Çaklama

Edebiÿatçy alymlarymyzyñ nusgawy šahyrlaryñ šahsy durmušyny yzarlanlarynda hem meselä juda ÿüzleÿ garaÿandyklaryny tekrarlajak bolÿan diñe men däl. Olaryñ okyjynyñ añyny bulašdyryp ÿörüšlerinden zeÿrenip, döwrümiziñ iñ talantly šahyry Atamyrat Atabaÿewiñ ÿazan bir gošgusyny ÿüzugra size ÿatladyp geçeÿin:

Magtymguly Meñli gyzy söÿenmiš,
Ÿöne ÿetip bilmänmišin wysala.
Seÿdi bolsa Hatyja diÿip köÿenmiš,
Emma olam düšenmišin šo hala.

Zelili hem Döndüsine gowušman,
Bu dünÿäden arman çekip ötenmiš.
Nepese-de päsgel berenmiš dušman,
Garaz, zordan Bossantäje ÿetenmiš.

(Pursatdan peÿdalanyp, men Atamyrat Atabaÿewe šu gošgusynda "ÿapyšalga" bolmaly, ÿöne onuñ üns bermedik ÿene bir deliline — Mollanepesiñ "Aÿ imdi" šygryndaky: "Tä ölÿänçäm Durduhal diÿp aglyrmen" - diÿen setirini okyja ÿatlatmakçy. Diÿmek, Mollanepesem özüniñ hak söÿgülisi Durduhala ÿetip bilmänden soñ Bossantäje öÿlenmeli bolÿar-da? —A.T.)

Elinden gidirip Annagülüni,
Mätäji mähire mätäç bolanmyš.
Šeÿdip, ähli šahyrlaryñ gününi —
Söÿgüsini šum rakyp bozanmyš.

Bular çaklamasy biziñ alymlañ,
Belki, birden biri degÿändir ÿapa.
Alymlar! Nämüçin gara zalymlar,
Olañ hiç haÿsyna gyÿañzok nika?

"Bir kem otuz ÿyldyr sürüšdim döwran",
Diÿip ÿazaÿmadyk bolsa Kemine,
Onuñam ÿaryny bir pursat durman,
Bererdiñiz bir baÿa ÿa emire.

Garaz, hakykata golaÿ bir delil,
Ÿa-da çala bašy gowšan çaklama
Šahyrlañ söÿgüli ÿaryny elin —
Eltip berÿär haÿsydyr bir akmaga.

Bu gün elimizde nika hatymyz
Barlygyna šükür, bolmasa bizem
Goÿardyñyz söwer ÿarsyz — hatynsyz,
Siz öz täsin çaklamalaryñyz bilen.

Ÿerliksiz dawamyz ÿok biziñ asla,
Ÿa šahyryñ täleÿi ters ozaldan.
Gowy bordy, bir ters many çykmasa,
Söÿgi hakda ÿazylan her gazaldan.

223

16

8

5

0

Mowzugy VIP edenler: