Hemmelere salam. Özüm hakda gysgaça aýtsam. Meniñ adym Serdar. 90-njy ýyl. Aslym lebaply. Häzirem lebapda. Maşgala ýagdaýym öýlenen we ýekeje gyzym bar. Kärim çopan. Özümiñ goýunlarym bar. Bilimim ýokary bilimli. Bilýän dillerim Ene dilim, Türk dili, Özbek dili, Rus dili, Iñlis dili (American english), Ispan we Hytaý dili. <br>
<br>
Başga-da bilmek isleýän zatlaryñyz bar bolsa çekinmezden teswir ýazyp sorap bilersiñiz. Okap hemmesine jogap berjek bolaryn.<br>
<br>
Esasan obadaşlarymyñ we deñ-duşlarymyñ köp berýän soragyna hem jogap berip geçeýin. Sebäbi bärde hem şol soragy berjek agza hökman tapylsa gerek. Ýagny, ýokary bilimli bolup. Şonça dil bilip näme üçin goýun bakyp çölde gezýäñ diýip soraýalar.<br>
<br>
Jogabym: - Allahyma müñ şükür, çölde goýun baksamam berekedim ýetik. Güzeranymy aýlamagyma ýetýä. <br>
<br>
Mekdepde gowy okap, ýokary bilim almagymyñ sebäbi hem ýönekeý. Okuwçy döwürlerim bilmedik zadymy ejemden soranymda, ejem ýüzüni aşak salyp &quot;men o zady nirden bileýin oglum.&quot; diýip, gamgyn halda naynjarlyk bilen ýüzüme bakardy. Men hem şol döwürler ulalyp çagam bolanda ejem ýaly ýüzim gyzarmasyn diýip gowy okap bilim aldym. We ýene-de Allama şükür, indi gyzym düşünmedik zadyny sorap gelende gowy edip düşündirmäne bilimim ýetýär.<br>
<br>
Köp dil öwrenmegimiñ sebäbi bolsa, kitap okamany we boş wagtlarym hekaýadyr oýlanma ýazmagy halaýan. Edebiýat dilden dile terjime edilen mahaly, ol nähilem bolsa ýonulýar we manysy üýtgedilýär. Köplenç köp zatlar aýrylýar. Dil öwrenip meni gyzyklandyran kitaplaryñ aglabasyny öz dilinde okadym we şondanam olaryñ asyl manysy has düşnükli we gyzykly bolýanlygyny bildim.<br>
<br>
We ahyrynda dostluga näme sebäpden girenligimi aýtmakçy. Ýokarda aýdyşym ýaly eser ýazmagy halaýan. Ýazan zatlarymy köpçülik bilen paýlaşyp görmekçi. Belki okanlara azda kemde peýdasy degmegi ahmal. <br>
<br>
Gyzyldan gymmatly wagtyñyzy sarp edip okanyñyz üçin minnetdar. Sizden geljek soraglara we teswirlere sabyrsyzlyk bilen garaşýan. Uly hormat bilen AnSeBox.

275

51

32

5

0

Mowzugy VIP edenler: