“Iň bolmanda, sen-ä wepaly maňa...” - Halanlaryma goş
3696Betinden
Pegas
19.03.2021 / 08:52:44
“Tyg ýarasy biter, dil ýarasy bitmez...”

Her säher oýansam, alyp başujum,
Ýylgyryp oturýaň gözlerme garap.
Şonda sähel salym göwmüm göterlip,
Dartgyn damarlarym ýag kimin eräp,
Süňňüme birgeňsi kuwwat inýär-de,
Ýeňil-ýeňil hereketlem köpelýär.
Gama bolup ýüregimi dilimlän
Gussalarym edil şol wagt kütelýär.

Ýanymdan gideňok, taşlaňok meni,
Şat günüme goşulyşýaň deň bile.
Kynçylyklar basmarlanda, siltände
Olary hem deň çekişýäň meň bile.

Men seni göterýän ýüregme ýakyn,
Bolýaň süýji ýatlamalaň gyr aty.
Iň bolmanda, sen-ä wepaly maňa,
Melegimiň suraty!..

2012ý.

Sapa HOMMADOW

235
30
14
13
0
Mowzugy VIP edenler:
Teswirler:
4220
şoşo
19.03.2021 / 08:55:52
+2
ILIŇ ÇAGASA BELA ÝALY
3696Betinden
Pegas
19.03.2021 / 08:56:02
“Tyg ýarasy biter, dil ýarasy bitmez...”

+4

*göwnüm

Mergen
19.03.2021 / 09:03:09
+3 ♥
Hakykymyka öýtdürýä başda)
Aslynda hakylaý, soñuny owadanlapsyñ))

Mergen
19.03.2021 / 09:03:27
+5
Berekella!
206Betinden
Mahri
19.03.2021 / 09:14:24
"Umyt belki-de indiki sahypadadyr. Kitaby ýapma.."

+2

4-5 gezek gaÿtalap-gaÿtalap okadym..

“Gama bolup ÿùregimi dilimlán
Gussalarym edil śol wagt kütelÿàr.”

Śol iki setire men düśünmedim, galdyrylan sòz barmy, bilemok
3696Betinden
Pegas
19.03.2021 / 09:27:16
+4
Mahri, gama - pyçak. "Ýüregimi pyçak bolup dilimlän gussalar şol wagt kütelýär" diýýär.
206Betinden
Mahri
19.03.2021 / 09:56:17
+3
Dûśûndim, kôp sag bol!
4448Öwreniji
Nahal
19.03.2021 / 14:08:17
+1
Surat bn yaşap bolmaz durmuş dowam edyär.
4461Betinden
-Mylayym-
19.03.2021 / 19:36:09
+4
Iiiiilkinji, iň birinji goşgy ýazjak boluşyň barada gürrüň berip, şol goşgujygyňam okasym geldi, Sapaş. Näme hakda ýazypdyň ilkinji goşgyňy? Hem şol goşgyňam ýetiräýdä, okap göreli.
3696Betinden
Pegas
19.03.2021 / 19:42:24
“Tyg ýarasy biter, dil ýarasy bitmez...”

+2

8 ýaşymda, atam pahyr ýogalanda ýazypdym öýdýän. Ine, şu:

Gara gözleň hemişelik ýumuldy,
Indi açylmazmy gözleň, atamjan?
Şol gün ajal maňlaýyňa ýazyldy,
Soldy şol gün güler ýüzüň, atamjan.

"Köşek" diýip sypalardyň başymy,
Näsaglasam, goraglardyň daşymy,
Beýik Alla gysga etdi ýaşyňy,
Razy bol balaňdan, kyblam atamjan.

Ne hupbatlar goýduň oglan başymda,
Goýduň meni, jan atam, sekiz ýaşymda.
Sapa aýdar, düýşümde hem huşumda
Didaryňy görýän, kyblam atamjan.
4461Betinden
-Mylayym-
19.03.2021 / 19:49:36
+3
Pegas, be, tüweleme, beter çaga ekeniň. Şonda-da, sünnälläpsiň. Ýöne çaga dilde ýazylansoň, azajyk, sadalyk duýulýar. Sagja bol, sözümi ýerde goýmadyň. Goý, galamyň süýülip dursun!
3696Betinden
Pegas
19.03.2021 / 19:51:34
+2
Aslynda kändu bu goşgyň bentleri. Ýadyma düşenleri diňe şular)
3696Betinden
Pegas
19.03.2021 / 19:51:46
+0
*kändi
4461Betinden
-Mylayym-
19.03.2021 / 19:54:12
+3
Saklamaly ekeniň )

Soňky jogaplar:

Dz ili süýtli çaý bolsa öňlerinde palow goýsaňam ilki çaýy içip onnaň palow iýýäler dp eştdim...Dowamy
Umumy bölüm | Tentek | Bolan waka
Arzuw.s (Bu gün, 07:16:27)
Manyly eken...Dowamy
Umumy bölüm | ýagşylyk et derýa at
Kevins (Bu gün, 07:12:52)
Mokujin, Da.Guyçliler yone yere aglayan daldir!...Dowamy
Gürrüňdeşlik | Sorag :)
Dowranns (Düýn, 23:17:34)
Medikama, sen name soygumi?...Dowamy
Gürrüňdeşlik | Sorag :)
Dowranns (Düýn, 23:13:05)
Arzyman, uzak yyllardan soñam yene gaytalanan teswir oza......Dowamy
Gürrüňdeşlik | Sorag :)
Dowranns (Düýn, 23:10:43)
Dostluk.Ru © 2018-2024