14:49 Mowzuk

Bir Gurban bayramy güni ýakynlaberende, dul bir aýal ýanyna çagasyny hem alyp baý bir hajyň dukanyna baryp, Allahyň razylygy üçin ondan yardam bermegini isläpdir. Hajy pakyr zenana kömek etmek ýerine :
—Sizden halys boldum. Näme men siz üçin işleýanmi bärde,bar güm bolsaňyzlaňaý bärden—diýip gaharlanyp olary kowdup goýberipdir.
Hajydan hiç garaşmadygy jogaby alyp,keýpsiz çykyp gaýdan aýal goňşy jöhüdiň (ýewreý)dukanynyň ýanyna gelende,jöhüd oňa garap :
—Hanym näme boldy,hajy size näme üçin gygyrdy —diýdi.
Imanly bir zenan bolansoň hajyny ýamanlaman gaýtyn oňuň özüne :
—Ol biziň ulymyzdyr,söksede ,ursada haky bar,saňa näme kapyr diýsänim-diýip jogap beripdir.
Emma jöhid bolan zatlary görensoň onuň ýagdaýyny aňypdy. Ol hoşamaýlyk bilen zenany dukanyna çagyryp näme islese alyp biljegini aýdypdyr . "Özüňe-de,çagaňada islän zadyňy al,hajyň dukanyndaky zatlardan hem has gowusyny al özem"-diýip,ýalbaryp diýen ýaly dukanyna salypdyr. Dul zenan we yetim çaga jöhüdiň dukanyndan halan eşiklerini alyp geýipdirler,bezenipdirler,soňura jöhüde garap :
—Allah saňa iman nesip etsin. Seniň bizi begendirşiň ýaly Allahda seni begendirip,sana Jennetde köşkler berip Jennet lybaslaryny geýdirsin—diýip ýürekden doga edipdir,ýanyndaky ýetim çaga-da enesiniň dogasyna "Amin"-diýipdir.
Şeýdip olar begenşip öýlerine gidipdirler.

Dul we ýetim çagany dukanyndan kowan hajy ol gije bir düýş görüpdir. Düýşünde kyýamat gopup özi hem Jennete düşüpdir ekeni. Jennetde aýlanyp ýörkä görse ajaýyp bir göz gamaşdyrýan köşük bar,seretse daşynda öz ady ýazylgy dur . Ol begenip köşge girjek bolsa agzyndaky sakçy perişdeler :
—Ýok,girmersiň hajy—diýipdirler.
Hajy durup :
—Näme üçin girmäýin bu köşük meňki dälmi näme ?
Petişdeler oňa :
—Düýne çenli seňkidi,ýöne ony düýn başga birine bermeli etdiler. Entek daşyndaky ýazgyny hem çalyşamzok—diýdiler .
Hajy muňa örän birhili bolupdyr. Ol örän gynanyp oýanypdyr. Ol irden jöhit Abram ependiň ýanyna,onuň dukanyna barypdyr. Salam, hal- ahwaldan soň oňa aýdyppdyr :
—Awram ependi, düýnki dul zenan bilen çagasy senden näçe manatlyk egin-eşik aldylar. Näçe alan bolsalar bahasyny berjek—diýip,gapjygyny çykardy.
Jöhüt olaryň bir altynlyk zat alandyklaryny aýtdy. Hajy oňa :
—Beýle bolsa ine saňa onuň iki essesi,iki altyn berýän—diýdi.
Ýöne, Abram bolmaz, diýdi. Hajy ýene berjek pulyny köpeltdi. Hajy näçe köpeltsede jöhid " Bolmaz" diýdi durdy. Hajy 100 altyn,200 altyn diýdi ,ýöne ahyr Abram oňa garap:
—Bolmaz hajy,bolmaz, ol köşk yüz altyna,müň altyna satylmaz... Ol seniň göreniň ýaly düýşi mende gördüm we indi müslüman boldum. Ol köşk düýne çenli seňkidi, sen öň eden haýyr -sahawadyň bilen ony gazanypdyň,ýöne ony düýn maňa satdyň.Men ony indi ýene saňa satmak niyetim ýok. Sen hem mundan soňra gapyňa geleni boş goýbermede Jennetde özüňe başga köşük saldyryber. Allahyň mülkü giňişdir-diýipdir.
Jöhütden bu jogaby alan hajy indi gaýdyp gapymdan geleni boş gaýtarman diýip özüne söz berip ol ýerden gaýdypdyr.