Nirvana, goşgynyň doly görnüşini teswiriňde ýerleşdirmäge rugsat edersiň diýen umyt bilen :

Ogul üçin Ene elmydam ýaşdyr.
Ene üçin ogul mydama çaga.
Şol çaga seretseň,ýaşy kyrkbäşdir,
Deň duşlary boldy,atadyr,baba.

“Nirä gitjek balam,köp eglenmegin.”
Şu sözler dilinde mydama Enäň.
Käte gaharlanyp agyr sözleseň,
OL seniň günäň däl,ol meniň günäm.

Bagyşla Ejejan,bagyşla meni.
Men günäkär,her bir saçyň agyna.
Indi düşünýärin,ökünýän çensiz,
Ýetenimsoň,ömrüň orta çägine.

Ýetişmedim,Eje,goşgymy soňlap,
Ýetişmediň diňläp,arman,ýogaldyň...
Barça aýtjak sözüm,kalbymda jemläp,
Eje,bu gün seniň ýanyňa geldim.

Ejemiň ýanyna gelipdim bu gün,
Gum gysymlap gaýtdym,onuň ýerine.
Ejem pahyr menden edende göwün,
Beýle zatlar gelmeýärdi serime.

Ynha,ýatyr Ejemjanyň mazary.
Göze ýaş aýlandy,ýürekden syzyp.
Agyr eken aýralygyň azary,
Başyň dik,janyň sag ýörsediň gezip.

Men ýanyňa geldim,Mähriban Ene,
Ynha,men otyryn dyzyma çöküp.
Geçeni ýatlaýan hyýälda ýene,
Başujyňda goýlan mermere bakyp.

Ol daşyň ýüzüne adyňy ýazyp,
Soňra ýazylypdyr dogulan günüň,
Ondan soň gysgajyk bir keseçyzyk,
Şeýle gysga eken ömüriň seniň.

Soňra ýazylypdyr aýylganç sene,
Bizi aýra salan,ömrüňi üzüp.
Şol gün hoşlaşypdyň biz bilen,Ene.
Baky uka gitdiň,gözleriň süzüp.

Ejeler ölmeýär,men ony bilýän.
Häzir hem gamlansam,ýanyma gelýäň,
Mähir bilen meniň başym sypalap,
Bagtyýar günümde tirsegňe galýaň.

Häzir hem sen meni goraklap ýörsüň,
Başyma geläýjek bela beterden.
Duýýaryn ,sen maňa seredip dursuň,
Ýöne uzagrakda elim ýeterden.

Rahat ýat,Eje,yzyň abadan.
Sarpaňy saklarys,kalbyň päkligin.
Gelin,agtyk,ogul,gyzyň abadan,
Bildirmeris,Eje,seniň ýoklugyň.

Azat Nurgeldiýew.

Dünýäniñ ähli baýlygyny bereniñdede men ony tapyp bilmen.

Bütin dünýäni elek sok edip aýlanyp çykandada onuñ didaryny hiç wagt görüp bilmen.

Wah Bibim halys ýüregiñe düşýä öýdýän ejesizlik .

Ýenede ýekeje haladym, onsoň tema baş sahypa çykýar. Ýöne agzalar nähili garaýysdaka?

Ura! I Eýtdim -beýtdim baş sahypa çykmagyna ýardam berdim. Goşgy özümiňki bolany üçin däl, Nirvana agzanyň duýgylaryna duýgudaşlyk etmek üçin,saýtyň her bir agzasyny öz maşgalamyň bir agzasy hasap edýänligim üçin edýärin.

Ynha gaýdyp geldim,işlerim paşman,
At basmajak ýerne müň sapar basar.
Diýipdiň sen gitme,edersiň puşman,
Şu garyp çatmaňy ýüregiň küýsär.

Emma men diňlemän,çykyp gidipdim,
Howaýy hyýallaň yzyna düşüp.
Behişdi durmuşy arzuw edipdim,
Bagtymy gözläpdim menziller aşyp.

Asyl jennet seň aýagyň astynda,
Galan eken şu garypja çatmada.
Özge bagt ýok eken,ýeriň üstünde,
Kabul et ogluňy,kine etmede.

Ýöne ol çatmadan çykmady seda,
Enede çykmady gerip gujagny.
Aglady sergezdan,ökündi juda,
Görüp ody öçen eziz ojagny.

“Men seniň kalbyňda ýaşaýan ahyr,
Eziz,balam,görmeseňde keşbimi.
Sen,şu garyp çatma siňdirde mähir,
Täzeden alawlat ,öçen yşgyny.”

Ýigit Ejesini ýadyna saldy,
Geldi ýaşlygynda baky galasy...
Ene-de bir salym tirsegne galdy,
Çünki gaýdyp geldi,ýalňyz balasy.

Azat Nurgeldiýew.

Kop sagboluñ şygyrlar ücin

Juda gowy ýazylypdyr. Tolgunman okamak mümkin däl.Okap gutarýançam ejemli hem kakamly günler göz öňümden geçip gitdi,şol gysgajyk kese çyzyk ýalyjak bolup.

@Awara galamyňyza bereket.Mähribanyňyzyň imany hemra bolsun! Allajan üstünden rehmet nuruny diňdirmän ýagdyryp dursun!
Nirvana, ýetireniňiz üçin sag boluň!

Sag bolun Azat aga śygyrnyz ucin,mahribanym Nirvanam Allah ejenizin yatan yerni yagty etsin Senin

Vipde goyjak boldum velin bolmadyla

Azat aga durmyşy gowy ýazýar

Berekella Nirvana