09:14 Mowzuk

Siz halk arasynda uly mähir bilen ady agzalýan "zenan bagty" atly gülüň haýsy güldigini bilýän bolsaňyz gerek. Hawa, ol spatifillum gülüdir. Häzir biz halk arasynda meşgurlyk gazanan bu gül bilen bagly birnäçe yrymlar we ynançlar bilen tanyş bolarys. Ilki bilen, biz ony üç topara böleris: ýalňyz zenanlar we erkekler üçin, maşgalalar üçin . Hemme taraplaýyn bu gülüň adam saglygyna zyýany ýokdur. Onuň ýekeje kemi bar. Ol hem, erbet energetika öýde höküm sürende ýaşap bilmeýär. Siz bu güli öýňüzde saklamak isleseňiz onda ünsli bolmalysyňyz: guran gül özi bilen maşgala agzybirligini hem guradýandyr.
Spatifillum güli "zenan bagty" adyny ýöne ýerden alan däldir. Gadymy grek-rim mifologiýasyna görä, söýginiň hudaýy Astarta özüniň toý gününde adaty ýerde ýaşaýan bir gyz maşgala öz bagtyny gazanmaga mümkinçilik berýän üýtgeşik, jadyly häsiýetleri özünde saklaýan ak gülleri sowgat edipdir. Bu gül bilen bagly birnäçe ylymlar şulardan ybarat:
1. Eger-de bir ýalňyz zenan, gyz maşgala öz bagtyny islese, bu gülden edinip, yhlasly ideg etmeli. Eger-de ol zenan maşgala gülüň göwnünden tursa, onda hökman ol gül erkek adamlaryň gözüniň öňünde bu zenanyň görmegini artdyrmaga ýardam eder. Bu bolsa, oňa öz bagtyny tapmaga ýol açar.
Eger-de zenan maşgala bir saý-sebäp bilen öz ýan ýoldaşy bilen aýrylyşsa, bu gül oňa dert aladalaryny ýeňletmäge ýardam eder, eger-de ähli zat gowy bolsa, emma halaşýan ýigidiňiz durmuşa çykmagy teklip etmese, şol ýigidiň gandüşer garyndaşlaryndan islendik biri oňa bu gülden sowgat bermelidir.
Erkek adamlar bilen bagly bu gül hakynda nähili yrymlar bolup biler? Eger-de, bir erkek adam halaýan aýal ýa-da gyz maşgalasynyň näderejede özüni söýýändigini bilesi gelse oňa bu güli sowgat etmeli we birnäçe günden son, myhmançylyga barmaly. Eger güller güllese gül açsa diýmek ol sizi söýýändigidir. Eger güller güllemese we solan bolsa diýmek, ol zenanda size bolan söýgi hiç hili ýokdugydyr.
Eger-de maşgalada bu gül bar bolsa onda maşgalada maşgala agzybirligini artdyrmaga ýardam edýär. Käbir zenanlar öz adamsynyň başgalara seretmezligi üçin ýörite bu gülden edinýär