Okamañ, söýmäñ, ýigreniñ!.
Okamañ, sebäbi okadygyñyzça köp zat bilersiñiz we dünýä garaýşyñyz giñär. Öwrenen bar zadyñyzdanam jogapkär bolarsyñyz. Haýsy biriniñ hasabyny berjek onsañ?!. „Nadanlyk nähili gowy zat, hemme zady bilýäñ.“ sözünden ugur alyp, okamañ!. Hemme zady bilmek üçin okamañ!. Bileniñ bilen gadryñ bilinenok, hä birem okadygyñça zat bilmeýäniñi bilýäñ, okap-okabam iñ soñunda bilmeýäniñi biljek bolsañ okap näme etjek?!. Okalman geçsin, okap alym boljakmy, bolunman geçsin!. Birem aýdan bolýar; „Okañ, alym bolmasañyzam zalym ha bolmarsyñyz!.“ Hana men okamok-da, men nä zalymmy?!. „Hawa zalym, onda-da iñ erbedinden, özüñe zalym.“ Sen nireden çykdyñaý Jemşit?!. Ýumsana agzyñy. Zalym bolsam hi maña zalym diýip bilerdiñmi?!. „Alym bolmak añsat,adam bolmak kyn.“ şonuñ üçinem okamañ, añsat zatlara talyp bolmañ, kyn zatlara talyp boluñ. „Kynam bolsa şudur wesýet diýdiler, diñe kyn zat, şol mukaddes diýdiler.“ Hä ýene birem aýdan bolýar; „Okañ, okañ, çünki syýañ akmaýan ýerinde gan akýar.“ Näme dahyly bar?!. Okamzok, hany gan akýarmy?!. İçimizde, bagrymyzda zatda akýan ganlary garyşdyrmañ, daşyna çykmasa boldy-da.
Söýmäñ, sebäbi söýeniñ bilen hiç zat gowylaşanok. “Ynsanlara söýgi bilen ýakynlaşmaly” zat hemmesi hekaýa. Birine iki adamyñ biri söýgi bilen ýakynlaşsa, beýlekisi bolsa gorky bilen ýakynlaşsa gorky bilen ýakynlaşan saýlanylýar. Gorkuzyp ýaşañ şonuñ üçin, söýmäñ!. Söýseñiz gorkak bolarsyñyz, batyr boluñ!. Söýgi batyrlyk getirmez hiç haçan, ejizlikdir söýgi. Ezizow hem „Seni söýüp göz ýetirdim bir zada,kynçylyk ýok, ejizlik bar dünýäde.“ diýip meni tassyklaýar. Batyr boluñ, erkejik boluñ-da söýmäñ, söýäýmäñ!. Ýalñyşyp söýäýseñiz, zypdurun bolup ýatlarsyñyz şu aýdanlarymy. Eý, söýmek diýsem bir manyly söýgi däldir. Hemme zat bolup biler. Garaz hemme zady söýmäñ-dä!.
Ýigreniñ, yna iñ beti. Hemme zady ýigreniñ, ýigrenç bilen ýakynlaşyñ bar zada. Ýigrenmek şeýle gowy zat, iñ soñunda ýalñyşyp ýigrenen bolsañam gowy görýäñ. Okamagy, söýmegi ýigreniñ!. Bar gowy zatlary ýigreniñ. „İñ esasam ýigrenmegi ýigreniñ.“ Eý Jemşit goşulma sen agzyñy döweýin. Git olar ýaly neme bolsañ dünýäni halas et!. Seni yigrenýän Jemşit, bir ganaty bilen uçup bilmeýän guşlaram ýigrenýän. Şu ýazgymam „okamañ, söýmäñ, ýigreniñ!.“

WRITTEN BY
matmiatika
#merwliturkmen

316

64

15

14

0

Mowzugy VIP edenler:

— 24 sagat vip etdi.20.01.2020 / 15:28:22