05:01 Mowzuk

Fransiýanyň “NAWA Technologies” şereketi gibrid energiýa ulgamly ilkinji motosikl modelini tanyşdyrdy. Litiý-ion batareýalary arkaly bir gezekki zarýady bilen 300 kilometre çenli ýol geçip bilýän motosikl daşky dizaýny babatda hem tapawutlanýar. Ulagyň batareýasy bir sagatda 80 göterim dolýar. Ulagyň duruzyjy ulgamy hem batareýa zarýad berýär. 3 sekuntdan az wagtda 100 km/sagat tizlige ýetýän ulag ýakyn wagtdan Los-Anjelesde geçiriljek “CES 2020” sergisine çykarylar. Ulagyň dizaýnyny “Envisage Group” atly iňlis şereketi taýýarlapdyr. Ulagyň nusgalyk görnüşde taýýarlanandygy, köpçülikleýin önümçiliginiň ýola goýulmajakdygy mälim edildi. Innowasion ulag bu ugurdaky täze tehnologiýalary özleşdirmekde peýdalanylar.