21:13 Mowzuk

Pikir edip gördüňizmi? Eger telefony birnäce wagtlap batareýsiz goýsak, onuň wagty we senesi üýtgär. Näme ücin öý kompýuterlerinde olary uzakly wagt tokdan aýrylgy dursa-da sagady we senesi bozulmaýar? Sagady işletmek ücin elektrik togy nireden gelýärkä?Sebäbi:Kompýuteriň sistem blogynda (köpleriň prosessor ýada beýnisi diýýän gapyrjagy) iň möhüm plata bolan enelik plata (motherboard) bolýar. Galan ähli enjamlar (prosessor, RAM, wideoplata, gaty disk, dvd-priwod) şoňa dakylyp, şonuň kömegi arkaly sazlaşyp işleýärler. Kompýuteriň umumy ýagdaýy baradaky maglumatlar, meselem kompýutere haýsy enjamlar dakylan, enjamlaryň ýagdaýy, temperaturasy, modeli, şu wagtky wagt we sene we ş.m. birnäce maglumatlar şol enelik platada saklanýar. Onda näme ücin tokdan aýrylanda ol maglumatlar pozulmaýar? Sebäbi enelik platada şol maglumatlary, esasan hem wagty-senäni üznüksiz hasaplap durmak ücin kicijik batareýka oturdylýar. Ol adaty kici sagatlaryň batareýkalaryna meňzeşdir. Oňa CMOS diýilýär. Eger sistem blogy acyp, enelik platany ünsli synlasaňyz ony görüp bilersiňiz. Hacan-da CMOS batareýkany ýerinden aýryp, 3-4 sekuntdan soň täzeden daksak, kompýuterde wagtyň we senäniň üýtgändigini görersiňiz. Diýmek, kompýuteri her acanyňyzda wagt-sene pozulýan bolsa, bu şol batareýkany täzelemegiň gerekdiginiň alamaty bolup biler.

Umuman, şeýleräk, okanyň ücin sagbol, belki peýdasy deger.