Şek ýetende hak aýdyma, hak saza,
Gurhanyñ owazyn diñlänler gelsin!
Gep ýetende okalmadyk namaza,
Bäş parzyñ sebabin bilýänler gelsin!

Gorkup dindar bolan kändir dūnýäde,
Dilleri dogada, gözi gūnäde;
Alladan gorkmagy öwreden dälde
Gitsin-de, Tañryny söýýänler gelsin!

Bir halkyñ adyndan başga bir halka
Gep atanyñ göwni ýetenok Haka.
Şerap bilen sowup ýören sadaka
Özgeler gijeler gūrlände gelsin!

Gözlerinde gūlki, ýūzinde nikap-
Gelmesin KITAPDAN görmedik okap!
Şerigat şertine bagryny oýkap,
Hadyslara läşin serýänler gelsin!

Ūýşmeleñe barsañ, diñleseñ pikir,
Hiç kimiñ pygamber däldigne şūkūr!
Dilleri aýatly, duýgusy kūpūr
Şeýtanlar şertini derñände gelsin!

Mesele kän, başyñ sokup gaçara,
Mesaýy kim, baryp kalbyñ açara?
Bile baryp, Tañryñ tozun guçara,
Adalata läşin serýänler gelsin!

Arçyny kim?-
Suw aljakdym sakadan.
Gep gözleýän, eliñi çek ýakadan!
Özge öýūñ baýdagyna gep atan
Namysyñ astynda iñlände gelsin!


Awtor: Çary Ataýew

194

17

4

10

0

Mowzugy VIP edenler: