13:04 Mowzuk

1. Yslam ahlagyny, Allah gorkusyny we özgäniň hakyny iýmezligi kepillendirýän – ahyret ynanjynyň gowşamagy (Ynanjyňyzy güýçlendiriň!)

2. Öz milli däp-dessurlarymyza ýat bolan endikleriň, ýagny dünýewi etiki gymmatlyklaryň aramyza ornaşmagy (Öz Yslamy ahlak kadalarymyzy düýpli öwrenmeli we Yslamy ahlaky öz durmuşymyza siňdirmelidiris)

3. Çakdan aşa bolsun, ýa-da çaky bilen bolsun – tapawudy ýok, kaşaň durmuşa imrinmek. (Kanagat edip ýaşamalydyrys we şu dünýä ahyret nazaryndan seretmelidiris)

4. Teleýaýlymlarda görkezilýän kino filmleriň ýa-da beýleki gepleşikleriň gahrymanlaryna öýkünmek, olaryň täsirinde galmak. (Telewizora seretmegi azaldyň! Görjek gepleşigiňizi saýlap-seçip görüň. Teleýaýlymda görýän kino filmleriňiziň hyýaly toslamadygyny ýatdan çykarmaň)

5. Käbir erkek adamlaryň halal çäge kanagat etmän, daşaryk göz gyzdyrmagy (Allah gorkusyna sygynyň!)

6. Käbir aýallaryň özlerini juda erkin alyp barmaga bolan höwesi we munuň netijesinde aýalyň adamsyny sylaman başlamagy. (Yslam dininde aýal maşgalanyň nähili borçlarynyň barlygyny öwrenmeli we şolary berjaý etmeli).

7. Aýallaryň käbiriniň zähmet çekmek arkaly maşgala gaznasyna goşant goşýany sebäpli, bir tarapdan adamsyna minnetsiz bolmagy we munuň netijesinde-de adamsyny äsgermezligi, beýleki tarapdanam işdäki hem-de daşardaky aýallaryň onuň durmuşa seredişine ters täsir etmegi, işiň ýadawlygy hem goşmaça aladalar sebäpli aýalyň adamsyna bolan gatnaşygynyň peselmegi, aýalyň öýüne hem-de maşgalasyna onçakly ähmiýet bermeýişi. (Erkek adam öz maşgalasyny eklemelidir. Esasan-da, aýalyň işläp işlemezliginde, maşgala jogapkärçiligini nä derejede ýerine ýetirjegini göz öňünde tutmaly)

8. Häzirki döwrüň şäher durmuşynda, iş edaralarynda, gurply maşgalalaryň kän barýan ýerleri bolan dynç alyş ýerlerinde Yslamyň edep kadalary berjaý edilmezligi zerarly ýüze çykan wejaralyklaryň erkegiňem, aýalyňam ruhuna şikes ýetirmegi (Bular ýaly ruha ýara salýan ýerlere ýanaşmaly däldir)

9. Zerurlyk ýok ýerinden, nepesiňi durlamak üçin daşarda gezim edilende göze ilen bozuklyklar, aýal-gyzlaryň geýinişndäki wejeralyklar ahlagy gowşak maşgalalara erbet täsir edýär we iki taraplaýyn ynam wagtyň geçmegi bilen ýok bolup, maşgalanyň dagamagyna eltip bilýär. (Zerur bolmasa daşaryk çykmaly däldir. Daşaryk çykmaly bolaýanynda-da gözüňi haramdan gorajak bolmaly)

Az çaga dogurmak – häzirki zaman maşgalalarda „aýrylyşmagy“ aňsatlaşdyrýan ýene bir sebäp hökmünde öňümizde gezelip durandyr. Mysal üçin üç çagaly bir maşgalada ene-ata aňsat-aňsat nikasyny bozmaz. Emma bir çagaly ene welin adamsy bilen aýrylyşyp bilýär. (Çaga sany üçden az bolmaly däldir)

11. Erkek adamyň aýaly bilen, aýalyň bolsa adamsy bilen gyzyklanmazlygy. Biri-biriniň göwnüni awlamagyň ýerine, iliň gözüne gowy bolup görünmäge çalşylmagy. (Bir zady ýatdan çykarmaly däl: Hiç kim bar kişiň gözünde gowy bolup görnüp bilmez. Her kimiň halaýan zady bardyr. Är-aýal bolanlar biri-biriniň näme halaýanyny bilmeli. Olar özlerini şoňa görä alyp barmaly. Olar şoňa görä geýinmelidir) Mysal üçin, iki tarapyň küý-häsiýeti biri-biri bilen gabat gelmeýän bolsa, nähak işe ýol bermezden, başdan maşgalanyň dagamazlygy üçin çäre görmeli. Erkegiňem, aýalyňam sylap-hormatlaýan adamsyny kazy hökmünde ara goşmaly. Kurany beýanlardan mysal getirip, olary derrew ýaraşdyrmaly.

Çeşme: www.yagmyr.com