Ideal geliniň gysgaça beýany şulardan ybarat:

1. Ýagdaýa düşünmek.
Gelin elmydama ýoldaşynyň ýagdaýyna düşünmeli. Adamsy işden ýadap gelse "näme üçin maňa ýüz bereňok, ýa başga birini tapdyňmy?" "sen menden ýadadyň" ýaly sözler bilen kellesini agyrdyp, ýadawlygyny beter güýçlendirmeli däl. Işden ýadap gelip kän bir gürleşesi gelmezligi hökman "başga birini" tapanlygyny aňladanok. Öýe erkek adam dynç almaga gelýär, işdäki problemalaryny öýde dowam etmäge dälde.

2. Aşa kontrolda saklajak bolmazlyk.
Dostlary bilen gatnaşdyrmajak bolup, zyýanly endikleri edýän bolsa şolary etdirmejek bolup, oglanlar bilen oturylyşykdan soň "ýene öýe içip gelipsiň" "indi gaýdyp agzyna arak alyp gör sen" ýaly sözler bilen beýnini iýmek erkek adamy gaty ýadatýar. Erkek işde mydama alada-da, stressda gezýär. Käwagt oglanlary bilen göwnüni hoşlamak üçin arak içmegi adaty ýagdaý we ony dogry kabul etmeli.

3. Gabanjaňlyk.
Her bir sagatdan telefonyny dörmek, sms-lerini okamak, bir ýere gitse her bäş minutdan"nirede sen?" "gaýt indi öýe çaltyrak" diýip jaň etmek maşgalada agzybirligiň döremegine kän bir itergi berenok. Etjek adam näçe berk saklasaňam etmäge mümkinçilik tapyp, ikilik edýär. Şonuň üçin araňyzda birek-birege ynam döremeli. Maşgalada iki taraplaýyn ynamly we sylagly atmosfera bolmaly,  şübheli we ýigrençli dälde.

4. Gybatçylyk.
Maşgalada her bir bolýan hadysalary joralaryna, goňşylaryna, ejesine (olaryň her birem maşgala gurmakda 150 ýyl tejribeli "ekspert") aýdyp bermek maşgalanyň sütünini gowşadyp, içinden çüýretýän hereketdir. Maşgalada maslahatçy kän bolmaly däl, "malyň eýesi köp bolsa, mal haram öler" diýilýäni. Her kim bir maslahat berýär, ol maslahatlaryňam biri konstruktiw (peýdaly) bolsa beýleki onusy dekonstruktiw (peýdasyz) bolýar, gelin ynanjaň, özbaşdak pikirlenme ukyby bolmasa işiň gaýtdygy, netijede obaňyzda Döwlet Zamçadan başlap, Nurnabat gelnejä çenli maşgalaňdaky problemalardan özüňden gowy habarly bolýar. Iň gowy wariant, maşgalaňdaky ýüze çykýan problemalary özüňiz çözmeli, maşgalaňa daşyndaky adamlaryň pikiri täsir etmeli däl.

5. Arassaçylyk.
Öýde mydama arassaçylyk bolmaly. Öýüni arassa, tertipli saklaýan gelin beýleki gelinlerden kääään tapawutlydyr. Haçan-da öýe gireniňde şähdiň açylmaly. Öýüňiň arassaçylgy - geliniň ýüzi.

6. Eliniň süýji bolmagy.
Bu taýda düşündirmegiň geregi ýok. Geliniň eli süýji bolmaly, bu subtnama talap etmeýän hakykat, aksioma.

7. Goldamak
Erkek adam üçin durmuşda belentliklerden-belende ýetip, üstünlik gazanmagy üçin wajyp şertleriniň biri aýalynyň goldawy  Erkek adamyň ýokary galmagynda aýalynyň roly uly. Şonuň üçin aýaly öz adamsyna mydama ynanmaly, goldamaly. Uly işleri başarjakdygyna ynandyrmaly. Erkek adam öz aýalyndan mydama direg tapmaly, yzyndan arkaýyn bolmaly. Üstünligiň şöhradyňy iň ýakynyň bilen paýlaşyp bilmejek bolsaň, üstünlik nämä gerek?

Elbet-de, bu zatlar diňe aýal maşgala degişli däl, diňe aýal maşgala kriteriýalara laýyk gelmeli däl, erkek adamam gowulyga ymtylmaly. Är-aýalyň ýaşaýyşy ikitaraplaýyn kompromisslardan düzülen çylşyrymly konstruksiýa. Şonuň üçin ikitarapdan yhlas, isleg hökmandyr.
Iň esasy zadam agzybirlik -  nirede agzybirlik bolsa şol taýda-da rysgal-döwlet, bol-elinlik we baýlyk bardyr.

P.S Ýokarda ýazylanlar Observeriň öz şahsy pikiri, onuň pikiri bilen ylalaşyp ýa-da ylalaşman bilersiňiz. Ýöne siziň pikiriňiz Observeriň pikirinden tapawutlydygy üçin oňa nägilelik bildirmeli däl. Her kimiň öz dünýä garaýşy bar.

Agza Observer

Älem-Jahan internet sahypasyndan.

118

30

5

6

1

Mowzugy VIP edenler: