Süýji keseli adamzada gadym zamanlardan bäri bellidir. Bu kesel barada birinji maglumatlar b.e.öň 1550-nji ýyla degişli bolan golýazmalarda duş gelýär.

Keseliň alamatlarynyň biri bolan – näsagyň peşewiniñ süýjiligi barada gündogar alymy, lukman Awisenna hem belläp geçipdir. Süýji keseliň häsiýetlendirilmesi gadymy hindi, arap, hytaý ylmy ýazuwlarynda duş gelýär.

Keseliň döreýşi, sebäpleri, görnüşleri, geçişi I. Mering, O. Minkowskiý, P. Largengans, L. Sobalew, G. Buntingyñ, Ç. Best ýaly uly alymlaryň geçiren köpýyllyk işleri netijesinde öwrenildi. Köp ýurtlaryñ alymlarynyň geçiren kliniki barlaglary, aşgazanasty mäziň B- öýjükleriniň işläp çykarýan gormonynyň – insulynyň ýetmezçiligi sebäpli süýji keseliñ döredýänligini anyklady.

Keseli bejermek üçin insulynyň ulanylmagy medisina ylmynyň uly açyşlarynyñ hataryna girdi.

Insulin ulanylmazyndan öň, näsagyň ömrüniň ortaça dowamlylygy 5 ýyldan köp däldi. Häzirki wagtda, öz wagtynda we kadaly geçirilýän bejerginiň kömegi esasynda näsaglaryň ömrüniň dowamlylygy sag adamlaryňkydan tapawutlanýan däldir.

Süýji keseli getirýän gaýraüzülmeleri boýunça agyr keselleriň hataryna girýändir. Sag adamlar bilen deňeşdirende, süýji keselli adamlarda ýürek-damar ulgamyna zeperiñ ýetmegi – 2 - 3 esse, körlük – 10 esse, aýaklaryñ çüýremegi (gangrena) – 20 esse köp duş gelýändir.

Süýji keselli näsaglarda ýokançly keseller, böwrek keselleri bilen kesellemek, göwrelilik, çaga, dogrumy köp kynçylyklary döredýändir.

153

11

3

5

0

Mowzugy VIP edenler: