18:17 Mowzuk

Dogry adamy wirtual jemgyýetden tapmak, adaty, ýerli tanyşma usullaryna görä jübütleriň has bagtly we uzak är-aýal bolup galmaklaryna eltýär.

Ömrüňiziň manysy, durmuşyňyzyň bezegi boljak söýgüliňiz bilen tanyşmagyň iň romantik usuly däl, ýöne tanyşýan adamyň dogry adamdygyna düşünmek üçin iň täsirli usul, onlaýn tanyşlyklar (flörtler) bolup biler.

ABŞ-nyň Çikago uniwersitetinde geçirilen gözlegiň netijesine görä, internetde tanyşyp durmuş guran jübütler, adaty ýollar bilen tanyşyp durmuş guranlardan has bagtly bolýar.

Çikago uniwersitetiniň psihologlary durmuş guran 20,000 adamdan nähili bagtly bolandyklary barada sorag-ideg geçirdiler. Gatnaşanlaryň takmynan üçden biri är-aýallary bilen internetde tanyşdy, ýarysy wirtual tanyşlyk we söhbetdeşlik sahypalarynda ýa-da sosial ulgamlarda. Durmuş guranlaryň arasynda häzirem nikaly bolanlardan onlaýn tanyşanlar has bagtly. Onlaýn ýagdaýda başlanan gatnaşyklar, adaty tanyşlykdan 25 göterim az aýrylyşmak bilen gutarýar.

Gözlegiň ýolbaşçysy professor Jon Kasioppo özüňe mynasyp adamlary tapmagyň wirtual gurşawda has aňsatdygyny aýtdy. Beýleki tarapdan gözlegçiler bolsa, bu üstünligi wirtual gurşawda flört edýänleriň özlerini has rahat duýýandyklary we ýokary motiwasiýaly bolýandyklary sebäpli düşündirdiler.

Öňki gözlegler internetde tanyşanlaryň ilkinji ýüzbe-ýüz duşuşykdan soň ýene duşuşmak ähtimallyklarynyň has ýokarydygyny görkezdi. Internet dostlugynda adamlar hakyky şahsyýetini gizläp bilýänleri üçin geljekki är-aýallaryna köplenç boý we agramlary bilen bagly ak ýalanlaryny hem aýdyp bilýärler.

ESASAN IŇLISLER HALAÝAR.
Iňlisler Ýewropada internetde tanyşmagy iň köp halaýan ýurda öwrüldi. Angliýada ortaça her aý azyndan 5 milliondan gowrak adam internetde sosial tanyşlyk saýtlary ullanýar. comScore-yň habaryna görä, bu sahypalara giriş günsaýyn ýokarlanýar.

Daily Mail-iň hasabatyna görä, web sahypalary iň köp 25-34 ýaş aralygynda meşhurdyr. Emma uly ýaşly adamlaryň arasynda hem has giňden ulanylyp başlandy.