22:48 Mowzuk

Saglygy goraýyş: lukmanlar adamlaryň saglygynyň has gowulanmagy we uzak ýaşamagy üçin alada edýärler. Geljekde birnäçe keseliň öňüni almagyň mümkin boljakdygy we zeper ýeten synalary gaýtadan dikeldip boljak usullaryň tapyljakdygy bellenilýär. 2030-njy ýyllarda has uly ýaşly adamlardaky keselleriň bejergisi mümkin bolar.

Üç ölçegli önümçilik enjamy: 3 ölçegli printerler häzirki wagtda awiasiýa we kosmos pudagynda ulanylýar. Bu enjamlar islendik şekili galyba guýmak arkaly ýasamaga mümkinçilik berýär. Ýörite çig maly bolan bu enjamlara gerek zadyň üç ölçegli şekilini bermek ýeterlik.

Görünmezek kompýuter: geçen asyryň ortalarynda peýda bolan äpet kompýuterleri giň otaglarda gurnamaly bolýardy. Muňa garamazdan, olaryň amallary ýerine ýetiriş tizligi häzirki smartfonlardan hem pesdi. Kompýuter tehnologiýasy gysga wagtda garaşylmadyk ýagdaýda ösdi. Bilermenler kompýuterleriň kiçelmeginiň dowam etjekdigini belleýärler. Emeli aň tehnologiýasynyň hem kämilleşmegi bilen goşar sagatlarymyz, dürli şaý-sepler we beýleki kiçijik zatlar kompýuteriň işini ýerine ýetirip biler.
Kiçijik robotlar: dürli maksatlar üçin ary, gurçuk ýaly hereket edýän robotlar dörediler.

Emeli ekoulgam: 2030-njy ýyllarda Ýer ýüzünde howany gowulandyrjak emeli ekoulgamlar dörediler. Iri taslamalaryň çäklerinde emeli agaçlar, ummanlara dökün berýän hem-de olaryň suwunyň hilini ýokarlandyrýan enjamlar peýda bolar. Deňizdir ummanlarda dürli suw jandarlaryny we ösümlikleri ösdürip ýetişdirýän fermalar azyk önümçiligine uly goşant goşar.

Planetara internet baglanyşygy: häzirki wagtda iň ýakyn planeta bolan Marsa adamly uçuşlaryň ýola goýulmagy üçin tagalla edilýär. Kosmos bilen bagly islendik taslamada aragatnaşyk iň esasy mesele bolup durýar. Gyzyl planeta adam aýagynyň sekmegi bilen iki planetanyň arasynda internet aragatnaşygy hem ýola goýlar. Häzirki wagtda iň uzak aralykdaky internet Halkara Kosmos Bekedinde bolup, ol Ýerden 400-430 km daşlykda, öz orbitasynda aýlanýar.

Suw arassalaýjy ulgamlar: täze tehnologiýalaryň işlenip taýýarlanmagy bilen deňiz suwuny daşky gurşawa zeper ýetirmezden arassalaýan ulgamlar durmuşa ornaşdyrylar.