Bir abraýly ýokary okuw jaýyny oňat bahalar bilen gutaryp oňat ýerlerde işleýän öňki studentleri özlerini öň şol ýerde okadan garry profesorlarynyň ýanyna myhmançylyga barypdyrlar. Gürrüňdeşlik wagtynda öňki uçurymlar profesora durmuşda özlerine gabat gelýän köpsanly kynçylyklary we durmuş meselelerini aýdyp zeýrenipdirler.
Profeser olary diňläp,soňra olara kofe içmegi teklip edipdir-de aşhana gidip uly podnosda birgiden bulgurlary we içer ýaly kofe äkelipdir. Bulgurlar her hili materiýaldan,farfor,hrustal, aýna,plasmasdan we dürli owadanlykda ýasalypdyr. Olar biri-birinden gymat-arzanlygy, ýönekeý we nepis bezegi bilen tapawutlanýardylar.
Olar derrew hersi bir bulgur alyp özlerine kofe guýundylar. Profesor olaryň hereketlerini synlap,olara ýüzlenip şeýle diýipdir :
—Bir zada üns berdiňizmi,her kim özüne owadan we gymmat bahaly bulgur almaga çalyşdy,arzan bulgurlar bolsa alynman padnosda galdy. Ýöne,siziň edäýjek zadyňyzam şolda, özüňize gowy zady isleýäňiz. Emma bu ýagdaý aslynda siziň kynçylyk we stresiňiziň hem çeşmesi bolup durýar.
Düşüniň,bulguryň ýeke özi kofeni tagamly edenoga.Siz aslynda kofe içmekçi bolduňuza,bulgur şony içmek üçin gerekdi,kofe içip bolup bulgury hem goýmalydyňyz. Siz bolsa özüňiz aňşyrmazdan özüňize owadan we gymmat bahaly bulgur almaga çalyşdyňyz, astyrynlyk bilen kime nähili bulgur ýetdikä diýbem seretdiňiz.
Indi şeýle pikir ediň;
Ýaşaýyş—bu kofe, bulgurlar bolsa—iş,pul,durmuş ýagdaýňyz, jemgiýet. Bular durmuşda gerek bolan gurallar. Bizde nähili bulguryň bolany bilen ýaşaýşymyzyň many-mazmuny üýtgänok, ýa ýaşaýan sredamyz üýtgänok. Kä wagt biz bulgura aşa üns berip,kofeden lezzet almagy unudýarys.
Has bagtyýar adamlar—gowy zady köp bolanlar däl-de,öz bolanja zatlaryny ýerlikli ulanýanlardyr.

Rusçadan şahsy terjime

149

29

8

18

0

Mowzugy VIP edenler: