15:59 Mowzuk

Karun Hezreti Musa aleýhissalamyň döwürdeşi bolupdyr. Ol örän baý adam bolupdyr,ýöne Allaha ynanmaýan kapyr bolupdyr. Baýlygy barada " Baýlygy men öz aklym,başarnygym bilen gazandym oňa Allanyň dahyly ýok " diýýär ekeni. Ol Faron kapyryň hem dosty ekeni. Ol bir gün Farona garap şeýle diýipdir:
—Men Musany nädip adamlaň gözünden düşürmegi ony adamlara masgara ,wejara edip görkezmegiň ýoluny tapdym —diýipdir. Faraon muny eşdip begenipdir,sebäbi ol hem Musa aleýhissalamy ýigrenýän ekeni. Karun oýlap tapan zadyny patyşa garap aýdýar :
—Men bir örän owadan ýeňles gezýän ýaş zenan bilýän. Şony Musa bilen zyna etdim diýip adamlaň ýanynda aýdar ýaly etmeli.
Faraon onuň diýýän zenanyny çagyrdyp getirdipdirde oňa:
—Saňa agramyň ýaly gyzyl berjek,eger adamlaň üýşen wagty Musa meniň bilen zyna (zyna-diýip nikasyz jynsy gatnaşyga aýdylýar ) etdi diýip aýtsaň—diýipdir. Ol zenan bu habara örän begenip:
—Beýle baýrak berseňiz Müsüriň bar erkegi meniň bilen zyna etdi diýmeýänmi—diýip utançsyz gülümsiräpdir.
Şeýlelikde bular dilleşip bir gün şäheriň adamlarynyň üýşen wagty Faraon Musa aleýhissalamy çagyrdyp oňa :
—Seniň diniňde zyna nähili garalýar—diýip sorag beripdir. Musa aleýhissalam oňa :
—Zyna dinde uly günäleň biridir,Allahyň haram eden işidir —diýip jogap berýär. Faraon oňa :
—Zyna hemme kişäde gadaganmy ýa pygamberler ony etse bolýarmy—diýip soraýar.
Musa aleýhissalam:
—Zyna hemme kişä haramdyr,maňada haramdyr—diýýär.
Faraon onsaň öňki gepleşen zenanyny çagyrdyp:
—Onda näme bu zenan Musa meniň bilen zyna etdi diýýärle—diýýär.
Bar adamlar ünüs bilen olara seredişýärler. Musa ol zenana seretmän hasaly elini ýokary galdyryp :
—Allanyň hakyna dogryňy sözle,men seniň bilen zyna etdimmi—diýip soraýar. Musa aleýhissalam Allahyň pygamberi,elbetde Allah öz pygamberine ýardam edip ol zenana dogrysyny sözleder,ol zenan :
—Ýok,sen meniň bilen zyna etmediň. Musa asmandan gaçan ýagyşdan hem päkdir—diýýär.
Zenandan bu sözi eşdip ol ýerdäkileriň köpüsi Allaha iman edipdirler. Şeýlelikde kapyrlaň guran duzagy başa barmaýar. Karun imana gelmänsoň , adamlara ýaman görelde görkezensoň ahyr Musa aleýhissalam Allahdan oňa çäre görmegi doga edýär.Sebäbi köp adam şonuňky ýaly baýlyk,mes ýaşaýyş arzuw edip başlapdyr. Allahda Musa aleýhissalama "Ýeri seniň ygtyýaryňa berdim diýýär". Musa aleýhissalam ýere Karuny ýuwut diýip tabşyrýar.Ýer ýuwdup başlansoň Karun gorkup Musa ýalbaryp başlaýar,emma şonda hem Musa aleýhissalam ony ýere ýuwutdyrýar. Allatagala Musadan a,s sorapdyr " Sen näme oňa rehim etmediň,isleseň ony ýuwutdyrman hem bilýädiňä" diýipdir. Musa aleýhissalam "Onuň eden etmişlerini bagyşlap bilmedim" diýýär. Allatagala aýdypdyr " Eger maňa ýalbaryp toba eden bolsady,günäsini geçerdim"