06:23 Mowzuk

Adamzat dünýä inende on iki süňňi abat bolsun diýip dileg edilýär. Elbetde her synaň kemçiligi beýleki synanyň artykmaç işlemegino talap edýär. Meselem: aýak ysmaýan bolsa eliňe agram, gözüň gözüň görmeýän we gulagyň eşitmeýän bolsa diliňe agram...Garaz, iş wezipäm sebäplimi ýa döwrüň talabyna görämi, noutbuk we telefon bilen kän iş salyşmaly bolýaryn. Käte iş sebäpli ekeana dikilip daň atanyny hem duýmaýardym. Görejimiň peselýänini duýýardym, uzakdan bulaşyk görmegim (bolýar-la, ýakyneak süýşüp okaýaryn), köçedeki barýarkam deňimden geçýän tnyşlaaaryň maşynda signal berende ne nomerin saýgarmagym, ne-de içinde barýanyň suduryny görmegim (aý, sen dagy deňimden geçende zaprawkadaky ýaly 5 km/sag sürmeli-dä) we iň soňky derejesi hem deňimden geçip barýany 2-3 ädimden tanamazlygym (entägem ýitije sesiň bar eken, bolmasa gözümi muzeýe tabşyraýmalydy). Garaz, türkmen pahyr iň soňky deminde lukmana halas bolmada barýar, menem edil 1% zarýady galan telefon ýaly lukmandan zarýad almaga ýol aldym. Uzak ýazmazlyk üçin, biraz çaltyral saradyp geçeýin.
Lukmana ýazga durdym, şäher ýeri-dä, işe giç geldi (belki Moskwaň probkalaryny söküp gelendir-dä), ýarym sagatlap eşik çalşyp, bezendi (entägem ýanyňa gelýänleriň gözi pes görýär, bolmasa sypatyňy görüp ýaşamaga höwesi gaçardy), soňra men ýagnaga diýip her kabinete gatnap başlady, birinden paket ýumurtga, birinden süýt, birinden jorap aldy...hersi öz satýan zadyny iň soňky galany seni sylap satman goýdum diýip gulaga münýärdiler, lukman dükanlara aýlanyp çykandn soň, şepagat uçasyna bulara kwitansiýa ýazyp ber, töläp gelsinler diýip biziň aladamyzy edip başlady (9:00 geldi, şol wagt sagat 10:50 di). Töledik, nobata durdym, bu girýänler sen bärde keýpine durmyň ýa şänik çakýarmyň diýip soraňaýarlar, aňyrdan gelşine meniňki gyssagly ýa men ýekeje zar sorasam boldy diýip smsyjsyrap girýärler, menem biri mama, bir göwrwli, biri atam ýaly diýip geplemän durun welin, menden kiçi çagalaram öýünde bäbek aglaýan ýaly başagaýsyrap başladylar. Gepiň gysgasy, bu gapy Brest galasy boldy, men golaýlaýan, nemesler dökülýär, ahyry girdim. Barlap başlady, biri gapydan girdi çagasyny süýräp. Lukman şunuň gözüni bir zat edeli diýip düşündirýänçä jaň geldi oňa:
-How agam? Sakladylarmy? Bolýar familiýasyn aýt, häzir çözeris, bolýar agam ýeke min, sg aman gez agam.
Beýleki jaň:
-Nemäýew, saklan adamyňa dilden duýduryş ber de çaltjak ugrat, hiç zat ýazma.
Lukman bulary eşidip, öňünde ýylpyldawuk zat gören garga ýaly, topulyp ýaňky çaşulynyň abraý şariklaryny götermäge başlady. Döwür-dä ol işini birirjek bolup muny hoplaýar, bulam wezipesinden gorkup ýallaklap durşuna diliňizi bir-biriň syrtyndaan çykaryp gürleşäý diýäýesim geldi.
Lukman, meniň işim dynan bolsa ýöräberjek, diýip adamçylygymy sakladym...
Hää, nemejan, şony bir dynyp goýber, çadymdanam çykypdyra...diýip gülümsüräp,öňünde duran şlýapaly doňdurmasyny ýalamagyny dowam etdi.
Şepagat uýasy ýaşajyk eken, hernäme de bolsa okany bildirdi, barlady, äýnek dakynmaly diýip käbir dermanlary ýazdy we olary norden elýeterräk bahadyn alyp boljagyny salgy berip ugratdy, Lukman bolsa hälki gelen doňdurmanyň şlýapasyby ýalap dynypdyr...
Ýene çaltyrak saradyp geçeli. Dermanhanadan zerur zatlarym alyndym, ýeke derman 192 man, hemmesiniň hemini çykaranda ýürek saklanyp gulagym gapyldy, özümi dürsejek bolup köne puldamy ýa diýip degişdim, enrägem dollarda diýňedigine begenip gaýtdym.Äýnegimi-de bejerdip, öýe ýol aldym.
Täze äýnek dakynýnyň ilkinji duýgulary. 1'3 megpiksellik nokiadan 13 megapiksellik samsunga geçen ýaly da. Hemme zat dürs görünýär. Çaga alyp berlen täze oýinjak ýaly ýolýoýuňy deňimden geçýän maşynlaryň nomerlerini okamaga çalyşýardym, daşrakdan görjek bolup özümçe käbir rekordlaram goýýardym. Gowy görýänime begensem de, bu emeli begençdigine düşünýärdim, çala gynanýardymam. Işe bardym, ýaş bolanymamy näňemi, hemme geň görýärdi. Deňinden dört gözli geçýän ýaly käbiri pyşyrdaaşýardylar, käbiri gowy gelişmändir diýip ruhumy götermäge çalyşýardy, käbiri gowy gelşipdirä diýip göwünlik berýärdi, käbiri hany menem dakyp göreýin diýip özlerini selfie düşürip güýmenýärdiler. Men bolsa, gyrada durup daş töweregimi synlap: "Näme üçin biz doglanymyzdaky ýaly päk, ikiýüzsüz ýaşap bilmeýärkäk? -diýip oýlanyp, özümi ýigrenýärdim.