Gaýalaryň gary eräp bireýýäm,
Pyntyklady pisse bilen badamlar.
Bahar ýeli aýnalary kakyp ýör:
- Bahar gelýär, bahar gelýär, adamlar.

Gol ýaýratdy bagymyzyň üzümi:
(Uzak ýaşar şol üzümden dadanlar)
bahar ýeli sypap geçdi ýüzümi:
- Bahar gelýär, bahar gelýär, adamlar.

- Bahar gelýär, bahar gelýär, adamlar,
Lälezarda öwşün atýar gunçalar.
Ýodalary suwlap, ýuwdy topragy
Bahar buşlukçysy – hoştap damjalar.

Gaýalaryň gary eräp bireýýäm,
Pyntyklady pisse bilen badamlar.
Pikir beriň, ahmal galmaň, tijeniň:
- Bahar gelýär, bahar gelýär, adamlar!

Halyl KULYÝEW.

BAHAR

Tylla tygy bilen nurly gün çykdy,
Gara bulutlary syryp bir ýana.
Seretsene,kömelejik çykypdyr,
Akja telpejigni jykladyp çala.

Ýagan ýagyş barja zady ýuwupdyr.
Tämiz howa ykjatýardy ýaglygym.
Bu gözel barlyga içgin garaýan,
Men bu dünýä ýaňy gelen ýalydym.

Joşan ýürek bilbil bolup saýrady,
Bu göwnümem asman bilen deňleşdi.
Gök ýüzünde gaýýan akja bulutlar,
Meniň arzuwlarma gaty meňzeşdi.

Baglar şahasyna hüji dakypdyr.
Inha,döredilen ajaýyp eser.
Bu dünýämiz täze görke gelipdir,
Bagtyýar ýurdumda görkana Bahar.

Bilbil KAKABAÝEWA.

108

15

4

6

0

Mowzugy VIP edenler: