08:59 Mowzuk

Ýolyň kenaryndan gelýärdim yöräp,
Adamlaň bolşuny görüp, syn edip.
Birdenem şeýle bir sowal döredi,
Dünýäniň baýlygy nämeka?-diýip.

Oňýança duş geldim bir garry goja,
Soradym men ondan dünýe baýlygyn.
Ol hem jogap berdi örän ahmyrly:
"Köşek gadyrny bil juwan ýaşlygyň".

Gürrüňdeş boldum men, çyn aşyk bilen,
Soň ondan sorapdym dünýe baýlygyn?
Aşyk jogap berdi ýanan ýürekden:
"Aýtsam, päk soýgümdi meniñ baýlygym".

Ýene duş geldim men, bir ýetim çaga,
Çagadan soradym uly baýlygyn.
Çagajyk bakdyda gözlerin ýaşlap:
"Ejemjan bolsady şol bor baýlygym".

Soñra soradym men, bir tüçjar baýdan,
Namedir seň üçin dünýe baýlygy.
Baý hem jogap berdi agras baş bilen:
"Pullarym meñ üçin dünýe baýlygy".

Soradym bu gezek syrkaw hassadan,
Señ üçin nämedir baýlygy dünýäň?
Diýdi hassa hem: "Baýlygyn aýtsam
Saglygym, baýlygym iň uly dünýäm".

Soradym dünýäniň iň mähreminden,
Mukaddes eneden dünýe baýlygyn.
Ol ene hem diýdi gaýgyly bakyp:
"Balalarym meniň dünýe baýlygym".

Soňra duş geldim men, mazarystana,
Girdim bir çetinden, aýlandym ony.
Ne aşyk, ne ýaşlyk, ne-de bir baýlyk,
Kim näme bolupdyr bilmedim ony.

Hiç tapawut ýokdy biri birinden,
Şol bir guma siňipdirler hemmesi.
Olar bir tümmejik gumuň astynda,
Armanly, armansyz ýatyr ählisi.

Şol pursat gulagma sesler eşdildi:
"Gözleýän bolsaň sen dünýe baýlygyn,
Diñle sen, iñ uly baýlygy aýtýas,
Imanyňdyr, iki dünýe baýlygyñ

Awtory: Jennet Meredowa