Maña şeýle gyz gerek,
Yüzi-gözi gülýän bolsun.
Ugrumda bolup janserek,
Çyny bilen söýýän bolsun.


Ejemjana çep bolmasyn,
Ýakyn-ýada gep bolmasyn,
Gereginden köp bilmesin,
Akyl tapsa alýan bolsun.


Ökde bolsun tagam-duza,
Hem geýinsin tämiz-täze,
Baldyzlarna, ähli gyza,
Kemsiz nusga bolýan bolsun.


Ulularyñ pendin tutsyn,
Gündiz işläp, gije ýatsyn,
Atasy öyüne gitse-gitsin,
Ýöne basym gelýän bolsun.


Kem bolmasyn akyl-huşy,
Ynjytmasyn garry - ýaşy,
Soramazdan eden işi,
Ederini bilýän bolsun.


Bikär hamyr ýugurmasyn,
Çörek gözläp yügürmesin,
Üstüne gün dogurmasyn,
Säher bilen turýan bolsun.


Hormata besläp özüni,
Ösdürip ogul-gyzymy,
Maşgalamyñ bagt sazyny,
Meniñ bilen çalýan bolsun.


Awtoryny gözlap gözlap tapmadym

292

50

7

13

0

Mowzugy VIP edenler: