08:52 Mowzuk

1. "Sadakasyny gizlin beren adam, Rebbiniň oňa garşy ähtimal gazap oduny söndürer.
2. "Adamlaryň jepasyna sabyr edip olaryň arasynda bolan mömin, olardan aýry durup jepasyna çydap bilmeýän adamdan has köp sogap gazanar.."
3. "Musulmanyň özüne degişli bolmaýan boş hemme işlerden uzak durmagy onuň yslamyýetiniň gözelligindendir."
4. "Köp gülmäň, çünki köp gülmek kalby öldürýär."
5. "Kyýamat güni mizana ilkinji goýuljak zat gözel ahlakdyr."
6. "Mü’min elmydama öz häsiýetini sergileýän asylzada, Günäkärler bolsa elmydama mekir oýunlara baş goşan zelildir."
7. "Suw nähili ody söndürýän bolsa, sadaka hem edil şonuň ýaly ýalňyşlary silip süpürer."
8. "Bedende başyň ýeri näme bolsa, dinde-de namazyň ýeri şoldur."
9. "Ýalňyz wagty öz özüni Rebbine baş galdyrmakdan gala goýjak derjede takwasy bolmaýan adamyň eden amallarynyň Allanyň gatynda näme gymmaty bolsun!"
10. "Özi üçin haýyr gapysy açylan kişi, muny pursat bilip çaltyrak herekete geçsin, çünki ol gapynyň haçan ýapyljagy belli bolmaz."
11. "Jennetiň merkezine tagtyny gurmak isleýän, jemagata berk ýapyşsyn."
12. "Ahyrýetden gorkan gije ýola düşer, ýola ir çykan bolsa barjak ýerine hökman barar."
13. "Ýüzi ýerde bolany Alla Tagala beýgeltdikçe beýgelder, ulumsy bolup çalym kakany bolsa ýeriň düýbine batyrar."
14. "Gul şübheli ýagdaýa düşmek endişesi bilen, käbir haram bolmaýan zatlary hem terk etmese hakyky takwa gowuşmaz."
15. "Allanyň ýardam eli jemagat bilen biledir."
16. "Yslam gözel ahlakdyr."
17. "Aňsatlaşdyryň, kynlaşdyrmaň! Söýdüriň, ýigrenç döretmäň."
18. "Söz daşaýanlar jennete girip bilmezler."
19. "Zyýan bermek, zyýana zyýan bilen gaýtargy bermek ýokdur."
20. "Mü’min doganyň bilen jedel etme, göwnüne ýaramajak oýunlar etme, we oňa ýerine ýetirip bilmejegiň söz berme."
21. "Özünden kiçilere merhemet etmeýän, ulylara hormat goýmaýan bizden däldir. "
22. "Her bir eşiden zadyny aýtmagy, kişiniň günä gazanmagy üçin ýeterlikdir. "
23. "Kim dünýäde iki ýüzlilik etse, kyýamat güni otdan iki dili bolar. "
24. "Kim başga birinde gören aýbyny geň görse, özi hem şol aýba duçar bolman ölmez."
25. "Jemagat bilen bile boluň, we dawa jenjelden uzak duruň. Ýadyňyzdan çykarmaň, şeýtan ýeke özi hereket edýänleri boş goýmaz."
26. "Allah ýolunda tozan bolan aýaklary jähennem ody ýakmaz."
27. "Doga-Dileg ybadatyň özenidir".
28. "Iň çalt kabul edilen doga bir musulmanyň başga bir musulman hakynda eden gaýybana dogasydyr".
29. "Allanyň gatynda dogadan has gymmatly zat ýokdyr."
30. "Kim Alla Tagala doga etmegi taşlasa Allanyň gazabyna duçar bolar."
31. "Içiňizden kime doga gapysy açylan bolsa oňa rehmet gapylary açylandyr diýmekdir."
32. "Özüň üçin arzuw edýän zadyňy beýlekiler üçin hem dile-de musulmanlygyň tamamlansyn."
33. "Asyl baýlyk malyň köplügi däl, göwün baýlygydyr."
34. "Garaňky gijelerde metjide gitmäge dowam edenleri kyýamat güni doly ýagtylyk bilen buşlaň."
35. "Bendesiniň Rebbine iň ýakyn bolýan wagty sejdedäki ýagdaýydyr, Onuň ýaly bolsa sejdede köpräk doga ediň. "
36. "Alladan dile; dilän zadyňy hökman berer."
37. "Hiçkim ‘Dileg etdim kabul bolmady’ diýmesin. Howlukmasa dilegi kabul bolar."
38. "Tygşytly bolan garyp bolmaz, maslahat eden hem puşman bolmaz. "
39. "Alla Tagala bendelerine mähir bilen sereder, bendeleriniň hem şeýle bolmagyny islär."
40. "Kyýamat güni meniň şepagatyma iň laýyk boljaklar, maňa iň köp salawat getirenlerdir."

?Çeşme: www.YAGMYR.com