01:54 Mowzuk

Ine,eýýäm sensiz ençe baharlar geçipdir eje.Edil düýn ýalydy,köýnegiň bir gyrajygyndan tutup yzyňdan aýrylman gezýän günlerim.Dogry durmuşdyr bu.Munda ýitirmelem bolýas ýitmelem bolýas.Ýöne men seni gaty ir ýitirdim käbäm.Bu ýitgi kalbyma nähilli agram salanyny göz öňünede getirip bolmazmyka diýýän.Çagadym,heniz çagalyk müçesinden saýlanmadyk 12 ýaşlyja çagajykdym.Bahar paslynyň ilkinji aýy seni menden aýra salypdy.Hiç zada düşünmeýän çaga kalbyma ýitgi diýen düşünjäni girizen hem şol aýylganç bahar pasly boldy.Heniz mekdep okuwçysykam synpdaşlarym öz ejeleri barada aýdanda olara görübilmezçilik edýädim.Kemsinýädim.Mugallym öz ejeleriňiz barada düzme ýazyp geliň diýende hiç kime bildirmänjik aglaýadym.Iňlis dili sapagyndan ejeleriňiz haýsy kärde işleýän bolsa iňlisçe terjime ediň diýende näme gürlejegimi bilmän doňup galýadym.Wagt geçdi,ejesiz günlere öwrenşip başladym.Ýanymda bar bolan ýakynlarymyň gadryna ýetip,her gün olara uzak ýaş diläp,Allajanyň beren gününe şükürler okap başladym.Men gaty bagtly.Maňa bu bagty duýduran kakamjan,doganlarym bar ahyry.Ejesiz bolsamda ýanymda bolmadyk ejemjany ýüregimden tapyp bilýädim.Käbäm ejemiñ bileje okan synpdaşlary her ýyl doglan günümi gutlaýady.Bu ýyl hem olardan iň gowy gutlagy eşitdim.Olar maňa sen ejeňe megzeýäň,ýylgyrşyň,gürleýşiň,hereketleriň ony ýadyma salýa.Berekella bagtyň bolsun diýdiler bu sözler meň kalbymy heýjana getiren sözler boldy.Doglan günümde aýdylan iň owadan gutlag boldy.Aramyzda ýok bolsañda seni hemmämiz mähir bilen,hormat bilen ýatlaýas MÄHRIBANYM!

Allajandan dilegim çagajyklara enäniň ýyly mährinden doly ganmak bagty miýesser etsin.Bäş barmak deň bolmaýşy ýaly perzentleriň hem enä hormatsyz seredýänleri bar.Goý olar hem öz mähribanlaryny entäk ýanlarynda wagty gadyrlasynlar.