Islendik ýaşda berk jan saglyga we özüňi oňat duýmak üçin buzly suwa düşmek ýa-da professional sport bilen meşgullanmak hökman däl. Munuň üçin günde ýerine ýetirilmesi hökmany bolan bäş sany ýönekeý we peýdaly endigi özleşdirmek ýeterlik.
Köpräk suw içiň. Suw biziň bedenimiziň esasy komponenti hasaplanylýar, şonuň üçin her bir adama suw içmek režimini berjaý etmek gerek. Her günde günüňe ýarym litr arassa suw içmeli. Ýöne bir zada üns bermek gerek, gürrüň arassa agyz suwy barada gidýär, çaý, kofe ýa-da miwe suwy muňa girenok.
Belli bir wagtda uklaň we oýanyň. Bu endik size ertirine ýeňil oýanmaga we galan tutuş günüňizi energiýa bilen üpjün etmäge kömek eder. Şunuň bilen bir zady ýatda saklamaly, organizm çalt dikeler we siz näçe ir ýatsaňyz, şonça-da ir oýanarsyňyz. Elbetde, käbirlerine bu endigi özleşdirmek üçin wagt gerek bolar.
Gimnastika bilen meşgullanyň. Irdenki we agşamky gimnastika sizi myşsalaryňyzdaky agyrydan dyndyrar, çeýelik berer we energiýa bilen üpjün eder. Gimnastikany yzygiderli ýerine ýetirmek bilen siz immunitetiňizi berkidersiňiz.
Durmuşyňyzy köpräk pozitiw emosiýalar bilen dolduryň. Ownuk zatlara-da begenmäge çalşyň we özüňize hakykatdan hem lezzet getirjek işler bilen meşgullanyň. Hobbi ediniň ýa-da sport bilen meşgullanyň.
Gezelenç ediň. Pyýada gezelenç etmek organizme peýdalydyr. Aýratynam, öýüňizden daş bolmadyk ýerde seýilgäh bar bolsa, şol ýerlerde gezelenç etmek. Şonda siz baglaryň arasynda arassa howadan dem alyp bilersiňiz. Bu myşsa tonusyny berer, gany kislorod bilen baýlaşdyrar we stressden dyndyrar.

125

9

2

4

0

Mowzugy VIP edenler: