Toprak-baýlykdyr.
Torprak-bu hazyna.
Toprakda baýlyklañ sergisi ýatyr.
Şol baýlyklardan peýdalanyp bilýän,
Niçe jepakeşleñ görgüsi ýatyr.
Hem özüne zyýankeş, betpällerden,
Jepakeşsizlerden algysy ýatyr
Seret!
giñden nazar aýla topraga
Adamzadyň näçe bergisi ýatyr.

Oña diñe seniň, meniň bergim däl,
Oña tutuş ynsanýetim bergili.
Emma "ene ýer "öýkeli gezip ýör,
Her gezegem dişin gysýar görgüli.

Biraz ýazalyň öýkesin "enäniň"
Ajazyk kalbyna şugla saçalyň!
"Ene" begense, dünýäm begendigi
Toba edeliň, gözimiz açalyň!
"Enäni" begendirmek kyn işem däl.
"Ene" üçin birje gülüp bakalyň!
Özi kimin, hoşniýet mähir bilen,
Onuň üçin mydam zähmet çekeliň!
Öwreliñ dünýäni çemenzarlyga,
Nesillere miras nahal ekeliň!

Hawa, onuň üçin zähmet çekeliň
Şoldyr ähli nygmatlaryň gözbaşy.
Geçmiş,
şu güne
uly bir jemleme,
Hem geljek güne täze bir sözbaşy

Zähmet üstünlikleň baky atasy.
Ol tapýaram haýyr-şeriň beýanyn.
Zähmet bilen mydam ruhyň şat bolar.
Zähmet çekip, tapan barmy zyýanyn?

Zahmet çek!
Saglyk bardyr onuñ bilen
Zähmetsiziñ asla berkemez teni.
Ynamyñy, yhlasyñy ýere ber,
Toprak hiç haçanam çürkemez seni.

Toprak bilen halallykda nusga bol!
Zähmet bilen halallykda nusga bol!
Halallyk bilen il seni halasyn!
Ajykýañmy?
Ýerden iýmitiñ sora
Aç goýarmy ,heý-de "ene" balasyn?!

Y.G

80

12

4

6

0

Mowzugy VIP edenler: