11:58 Mowzuk

Akyl gözellikden has ýokardadyr.

Akyl gözellikden has mertebelidir.

Akyl gözellikden has zyýadadyr.

Çünki gözellik dünýädendir.

Akyl bolsa ylahdandyr.

Akyl üç ýerde bolar: beýnide, ýürekde hem-de kalpda.

Beýnidäki akly güzeranyň hem durmuşyň çözgüdine meşgul bolar.

Ýürekdäki akyl dünýäniň syrlaryna meşgul bolar.

Kalpdaky akyl bolsa ruhuň syrlaryny yzarlar.

Akyl barlygyň serhetlerini giňeldýär, ýoklugyň mülküni daraldýar.

Akyl syr gözleýär, danalyk hakykaty.

Danalyk adamdan adama geçýär, akl Hudaýdan adama geçýär.

Danalyk tejribedir, akyldarlyk Allanyň peşgeşidir.

Akyl mydama terdir, çünki ol syrlary çözleýär, paýhas mydama manylydyr, çünki ol hakykaty gözleýär.

Şeýtan ýitidir, emma akly bile paýhas onuň jynsyndan däldir.

Şeýtan Adam atany aldap, ony Akyl agajynyň miwesinden dadyrdy. Özi welin ondan binesipdir.

Şonuň üçinem ol mydam akylyň duşmanydyr.

Akylyň bir özi berilmeýär, ol diňe ylahylyk düşnügi bilen bile berilýär.

Şonuň üçinem şeýtan akyldan mahrumdyr.

Akyl satylmaýar, öwüt satylýar. Özüňde ýok bolsa, ony satyn alybam bolmaýar.

Akyl adamyň özüni duýşunyň däl, adamyň Allany bilşiniň halatydyr.

Akyl asmana ýakyndyr.

***

Akmak ýigrenmäge, akylly söýmäge mähetdeldir.

Akyldaryň akylynyň güwäsi onuň sowukganlylygy hem-de asudalygydyr.

Durmuşda gulp açardan has köpdür.

Akylly söze başlanda, onuň soňuny bilmeýäris, akmak söze başlanda, näme bilen gutarjagy görnüp durandyr.

Osman Ôdàÿew.