GAN BASYŞY NÄME ÜÇIN ÜÝTGEÝÄR?

Bu soraglara berlen jogaplara görä gazanan utuklaryňyzyň jemi sizde agzalan keselleriň bardygyny
ýa-da ýokdugyny çak etmäge mümkinçilik berýär.

1. Ýüzüňiz tiz-tizden gyzarýarmy?
a) Hawa, ýüzüm ýygy-ýygydan gyzarýar: 8 utuk.
b) Hawa, ýöne seýrek ýagdaýlarda: 4 utuk.
ç) Örän seýrek: 3 utuk.

2. Siz ynjalyksyz, mydama ylgaşlap ýöreýän,
gereginden artyk hereket edýän, bir ýerde
köp oturyp bilmeýän adammy?
a) Hawa, hereketsiz uzak oturyp bilemok: 6 utuk.
b) Hawa, işe başagaý bolup, howlukmaç hereket edýän wagtym köp duş gelýär: 3 utuk.
ç) Hiç wagt gyssanmaýaryn, mydama haýal hereket edýärin: 1 utuk.

3. Siz düşege geçen dessiňize uka gidip
bilmeýärsiňiz, ukyňyz rahat däl.
a) Hawa, men köplenç ynjalykly ýatyp, rahat uklap bilmeýärin: 6 utuk.
b) Käte uka gitmek maňa kyn düşýär: 3 utuk.
ç) Ukymyň bozulýan halatlary seýrek duş gelýär: 1 utuk.

4. Bedeniňiz çendenaşa gyzýarmy?
a) Hawa, tiz-tizden depämden gaýnag suw guýulýan ýaly gyzýaryn: 8 utuk.
b) Käte bedenim çendenaşa gyzýar: 4 utuk.
ç) Şeýle ýagdaý mende duş gelmeýär diýen ýaly: 2 utuk.

5. Işiňiz köpelip, aladaňyz artanda gyjynyp , aljyraýarsyňyzmy?
a) Hawa, işime ýetişip bilmeýän halatlarymda aljyrap, özümi ýitirýärin: 8 utuk.
b) Iş-aladam artanda ýetişmän aljyramagym mümkin: 4 utuk.
ç) Köplenç rahatlygymy ýitiremok, asudalyk bilen hereket edýärin: 2 utuk.

6. Siz sähel zada gaharlanyp, ynjalykdan
gaçýarsyňyzmy?
a) Meniň gaharymy getirmek örän aňsat: 7 utuk.
b) Gaharymy getirýän ýagdaýlar ýüze çykanda saklanyp bilmeýän, gahar-gazaba münýän halatlarym köp duş gelýär: 4 utuk.
ç) Sähel zady göwnüme alyp, gaharlanmak gylygy maňa mahsus däl: 1 utuk.

7. Ýadanyňyzda ýüregiňiziň gürsüldäp
urýandygyny duýýarsyňyzmy?
a) Ýüregimiň çalt urýandygyny hemişe diýen ýaly duýýaryn: 8 utuk.
b) Şeýle ýagdaý mende käte duş gelýär: 3 utuk.
ç) Örän seýrek ýagdaýlarda ýüregimiň gürsüldüsini eşidýärin: 2 utuk.

8. Soňky 5 ýylda özüňizde böwrek
näsazlyklarynyň bardygyny çak etdirýän
alamatlar peýda bolýarmy?
a) Ýygy-ýygydan böwreklerim agyrýar: 8 utuk.
b) Käte böwrek töwereginde sanjyly agyry döreýär: 5 utuk.
ç) Böwreklerim hiç wagt agyranok: 2 utuk.

9. Gözüňiziň öňi garaňkyraýarmy?
a) Hawa, mydama diýen ýaly: 8 utuk.
b) Ýygy-ýygydan gözümiň öňi ümezleýär: 5 utuk.
ç) Şeýle ýagdaý mende örän seýrek duş gelýär: 1 utuk.

10. Kelläňiz agyrýarmy?
a) Kelläm hemişe diýen ýaly agyrýar: 7 utuk.
b) Hawa, kellagyry meni ýygy-ýygydan ynjalykdan gaçyrýar:
5 utuk.
ç) Örän seýrek ýagdaýlarda kelläm agyrýar: 1 utuk.

11. Başyňyz aýlanýarmy?
a) Bu alamat mende yzygiderli ýüze çykýar: 8 utuk.
b) Hawa, häli-şindi başym aýlanýar: 4 utuk.
ç) Käte başym aýlanýar: 2 utuk.

12. Öte duzlanan, köp mukdarda hoşboýlyklar
goşulyp taýýarlanan naharlary
halaýarsyňyzmy?
a) Mydama şor, ýiti tagamly önümleri iýýärin: 6 utuk.
b) Duz we hoşboýlyklar köp atylyp bişirilen naharlary käte
iýýärin: 3 utuk.
ç) Iýýän naharlaryma köp duz atmaýaryn, hoşboýlyklary
goşmaýaryn: 1 utuk.

13. Alkogolly içgileri içýärsiňizmi?
a) Ýygy-ýygydan spirtli içgileri içýärin: 8 utuk.
b) Onçakly köp içemok: 4 utuk.
ç) Spirtli içgileri içmeýärin: 2 utuk.

14. Çilim çekýärsiňizmi?
a) Çilimsiz oňup bilemok: 8 utuk.
b) Çilim çekmek endigim bar, ýöne seýrek ýagdaýlarda çilim
çekýärin: 5 utuk.
ç) Çilim çekmeýärin: 2 utuk.

15. Öz-özüňe psihiki taýdan kömek etmegiň,
nerwleriňi köşeşdirmegiň usullaryny ulanmagy
başarýarsyňyzmy?
a) Hawa, şeýle usullary ussatlyk bilen ulanýaryn: 1 utuk.
b) Öz-özüme psihiki taýdan kömek etmegi az-kem başarýaryn:
2 utuk.
ç) Ýok: 8 utuk.

16. Agramyňyz artýarmy?
a) Gün-günden semräp barýaryn: 7 utuk.
b) Hawa, bedenimiň agramy haýallyk bilen artýar: 4 utuk.
ç) Bedenimiň agramy üýtgemeýär, kadaly ýagdaýda durýar:
1 utuk.


1. Eger, gazanan utuklaryňyzyň umumy sany 42-ä çenli bolsa, onda sizde arterial gan basyşynyň ýokarlanmaýandygyny aýdyp bolar. Ýöne gipotoniýanyň dörän bolmagy welin, ähtimaldyr.


2. Toplanan utuklaryň jeminiň 42den 65-e çenli artmagy belli-belli ýagdaýlarda (meselem, bedene fiziki ýa-da psihiki agram salnanda) sizde arterial gan basyşynyň ýokarlanýan bolmagynyň mümkindigini habar
berýär.

3. Eger utuklaryň umumy sany 65 we ondan ýokary bolsa, onda munuň özi sizde gipertoniýa keseliniň güýçli ýaýbaňlanýandygyny aňladýar.

Saglyk źurnal

176

31

5

8

0

Mowzugy VIP edenler: