Bir ýetginjek «Danalyga nädip ýetmeli?» diýen sowal bilen akyldary hiç gününe goýmaýan eken. Bir gün akyldar ýetginjegi derýa alyp gidip, iki egninden basyp, ony suwa çümdüripdir. Ýetginjek näçe çytraşsa-da, çäresiz galypdyr. Ahyry akyldar ony goýberipdir-de, suwdan çykyp, demi demine ýetmän duran ýetginjekden sorapdyr:
- Ogul, suwuň astynda saňa ýetmedik zat näme?
- Howa, howa, meniň bar islegim howadan dem almakdy – diýip, ol jogap beripdir.
- Belki, sen oňa derek baýlyk lezzet, söýgi islänsiň, oglum?
- Ýok, halypa, bar küýüm-pikirim howadan dem almak boldy – diýip, oglan jogap beripdir.
- Berk belle, ogul, danalyga hem edil ýaňky howa isleýşiň ýaly yhlas bilen ýykgyn etseň, sen oňa häkman ýetersiň – diýip, akyldar oňa pent beripdir.

209

23

1

7

0

Mowzugy VIP edenler: