Men oba oglany. Alys Daşoguzyñ bereketli topragynda çagalygym geçen ýerleri meñ üçin gadyrly. Men bu gün size öz durmuşymdan gysgajyk bir tymsal getirmek isteýän. Bu tymsal ene mährine, durmuş hakykatyna we çaga päkligine ýugrulan. Men çaga döwürlem kömelek gözlemäge gitmegi gowy görýädim. Her ýyl ilki bagar aýlary ýere ýyly girenden kömelege gidermen bolup torbamy boýnumdan asardym. Elbetde meñ kejir häsiýetime belet bolan ejem maña entek kömelek düşerden irdigi barada näçe aýtsañam gep kär etmejegini bilýädi. Şonuñ üçinem meniñ göwnümi ýykmajak bolup doganlarymdan ulyraklaryny maña ýoldaş edip kömelek gözlegine ugradardy. Gün batýança aýlanyp hiç zat tapman öýe gelen günlem sanardan kändir. Ýöne men ruhdan düşemokdym, kömelek näçe tapylmadygy saýyn meñ hötjetligim artyp ertesim, birgünem oñ ertesem garaz ýadama ýaltama bilmän entäp gezerdim. Ahyry menden bizar bolan doganlam meñ bn kömelek gözlegine gitmejekdigini aýtdylar. Men gaty erbet gynandym. (Mümkin aglandyrynam) ýöne eje bary bir eje bolýa 8 çagany ekläp saklap olar üçin döşüni geren mähriban ejemiñ iñ körpe perzendiniñ gözýaşyna dözmedi. Ejem şol wagtlar erbet aýagyny agyrdyp agsaklap ýöreýädi. Meñ bn hiç kimiñ gitmejegine gynanan ejem meni ýeke goýbermezlik üçin meñ bn bile kömelek gözlemäge gitdi. Meñ üçin bu hezildi. Şol gün men hezil edip gün batýança atyz çillerden, ýaplardan böküp uzaklara gitdim men bagtlydym gün bar açyk meýdan bar ejem bar torbam bar)) bagt üçin ýene näme gerek. Ýöne soñ soñlar ýaşym ulalyp aklym guýulaşyp şol gün barada pikir etsem oglunyñ göwnüni görüp ýaplardan emedekläp çykyp aýagynyñ agyrysyny bildirmejek bolup ýylgyryp oñaýan ejemiñ bolşyna indi düşünýän. Megerem enelik mähri şeýle bolsa gerek. Biz şol gün gaty uzaga gitdik. Maña kömelek tapmak üçin ejemjanam bar ünsini jemläp yhlas etýädi. Biz ejem bn kömelege gidenmizde ejem kömelegi tapyp üstüni açyp goýardy soñam-şol bagyñ aşaklarynam gözläp gör hany diýerdi. Menem ejemiñ maña tapan kömelegini baryp tapan bolup baý çişýädimow. ) Ýöne ol gün gynansagam beýle bolmady. Ahyry gün batyberende biz yzyma gaýtdyk. Men gaty keýpsiz öýe geldim. Kömelek tapman öýe gelşim birinji gezek dälemdi welin ýöne men näme üçindir şol gün ejem bn gatyyyy kömelek tapasym gelipdidä. Öýe gelsek mellekde ýer agdarýan dädem meñ ýüzümden hemme zady añdy. Ola aýtmasañam düşnüklidile. Men öýe girip biraz multfilim göresim geldi. Öýe ýañy bir girenim şoldam welin ejem meni çagyrýanyny eşitdim. Süýrenip bardym seretsem ejem dademiñ ýer agdaryan yeriniñ gyrasynda otyrdy, dädemem piline ýaplanyp dem alan bolýady. Birdenem ejem -hany şu çili bir görsene näme barka diýen tanyş sözleri eşidili. Men ynamsyzja baryp çile seretsem ulllakan kömelek tegelenip durdy. Gizlemäýin gaty begendim. Şol wagt mençe ýene 2 adam begendi. Ýöne olar kömelek üçin dälde meñ begenjimi görüp çyny bn begenýädiler. Şol günden bäri aradan köp wagt geçdi. Men ulaldym soñ ýene kömelege gitdim ýöne indi boş gelemokdym. Paketleri dolduryp ejemjana kömelek äkerdim. Ýöne şol günki tapan kömelegimiz ýaly uly kömelegi men hiç wagt tapyp bilmedim. Hatda soñ soñlar bazarda-da şolar ýaly ýokdy. (Mümkin ol maña şeýle duýulandyr bilmedim) nämede bolsa men bu wakadan köp many çykardym. Ýöne bu wakadan tapan iñ uly hakykatym käwagt biziñ alyslardan ýol söküp gözleýän bagtymyz biziñ ýanjagazymyzda bolmagy mümkindigini unutmalyñ. Belkide bagt gözläp uzaklara gitmegiñ geregi ýokdyr...
Nämede bolsa indi ol günler geçip gitdi. Ondan bäri ençe baharlar geldi. Men her bahar gelende ýene çagajyk bolup ejem bn kömelek gözlemäge gidesim gelýä. Käwagt şol gün edil hakydamda bolýan ýaly düýşüme girýä. Belkide şol güni gaýtalamak maña ýene nesip eder..

228

30

17

12

1

Mowzugy VIP edenler: