03:08 Mowzuk

Aýratyn bir gorag perdesi astynda saklanylan, yhlas örtüginiň aňyrsynda gizlenen, yşk we wysala gowuşmak islegi bilen tutaşan, Allaha yakyn we onun yşkynda ýanyp köýmäge höküm edilen, Merýem Safyýanyň yoluny dowam etdiren, erenler tarapyndan garşy alynan Rabyýa Adawyýa bir gezek sheyle diyipdir:

— Biri garşyma çykyp, menden: "Näme ücin erkekleriň hatarynda zikir etdin?"— diýip sorasa, oňa: "Pygamber Sallallahu aleýhi wesellemiň :"Allah siziň daş keşbiňize bakmaz" diýen bir sözi bar" diýerin.

Rabyýanyň dünýa inen gijesi olaryň öylerinde ony dolar yaly bir bölek biz, göbege çalar yaly bir damja yag we oyi ýagtyldar ýaly çyra tapylmandyr. Bu maşgalanyň ondan öň hem üç gyzy bardy. Şonuň ücin oňa Rabyýa (dördünji) diyip at beripdirler.

Ýap-ýaňy ýeňlan ene ärine :
—Pylan goňşymyzyňka baryp, çyra guýar ýaly yag dilesene- diýip haýyş edipdir. Yöne Rabyýanyn kakasy ýaradylanlaryň hiç birinden zat dilemejekdigni aydyp, ant içen eken. Muňa garamazdan ayalynyň göwnüni ýykmajak bolup goňşylarynyň öýüne çenli gidip gelipdirde "goňşular ýatypdyr" diýipdir.

Bu ýagdaý oňa agyr degipdir. Ol şol gije düýşünde hezreti Pygmabermizi (saw) görüpdir. Pygambermiz (saw) oňa :
—Gynanma! Şu gün dünýä inen gyzyň şeýle bir hanym bolup, ýetmiş müň kişi ondan şepagat etmegini dilejek- diýipdir.

Rabyýa ese-boya galanda, ejesi, kakasy aradan cykypdyr. Şol döwürlerde-de Basra aýlyganç bir açlygyň penjesine düşüpdir. Açlyk zerarly Rabyýanyň aýal doganlary hersi bir ýere düşüpdir. Onuň özüni bolsa ejizliginden peýdalanyp bir zalym kişi pula satyp goýberipdir.

Rabyýany satyn alan kişi ona kyn, agyr işleri buýrupdyr. Naçar gyz bir gezek gelýärkä, özüne gyýa göz bilen bakan bir keseki kişiden gaçyp barşyna ýykylyp, elini döwdüripdir we Allaha mynajat etmage başlapdyr:

— Allahym! Ýeke-yalňyzdyryn, enem-atam yok. Ýesir düşdüm, elim döwüldi. Ýöne, bu zatlar piňimede dal. Maňa diňe Seniň razylygyň gerek. Menden razydygyňy ýa-da razy däldigiňi bir bilip biläýsedim.

Şol wagt gaýýypdan bir owaz gelipdir:

—Gam çekme! Geljekde sen şeýle bir mertebä eýe boljaksyň welin, asmandaky perişdeler seni tanaýandyklaryny aýdyp öwunjekdirler, ýanyňda bolmaga calyşjakdyrlar.

Şol günden soňra Rabyýa mydama agzy bekli gezmage, gijelerni namaz okap geçirmage başlapdyr.

Rabyýanyň hojayny bir gije ukudan oýananda, gulagyna bir ses eşdilipdir. Ol bu sesiň Rabyýa degişlidigni bilipdir. Gyz Allaha mynajat edýän ekeni:

— Allahym! Seniň permanyňa uýmagym köňlümiň arzuwydygny bilýarsiň. Huzuruňda hyzmat etmek bolsa gozumiň nurudyr. Eger elimde bolsady, onda her bir pursadymy Saňa hyzmat edip geçirerdim, dynç almazdan, Saňa tagatda bolardym. Emma Sen meni bir bendaňiň emrine berdiň. Şol sebäpli hem Saňa isledigimçe hyzmat edip bilemok!

Hojayyny görse, Rabyýanyň başujunda bir çyra asylgymyş. Özem hic bir zada bagly bolmazdan, howada butnaman duranmuş. Otagyň içi bolsa nurdan dolymuş. Bu keramaty gören hojayyn öz-özüne:"Mundan beylak ony gul-gyrnak edip saklap bolmaz" diýipdir.

Ol ertesi Rabyýa ýüzlenip:

—Seni azat etdim. Isleseň, bu ýerde gal,barymyz hyzmatyňda bolaly. Bolmasada islan yeriňe gidip bilersiň- diyipdir.

Şondan soň Rabyýa rugsat sorap, ol öyi terk edipdir we özuni ybadata beripdir. Ol her gije-gundiz müň rekat namaz okaýar eken.

Hezreti Rabyýanyň ýanynda oňa ýoldaş bolýan zenan bir gün garyn-icegeden çorba bişirmekçi bolupdyr. Olar birnaçe gün bäri agyzlaryna zat almandyr. Çorba atar yaly öýde sogan hem yokmuş ,ol zenan Rabiyýadan:

—Goňşudan diläýeli- diýende Rabyýa:

—Gudraty güýçli Allahdan başgasyndan hic zat dilemejekdigime ant içenime kyrk ýyl boldy- diýipdir.

Şol wagt asmandan bir guş uçup gelip olaryň öňünde duran gaba arassalanan sogandyr, sarymsak oklap gidipdir. Muny gören Rabyýa:

—Men bu Allatagalanyň synagymyka diýip gorkýan. Men muny aňşyrardan heniz ejiz- diyipdir we bişirlen nahardan datman, şol gün gury çorek iýip geçiripdir.

Bir gezek Rabyýa bir adamdan Hasan Basry hezretlerine bir bölek mum,bir iňňe, birem ýüplik iberip hem şeýle diýmegini tabşyrypdyr: "Ey, Hasan! Mum yaly ýana-ýana älemi aýdyňlat, ili eşikli etsede, ozi mydam ýalaňaç gezýän iňňe ýaly, mydama hereketde bol. Özünde şu iki häsýeti terbiyelemek ücin horlanyp, sapak yaly bolmakdan gorkma" diyipdir.

Hasan basry hezretleri bir gezek hezreti Rabyýadan :
—Durmuşa cykmak isleyaňmi? diyipdir.
Rabyýa:
—Nika gyýmak- göwresi bolanlara mahsus bir zat. Meniň göwräm barmy name? Şu görüp duranyň men däl. Men Onuň(Allanyň) barlygy ücin bardyryn. Men Onun kölegesi. Diymek, göwräm hem Ondan ybarat" —diýipdir.
—Eý Rabyýa, bu dereja ýagny, yokluk makamyna nädip ulaşyp bildiň?
—Bar bolan her zadymy Onun ugrunda pida etmek bilen.
—Ony nahili zatdyr öýdýäň?
—Ony zatdyr öýdýän sensiň. Biz ony zatdyr öýtmeýaris! - diýipdir.

Salyh Murri: "Bir kişi gapyny gaýta-gaýta kakyp dursa, şol gapy ahyry açylar" diymegi halaýar eken. Ýene bir gezek şu sözleri diýeninde ýanynda duran Rabyýa:
—Haçana çenli şol bir aydanyňy gaýtalap ýörjek? Gapy açylar ýaly, ol haýsy-haçan ýapylypdyr-diyipdir welin Slayh Murri:
—Geň galaýmaly! Bir erkek kişi nadanlygy görkezdi, bir ejiz zenan maşgala-da alymlygy- diýipdir.

Rabyýadan :
—Nireli bolarsyň? diýenlerinde:
—Ondan geldim, Oňa-da dolanaryn diyipdir.

Adamlar Rabyýadan:
—Sen öňünde sejde edyan Hudaýyňy görýaňmi?- diýenlerinde:
—Ony görmesem, men sejde edip bilmerin- diyipdir.

Hezerti Rabyýa şeýle doga edipdir:
—Men Senden heniz dirikäm Seni yatlap gezer yaly etmegi, ölenimden soňra hem Seni görmek eşretini bagyşlamagy dileýarin.

Çeşme: Feridetdin Attar. 66njy sah.

Şu ýazgyny ýazana,terjime edene, ýetirene,okana Allatagalanyň hidaýeti,rahmeti bolup iki dünýäsi abat bolsun ! Allah j.j olary beladan-beterden,howpdan-hatardan gorap özüniň razy bolan ýolunda boldurup ahyretlerini abat etsin !

Mowzugy VIP edenler:

☪ATAKAKA۞ — 50 sagat vip etdi.02.07.2020 / 23:21:44

— 5 sagat vip etdi.02.07.2020 / 17:29:43

Bereket — 1 sagat vip etdi.01.07.2020 / 21:13:19

Bereket — 1 sagat vip etdi.01.07.2020 / 20:11:51

— 10 sagat vip etdi.17.06.2019 / 08:13:04

.vkus.granata. — 10 sagat vip etdi.16.06.2019 / 21:16:28

Deňiz — 2 sagat vip etdi.14.06.2019 / 22:18:45

Ämin Allajan siziňem iki dünýäňizi abat etsin agam

Sizi Alla yalkasyn, Çary aga.yenede yetirip duruň

Kinosyny söýup gorerdim. Indi mirasy goremzogam

Asuda_durmush, şugun: " kanal7" kanaldan agşam sagat 1:00 HEZRETI RABIYAnyñ kinosy berer

Gorjek diyseñiz şugun agsham berya

Sag bol. Kanal 7 skacat edeyin hazir

Kiçikäk miras kanaldan kinosyny görkezýädi, gowy görýädim. Owadanja gyz oýnaýady Rabiýa bolup.

.vkus.granata., Vip üçin minnetdar,Allah razy bolsun, bu dünýä gelip biziň iň möhüm wezipämiz öz eýýämiz,bizi bu dünýä getiren,ýaşadan we ýene özüne dolajak Beýik Allahy tanamak we oňa gulluk etmekdir. Bu zatlara aňry ýany bilen göz ýetirip Allaha ybadat etmekde erkek-zenanalar görelde bolup giden Rabyýa hezretleriniň durmuşyny köpe ýaýratmak hem sogaply işleriň biridir.

Hawa, Rabiýany şol kinodan adynam, özünem gowy görüpdim. Kiçikäk şonuň ýaly beýik adamlar hakda kinolar köp görkezilerdi, Rabiýa kinoda bolsa meý guýdurjak bolup, ellerine ilen zatlary zyňýalar welin, gül bolup üstüne düşýän sahnasy hiç göz öňümden gidenok. Zyndanda saklanlarynda suw akyşy. Şol kinolar gowy terbiýeleýädi ýöne çagalary. Size-de maglumatlary ýetireniňize sag boluň

Beyle güyçli imanly bolmagy münde bir kişi başaraymasa???

Shapak_A, Ýokla dogan,milýondan biri başar,ýöne bizem başardygmyzdan yhlas bilen ybadat edibermeli,bu gün göreniň,ertir ýok.

Amin aydanyñ gelsin şeyle mowzuklary yetirenide alla yalkasyn sagboluñ cary aga!!!

amin..amin. yetireniniz ucn sag bolun

Cary aga okap hezil etdim icim gysyp oturdym yuregime giñlik girip gitdi yene shular yaly gowy mowzuklary yetirip duruñ!

"Edebiň düýp özeni dindedir!"

Çary agamyzyň bize ýetirýän rowaýatlarydyr, tymsallary, dine degişli terbiýeleýji eserlerini okap bolanymdan soň, şol mowzuklardan lezzet alyp, kuwwatlanyp, süňňüm ýeňländenmi, bilmedim, Çary aganyň ýetirýän mowzuklaryny sypdyrman okaýan we indi ýetirjek mowzugyna-da sabyrsyzlyk bilen garaşýan. Adatdakysy ýaly ynha, Rabiýa babatda ýetiren mowzugyny-da hoşallyk bilen okadym. Häzirki biziň döwrümizde-de Rabiýanyň göreldesine eýerip, milliligmize, dinimize birkemsiz uýýanlaryň bardygyna aýratyn belläp, şeýle bir zady gürrüň beresim geldi
Meniň Äşe atly işdeş joram bardy. Ol juda mähirli hem nurana gyz. Ýuwaş gürleýädi. Asylly hem agras, bolan soň oňa ulumsymykanam öýdýädiler. Ýok, ulumsy däldi, ol köp gürlemäni halamaýan, ýuwaş-ýumşak gyzlardandy. Äşe Patmanyň ekiz taýydy. Patma-da Äşe bilen bir häsiýetlidi. Ýöne ol işlemän soň, öýde el işllerine, öý-içerä göz gulak bolýardy.
Gysgaldyp aýdanymda, meniň gürrüň berjek bolýan Äşämiz başlygymyzyň kätibi (sekretary) bolup işleýärdi. Ol çagalygyndan bäri namaz okap ýörensoň, "öýle namazyny" işde okamaly bolýady. Başlygymyz edarada namaz okamagy gadagan etse-de, wagt tapyp, gizlin okaýardy welin, ýöne namazyny sypdyrmaýady. Ony esasanam, öz otagyma salyp, okap bolýançasyna çenli men gapyň daşynda garawul durýadym. Bir gün şeýle ýagdaý boldy. Başlygymyz bu gün Müdirýetlikde bolup, gaty giç geljegini duýduran soň, Äşe arkaýynyrak boldy. Günortandan soň, biziň işimize barlag geljekmiş diýip, habar etdi. Biz taýýarlyk görüp, geljek barlaga öň edilen we edilmeli işlermiziň hasabatyny taýýarlap otyrdyk. Şol mahalam, maňa Äşeden gerek bolan bir resminama (dokument) gerek bolup, onuň ýanyna bardym. Görsem, Äşe otagynda öýle namazyny okap oturan eken. Päsgel bermäýin diýip, çykyp gelýäkäm, öz başlygymyz we ýanynda bäş sany barlagçylary yzyna salyp, otagyna girjek boldular. Başlygyň otagyna bolsa, kätibiň otagynyň üstünden geçilýän bolansoň, Äşe olara başlygyň otagyna geçmäne päsgel berip otyrdy. Äşe barlagçylary gözüniň gytagy bilen görse-de, ol aljyramady we namaz okamasyny dowam etdiriberdi. Men bolsam, Äşe üçin, darygyp başladym. Onuň indi işden boşadylmagyndan howatyrlandym, gynanjymdan ýaňa aljyradym. Sebäbi, ol öz başlygymyzdan iş ýerinde namaz okaýanlygy üçin öň iň soňky käýinç hem alypdy . Ýöne Äşe: "Başyma gelenini görerin-dä, işden kowýanam bolsa, men namaz okamamy bes etmerin" diýip ýördi. Gelen barlagçylar Äşäni synlap duruşlaryna başlykdan "Bäş wagtyna-da okaýamy?" diýip, soradylar. Başlyk "Hawa, bäş wagtyna-da okaýamyş. Men-ä şuňa näme diýjegimi bilemok. Ýogsam, käýinjem berdim, ýok edip, işden boşadaýmasam indi muny, bu meni diňlänok..." diýip, Äşä seredip durşuna gaharlandy. Äşe iki egnine salam berdi-de, namazdan turdy. Edep bilen olara Salam berdi. Barlagçylaryň baştutany Äşä golaýlaşdy-da, "Bäş wagtyna-da okaýaňmy, jigim namazyňy? Oraza-da tutýaňmy?" diýip, ilki amallary soraşdyrdy. Soňundanam, "Tüweleme, tüweleme! Alty wagtyna okalýanam bolsa, namazyňy sypdyrmagyn, arkaýyn okaber!" diýdi-de, başlyga tarap öwrüldi. Soňam: "Başga-da namaz okaýanlar bar bolsa, bir otagy namaz üçin aýratyn ýörüteleşdiriň. On bäş minut wagt gideni bilen hiç zat bolup bolmaz. Özem Äşäni işinden kemçilik tapmasaň, namaz okaýanlygy üçin, ne käýinç, ne-de işden boşatmak diýlen zat bolmasyn. Edebiň düýp özeni dindedir! Goý, okan bendeler bir okap, ybadat etsinler." diýip, başlyga tabşyrdy. Olar girip giden soňlar, Äşe begenjinden ýaňa gözüne ýaş aýlady...
"Yhlas edip aglasaň, hokur gözden ýaş çykar" diýleni boldy. Äşäniň yhlasynyň ýerine düşenine begendim.
Rabiýa ýaly mähribanymyz ýal-a bolup bilmeris elbetde, ýöne Alla uýup, sežd edýän ähli musulmanlarmyzyň ybadatlary Allah dergägohinde kabul bolsunda hernä!
Mowzuk açsam boljak eken. Teswir uzak bolaýdy. Pursadyňyzy peýdalananym üçin bagyşlarsyňyz, Çary aga!

MILANA, Bah,örän tolgunduryjy waka şaýat bolupsyňyz jigim,hawa aslyna seretseň hakyky iman eden üçin bir namaz, bu dünýäň bar baýlygyndan gymmat bolmaly,sebäbi bir namaz okamadygyň üçin 6600 ýyl dowzah jezasy berilýär diýýärler. Mowzugy vıp edip eden kömegiňize minnetdar Allah ýalkasyn,iki dünýäň abat bolsun !

MILANA, sag bol paylaşan wakanyza. Sizin nâhili derejede kömek edeniniz sonuna çenli okap göwnüm hoş boldy doganjygym.Siz yaly yagşy ynsanlar bolsun Allajan!

Ämin! Ýetireniňiz üçin Alla Sizden razy bolsun! Eden ýagşy dileg dogalaryňyzy Alla kabul etsin we köp esse edip yzyna gaýtarsyn!

Allah razy bolsun agam, minnetdar

Çary aga yetiren gowy mowzugynyza haladymy basmakçydym ters basyldy

Muşdak, Sag bol mowzuga aktiw gatnaşanyňa, ýalňyşanyň üçin 2 gezek dagyn jerimesini töläpsiňä how Allah razy bolsun ! Minnetdar !

Manyly we tasirli mowzuk.
Minnetdar yetireniñize

BAY-HAN, Sizede mowzugy okanyňyza minnetdar,şeýle mowzugy gyzygyp okamagyň özi adamyň kalbynyň ýumşaklygyny,Beýik Allahyň dinine hormat-sylagy görkezýär,Allah dogry ýoldan aýyrmasyn !

Allah sizden rehmetini egismesin agam,

☪ATAKAKA۞, Amin,ähli musulman ummatyna şeýle bolsun inim !