Bir güni bir garryja ýaşula garap
Aýtdym adamlaryñ üýtgeşigin sanap

Biriniñ bolmasa-da ýekeje goly
Şol-da bolupdyrmyş dünýäñ Çempiony

Ýene biriniñ bolmasa-da aýagy
Ýeñijimiş küreklemekde gaýygy

Biri bar eken, hiç görmese-de gözi
On mergene degýärmiş,ýekeje özi

Biriniñ bolmasa-da çeperje dili
Diñledip oturanmyş giden bir ili

Görüpdim bir serhoşy..(Aýtýanym dogry)
Şeýle bir meý içýärdi, ýok ýaly bagry

Bir husyt görüpdim,diñe pul geregi
Bilsem,ynsapsyzyñ ýok eken ýüregi

Oýlansam ýene-de tapylaram yzy
Wagtym ýokdy. Şol ýerde kesipdim sözi

Boldum diýenimde sözlerimi jemläp
Ýaşuly bir es etdi,gözlerin geñläp

Uludan demin alyp, diýdi - han ogul
Bir ýerini kem galdyrdyñ-la jan ogul

Ol aýtýanlaryñ bolsa-da geñ görülýän
Indi "Kellesizler" has-da köp görülýär


Ylham Gurbanaly (2019)

57

14

2

6

0

Mowzugy VIP edenler: