Ol goja senetkär Babagammaryň,
Mähir yhlasyndan dörän dutarym.
Gaýgy hasrat siňen buz dek göwünler
Owazyň ýaňlansa erär dutarym.

Oglan bagşyň oglanlykda oýnany,
Çuwal bagşyň ummanynda boýlany,
Şükür bagşyň ar-namys diýip saýlany,
Mylly agaň golunda saýran dutarym.

Perdeleriňe müňläp mukam indimi?
Seni diňläp ynsan ogly gandymy?
Ýaňlananda Garadäliň ,,Ýandymy"
Gözi ýaşly bagry girýan dutarym.

Ne ajap ýaňlanýar Pürli agaň pendi,
Senediň har saklan baýnamaz şindi,
Hansähet ussadyň ussat perzendi,
Jepbar bilen baga giren dutarym.

Bu türkmeň goşa-goşa täji bar,
Biri –Magtymguly,biri goşa tar,
Şol goşa gudrata jahan hyrydar,
Şöhratyň jahana ýaýran dutarym.

Türkmen deňäp seni hany-manyna,
Saçakdaky päk mukaddes nanyna,
Saýra ýene şanly döwrüň şanyna,
Baky geldi döwri-döwran dutarym.

Sözleri:Geldi Bäşiýew.
Sazy:Akmyrat Çaryýew.

71

9

1

6

0

Mowzugy VIP edenler: