym ýene!"

26.03.2021.ý.

Awtor: Çerkez BAÝLYÝEW.

101

21

5

9

0

Mowzugy VIP edenler: