16:40 Mowzuk

1) HAT ÝAZMAK BAŞARNYKLARYNY KÄMILLEŞDIRIÑ!

Gündelik ýazgylar gündelik türgenleşikdir. Näçe köp we ýygy ýazýan bolsañyz, şonça-da dogry hereket edip, pikirińizi ýeñil beýan edip bilersiñiz.

2) GAHARYÑYZY KAGYZA GEÇIRIÑ!

Pikirleri kagyz ýüzünde beyan etmek özboluşly bejergi yaly täsir edýãr. Meseleleriñiz garaýyşlaryñyz, ýatlamalaryñyz siziñ añyñyzy doldurýar. Ýazmaça beýan edip "içiñizi boşadyñ" kagyz hemme zada "çydap" bilýändir.

3) AÑYÑYZY ARASSALAÑ!

Beýniñizi täze pikirler üçin arassalamak maksady bilen günüń dowamyndaky bar pikir-aladalaryñyzy, meýilnamalaryñyzy kagyza ýazyp bilersiñiz. Şonda dagynyk pikirler kagyz ýüzünde gowy tertipleşýärler.

4) ÜNSLI BOLUÑ!

Telefona, internete güýmenip, wagtyñyzy bihuda geçirenden, telefonyñyza birnäçe bellikleri belläñ! Giçlik bolsa olary seljeriñ!

5) GATNAŞYKLARYÑYZY KÄMILLEŞDIRIÑ!

Hat ýazmak dildäki sözleýşi hem ösdürýär. Internetdäki, sosial ulgamdaky ýazgylar bize gysga sözlemegi öwretdi. Ýaşlar käwagt öz pikir edýän zatlaryny doly beýan etmekde kynçylyk çekýärler. Ýazgy gündeligi bolsa bize düşnüksiz gepleşmekden azat bolmaga ýardam eder.

6) NÄME ISLEÝÄNDIGIÑIZI BILIÑ!

Köp adamlar içki pikir sazlaşygynyñ bozulmagyndan ejir çekýärler. Olar hakykatda näme pikir edýändiklerine dûşünip bilmeýärler. Ýazgylar bolsa öñki pikirlere ýene-de gaýdyp gelmäge, başgaça pikirlenmäge, haýsy ugur boýunça hereket etmelidigine ýardam berýär.

7) SELJERMEK BOÝUNÇA AÑY ÖSDÜRMEK.

Haçan-da pikiri hat üsti bilen beýan edeniñde ony haýsydyr bir görnûşe salmaga mejbur bolýarsyñ. Şeýdip beýan etme ýoluny düzýãrsiñiz. Pikiri belli bir netije boýunça tamamlamagy öwrenýärsiñiz. Bular bolsa adamda hereket etmezden öñürti hereketi seljermek endigini terbiýeleýär.

8) KÄMIL TEHNOLOGIÝALAR DÜNÝÄSINDE DYNÇ ALYÑ!

Tehnologiýalar asyry özüniñ täsin täzelikleri bilen begendirip durýar. Kompýuteriñ, internetiñ üsti bilen ýerine ýetirilýän işler köp babatda ýeñillik döredýär. Biz tehnikanyñ ösen görnüşleri bilen işimizi ýeñilleşdirmek isleýäris. Ýatdan çykyp barýan kagyzdyr galam durmuşda özüñizi duýmaga, köşeşmäge ýardam eder.

9) ÖZ-ÖZÜÑIZ BILEN TANŞYÑ!

Wagt çalt geçýär, bir durkunda durmaýar. Şonuñ bilen birlikde biz hem ûýtgeýãris. Iki aýdan siz şu wagtky aladalaryñyz, gorkularyñyz, şübheleriñiz, ynandyrmalaryñyz barada ýazan ýazgylaryñyzy okamasañyz, ýatlamarsyñyz. Biz, köplenç, "Bu maña mahsus däl", "Men hiç haçan beýle hereket etmeýärin",
"Bu zatlar añymada gelmezdi" ýaly sözleri ýygy-ýygydan aýdýarys. Sözüñ doly manysynda ýöredýän gündeligiñiz özüñizi tanamaga ýardam eder. Maksatlar,hereketler, täze pikirler-bularyñ ählisi siziñ bahasyz tejribäñiz, ûstünde işleýän ýalńyşlyklaryñyzyñ ýygyndysydyr.

Çeşme: "Nesil" gazetinden.