Aýperi bolanlygy sebäpli Aman goňşularyň çagalary bilen oýnaýardy. Olar wagtlaryny hoş geçirýärdi. Aman mekdep döwründe Aýperi bilen bile gatnaýardy. Oňa elinden bary kömek edýärdi. Ýöne Amanyň göwnüne bolmasa Aýperi üçin ol diňe dost hökmünde garaýan ýaly.
Wagt bolsa hiç kimi diňlemän öňe gitdi. Ykbal bolsa olary aýry saldy. Hersi öz ýoly bilen gitdiler. Indi olara näme garaşýar? Muny diňe wagt görkezer...
...Tomus dynç alyş möwsümi gelip ýetdi. Aman öz obasyna dolandy. Ine-de tut agajy gören-de biygtyýar çagalyk döwrüni ýadyna saldy. Aýperi bilen hem-de goňşy çagalary bilen oýnan wagtlary, garaz ýakymly ýatlamalar ummanyna çümdi. “Aýperiň durmuşy nähili boldy?” diýip Aman iňkise gitdi...
...Aman okuwa gitmezden öň Aýperini iň soňky gezek göresi geldi. Bütin oba aýlanyp gözlesede göýä gurruk guýa gaçan dek tapyp bilmedi. Köp wagtlap oslagsyz ýerde ykbal olary duşurmandy. Ýogsa-da Aýperi hem okuwa giripdi.
...Birden hem gapydan uýam gelýär.
- Näme üçin gündeligimi okaýarsyň? “Kim saňa oka?!” diýdi – diýip maňa ýazgardy.
Gündeligini bolsa meniň elimden gaňyryp aldy. Muňa garamazdan onuň bukýan ýerini bilýärdim.
...Gün ene öz çagasyna mähir berşi kimin Hatamtaý dek şöhlesini paýlaýardy. Tut agajyň kölegesinde Aman bilen Aýperi (nädip baranyny barada üstünden çyzylgydy. Okap bolmaýanlygy sebäpli “nädip Aman Aýperini çagyranyny” meniň üçin syr bolup galdy) otyrdy. Aman oňa aýtmaly zatlary kändi. Ýöne nämeden başlamalydygyny bilmeýärdi. Birden hem bir zat ýadyna düşdi.
- Aýperi, bu ýerler ýadyňdamy? Goňşy çagalary bilen bile oýnardyk.
- Hawa, görüp otursam näçe ýyl geçäýipdir - Amany görýänine öz gözlerine ynanasy gelmeýärdi.
- Mekdepden soň okuwa giripsiň diýip eşidipdim.
Şeýlelik bilen olar öz durmuşlary barada gürrüň berdiler. Birden hem Aman:
- Men sen barada bir zat eşidip galdym. Sen birini halaýaňmyş.
- Gep-gybaty kim ýaýradyp ýör?!.. Barsy ýalandyr!
Aman bolsa içinden: “Ýalandygam bir gowy zat “ diýip içinden hümmürdedi.
- A, gyz seniň Şeker bilen araňyz nähili? Bile düşen suratyňyz gowy bolupdyr.
- Saňa bir zat aýtmaly. Şeker bilen aramyza tow düşdi. Oňa biri sawçylyga gelipdir...
- Wah-eý, ola bolmandyr – diýip Aýperi gynanan boldy. Içinden bolsa: “Ol taýak ýaly gyzyň nämesini gowy gördükä?” diýip pikir etdi.
Aman aýgytly hereket etmelidi. Öz duýgusyny Aýperä aýtmaly. Ýöne beýle etse soňy gowy gutararmy?
- Hawa, neme... – Aman tolgunyp başlady.
- Aýperi, seni unudyp bilmedim. Bu söýgi mekdep döwründen bäri dowam edýär...
- Aman, bes et!
- Men saňa aşyk boldum.
- Onda ozal näme üçin aýtmadyň?
- Eger-de saňa aýdaýsam, meniň söýgümi kabul etmersiň diýip pikir edýärdim. Şeýlelik bilen men bilen gürleşmezdiň. Şeýle dälmi?
- Wah, bilsediň, maňa nähili kyn boldy. Şu wagta çenli saňa garaşdym. Söz aýdanlar köp boldy. Barysyna ýüz öwürdim...
- Diýmek, sen hem maňa aşyk bolupsyňda?
- Waý, hawa. Näme şu wagta çenli gözümden, garaýşymdan aňman gezdiňmi?
- Bagyşla meni Aýperim!
Birhaýukdan soň Aman ýuwaşjadan Aýperiň elini tutdy. Olar bir söz hem diýmediler. Aman söwer ýaryna hem-de iň ýakyn dostuna mähir bilen seretdi. Ertekimizi bolsa soňlaýarys. Ýöne Aman bilen Aýperiň ertekisiniň soňy diýip pikir etseňiz, onda uly ýalňyşlyk goýberersiňiz. Olaryň öňünde birnäçe kynçylyklar sabyrsyzlyk bilen garaşýarlar. Ýogsa-da olar kynçylyklardan bile ýeňip geçip bilerlermi? Goý, her kim özüçe çözsün! “
Uýamyň gündeligini alan ýerinde goýdum. Eger-de biläýse, soňy... Indiden beýläk öz-özüme gündeligini okamajakdygyma söz berdim.
Çeşme:Źurnal

229

22

3

5

1

Mowzugy VIP edenler: