1960-njy ýylyň fewral aýynyň 13-ine Alžiriň Reggana zolagynda ýerleşýän Sahara çölüniň ümsümligini gök gümmürdisine çalymdaş, aýylganç bir partlama bozupdy. Sahara çölüniň üstünde bir otly şar peýda bolup, asmany äpet kömelek şekilli duman gaplap alypdy.
Fransiýa şonda atom bombasyny synag edipdi. Ertesi gün irden Fransiýanyň goşunyna degişli harby eşikli bir topar bombanyň partlan ýeriniň töweregini gözden geçirmäge gelýär. Ilkinji barlaglarda juda täsin waka bolýar. Partlamanyň bolan ýerindäki ähli janly-jandarlar ölüpdir.
Şol mahal, barlaglar dowam edýärkä, bir esgeriň aýagy daşa degýär we birden daşyň astyndan pajygadan aman galan bir içýan çykýar. Nädip bu jandar ähli jandarlary ýok eden radiasiýadan sag-aman gutulyp bildikä? Alymlar heniz hem bu sowala doly jogap berip bilenoklar.
Içýanlar takmynan ýarym million ýyl mundan öň ýaradylypdyr. Beýik Ýaradanyň çäksiz gudraty bilen içýanlar Dünýäniň ýaňy dörän wagtlarynda ýüze çykan uly partlamalara we Günden gelen zyýanly şöhlelere döz gelmegi başarypdyrlar. Olaryň radiasiýa çydamly bolmaklarynyň syry bolsa, olaryň genleri bilen baglanyşyklydyr.
Bir gün aýagyňyz bir daşa degip, aşagyndan içýan çykaýsa, ony öldürmäge howlukmaň. Çünki adamlar üçin howply bolup görünýän bu jandarda Beýik Ýaradanyň taýsyz ýaradyş sungatyna delil boljak we bilim dünýäsinde täze gapylary açjak gizlin syrlar köpdür.

Çeşme: Ertir

200

30

3

13

0

Mowzugy VIP edenler: