10:56 Mowzuk

Şu makalany ýazmak niýetim ýokdy. Ýöne şol gelniñ, onda-da iki çaganyñ enesiniñ ikinji gezek gelmegi meni galama ýapyşmaga mejbur etdi. Boýun almagymyz gerek, biziñ aramyzda heniz sowet döwründen alan terbiýämiziñ täsirinden çykyp bilmeýänlerimiziñ barlygy hakykat. Ýogsam şol gelin ilkinji gezek gelende öz durmuşynda bolup geçýän ýagdaýy bassyr-ýussursyz gürrüñ beripdi. Şonda bize - žurnalistlere igenipdem. Sebäbi, onuñ aýdyşy ýaly, metbugatda ahlak temasyna degişli çykyşlarda köplenç aýal maşgalalar günäkärlenilýär. Negada bir arak içip, ilden çykyp ýören barada ýazylaýmasa, köplenç şol temadaky çykyşlarymyzyñ baş gahrymanlary aýal-gyzlar. Dogrudanam, ahlak bozuklykda olary tankytlama kemini goýamzok. Ýöne welin bozuklygyñ döremeginiñ düýp sebäpleri barada eger-eger agzamaýas. Ýaş maşgalalaryñ dargamagynda köplenç aýal-gyzlar günäkär bolup çykaýýardy. Soñ-soñlar aýal-gyzlaryñ alyp-satarlyk bilen meşgul bolýandygyny, köp wagtlaryny maşgala ojagyndan alysda, gaýry döwletlerde geçirýändigini, daşary ýurtlarda zatdyr pul üçin tenini satyp ýörenleriniñem bardygyny dile getirmäge başladyk. Biz şonda hamala erkek kişiler aýallary uzak sapara ugradyp, özleri öýüñ keşigini çekýän ýaly suratlandyrjak bolduk.
Ýöne şol gelniñ maña ýazmagy teklip eden zady başgady. Ol turuwbaşdan özüniñ adyny ýazmazlygymy, berjek gürrüñiniñem türkmen aýal-gyzlaryna peýdasynyñ ýetse-ýetip, zyýanynyñ ýetmejegini aýtdy. Soñra ol özüniñ metbugatda ahlak temasyna degişli edilýän çykyşlary uly gyzyklanma bilen yzarlaýandygyny, özüniñ meniñ ýanyma gelmegine žurnalist Amanbibi Muhammedowanyñ bir makalasynyñ sebäp bolandygyny gürrüñ berdi. Geliñ, gowusy, menem onuñ gürrüñlerini size ýetireýin:

- Men çeper eserleri köp okaýaryn. Öýde ýüregimiñ gysan wagty ähli derdimi şolar bilen paýlaşýaryn. Şeýle ýagdaýlaram indi 17 ýyldan agarak wagt bäri gaýtalanyp dur. Men size ähli zady - özümiñ düşen ýagdaýymy bolşy-bolşy ýaly aýtmakçy. Ilçilikdir, belki, meniñ bilen ykbaldaş gelinler başga-da bardyr. Özüm-ä şolaryñ az däldigine ynanýan.
Durmuşda köplenç ýazylan kanunlardan çykman hereket edilýär. Ýöne ýazylmadyk kanunlaryñam kalbyñy lerzana getirýän, durmuşda bialaç goýýan, çagalaryñ, ýanýoldaşyñ, ene-atañ, dogan-garyndaşlaryñ öñünde ýüzügara edýän pursatlaram bolýar. Durmuş-da bi. Onuñ şarñyldap ýatan ak ýoly hemme kişä miýesser edip duranok. Ylaýta-da, oba gyzlarynyñ käbirlerine häzirki döwrüñ ösüp barýan kakabaş we diýenetmezek, özdiýenli terbiýesi belli bir derejede täsir edýänem bolsa, olaryñ köpüsi ene-atalarynyñ aýdan-diýenlerinden çykyp bilmän durmuşyñ çarkandakly ýoluna özüni atýarlar. Soñra ökünilýärem welin, arman, giç bolýar-da...
Men orta mekdepde erbet okamandym. Özdiýenlidim. Klasymyzdaky oglanlaryñ ýekejesem maña habar gatyp bilen däldir. Habar gataýsalaram men olara razy boljak däldim. Hakykaty boýun alsam, öz deñ-duş oglanlaryma göwnümem ýetip duranokdy. Başarsam olaryñ üstünden gülýärdim. Öýde-de öz diýenimi etdirýärdim. Ejem meni oñat görýärdi. Otursam-tursam tertipli bolmagymy, oglanlar bilen bälçireşip ýörmeli däldigimi gulagyma guýýardy. Özümem okuwdan boş wagtlarym öýde haly dokaýardym. Şonuñ üçinem deñ-duşlarymyñ geýmeýän egin-eşiklerini geýýärdim.
Orta mekdebi gutarýançam bir oglana-da göwün bermedim. Ýogsam özümden 1-2 ýaş uly oglanlaryñ ikisi maña söýgi hatyny ýazypdylar. Olaryñ hatlaryny biperwaýlyk bilen ýyrtyp zyñyp goýberipdim. Mekdebi tamamladym. Ähli güýmenjän el işleri, haly-palas dokamakdy.
Ejemiñ goñşy obadaky aýal dogany öýümize ýygy-ýygydan gatnaýardy. Onuñ meni özüm bilen ýaşytdaş ogluna alyp bermekçi bolýandygyny bilýärdim. Ýöne ony soñky 5-6 ýyllykda görmändim. Asyl men ony görmelidir, gürleşmelidir öýtmeýärdim. Iş gyzza-gyzza gelende men näme etjegimi bilmedim. Bir tarapdan, ejemiñ dynuwsyz gulagymy gazap durmagy, ikinji tarapdan, söýgi meselesinde biparhlygym meni bipalaçlygyñ girdabyna oklady. Ýene bir ýyl, ýarym ýyl garaşaýaly diýen sözlerim alga alnyp, bergä berilmedi. Şeýdibem, birek-biregi onçakly tanamasak-da, hüý-häsiýetimizi bilmesek-de, toý edildi.
Baran oglanym geplemezek, ýuwaş eken. Oba oglanlarynyñ biri bilenem tirkeşenokdy. Asyl syr alşyp, syr berişýän ýoldaşy ýokdy. Ertirden agşama çenli wagtyny öýde oña-muña güýmenip geçirýärdi. Köplenjem törde içini hümleder ýatardy. Goşundan golaýda boşap gelensoñ, hiç ýerde işlänokdam. Bu zatlary menden närazy bolup edenokdy, maña gaty-gaýrym sözem diýenokdy. Onuñ asyl tebigaty şeýledi.
Men beýle tukatlyga öwrenişmeýärdim. Men degişmäni, gülüşmäni halaýardym. Emma adamym meniñ bilen-ä däl, eýsem, ene-atasy, doganlary bilenem göwün açyşyp gürleşmeýärdi. Goñşy-golamlar bilen barşyp-gelişmek bu maşgala ýatdy. Men gaýyn öýümden, adamymdan sowap ugradym. Bu öýe gelin bolup gelenime içim ýanyp aglaýardym.
Gaýyn öýümde ýarym ýylam ýaşap bilmedim. Bir gün öýümize gelip, ähli gaharymy ejemden çykardym. Gygyrdym, agladym, asyl diýmesiz zatlaram diýdim. Ýöne ene - ene bolýar-da. Ol meni köşeşdirdi. On gün ýaly bolanymdan soñ ýene yzyma - gaýynlaryma alyp gaýtdy. Ejemiñ gaýnenem bilen näme gürrüñ edendigini bilenok, ýöne şondan soñ biziñ öýümizi aýyrdylar. Emma ýagdaý üýtgemedi. Ikiçäk wagtymyz şunça gepletjek, gürrüñe goşuldyrjak bolýardym welin bolanokdy. Diñe soran zadyña "Hawa" ýa-da "Ýok" diýip jogap berýärdi. Gurluşyk guramalarynyñ birinde işlänsoñ, aýlyk gazanjam erbet däldi. Çilim çekmänsoñ, arak içmänsoñ aýlygynyñ başyny bozman getirip berýärdi.
Ilkinji çagamyz dünýä inensoñam indi ile goşular, öýümiz alaýaz bolar diýen umydym puç boldy. Öýe dogan-garyndaşlary myhmançylyga gelse-de, olar bilen onçakly gürleşip baranokdy. Onsoñ özüm oda galýardym. Olar göwünlerine hiç zat getirmesin diýip, özüm gürrüñe goşulmaly bolýardym. Şonda-da adamym maña gaty-gaýrym söz aýtmazdy.
Ikinji çagamyz dünýä inensoñam, ýagdaý üýtgemedi. Bu ýagdaý meniñ halys degnama degdi. Islendik meselede biziñ häsiýetimiz deñ gelmeýärdi. Biz durmuş ummanynda deñ ýüzüp biljek däldik. Şonuñ üçinem nikamyzy bozmagy ýüregime düwdüm. Muña onuñ özem, ene-atalarymyzan kes-kelläm garşy çykdylar. Şonda-da men öz diýenimi tutdum oturdym.
Bizi halk sudy aýrylyşdyrmady. Sebäbi aýrylyşmaga sebäp ýok diýen netijä gelindi. Bir gün suduñ jaýyndan çykyp gelýärkäm, maña ilkinji gezek söýgi hatyny ýazan oglana gabat geläýdim. Ol bir edaranyñ ýolbaşçysydy. Ol meniñ ýagdaýyma juda gynandy we hereketlerimiñ nädogrudygyny aýdyp, köşeşdirmäge çalyşdy. Özüniñ üç çagasynyñ, agzybir maşgalasynyñ bardygyny gürrüñ berdi. Mekdep ýyllarymyzy ýatlap gülüşdik, degişdik. Men şondan soñ açylyşdym. Şonuñ kömegi bilen adamym bilen ýene bile ýaşap başladym. Ýöne men şol oglany görmesem öýde karar tapmaýardym. Şonuñ üçinem bahana bolsa-bolmasa onuñ işleýän ýerine gelerdim, gürleşerdim. Her gezegem ol çagalarymyñ hatyrasyna adamym bilen bile ýaşamalydygymy sargaýardy. Onuñ bilen gürleşip oturan gysgajyk wagtymy gije-gündiziñ galan wagtyna deñ görerdim.
Ilki-ilkiler meniñ ahlak taýdan bozulmak niýetim ýokdy. Dogrusyny aýtsam, ol-a maña şeýle ederem öýdenokdy. Meniñ bilen açyk göwünli, bassyr-bussursyz gürrüñ ederdi. Ýöne men welin, onsuz ýaşap biljek däldim, onuñ maşgala binýadynyñ sütünini gowşatmagam islämokdym. Ol bolsa, içiñi ýakaýyn diýen ýaly, her gezek bir gürrüñ tapyp, meni güldürerdi, şähdimi açmaga çalşardy.
Bir gün onuñ iş otagynda ikiçäk otyrkak özümiñ maksadyna ýetip bilmändigime gahar edip agladym. Ol meniñ maksadymy bilmeýärdi. Şonuñ üçinem meni köşeşdirjek bolup, daşymda hozanak bolýardy. Meniñ welin, agladygymça aglasym gelýärdi. Durmuşda ýeñlen adam aglamakdan başga näme etsin diýsene!...
Ol meniñ elimden tutup, ýokary turuzdy. Şol wagtam meniñ gözüm garañkyrap, essim aýylyp ugrady. Ol men ýykylmaz ýaly gujaklap oturgyçda oturtdy. Suw berip özüme getirdi. Şondan soñ men utanç-da bolsa, özümiñ onsuz ýaşap bilmejegimi aýtdym. Şeýdibem biz, kanuny är-aýal bolmasagam, ýakyn gatnaşyk edip ugradyk.
Biziñ ikimizem biri-birimiziñ ýagdaýymyza düşünýäris. Men-ä onsuz ýaşap bilemok. Olam meniñ maşgalamyñ bozulmazlygy üçin elinden gelenini edýär. Bu ýagdaýy indi 10 ýyl bäri ikimizden başga hiç kim bilenok. Asla başga adamlaryñ bilmegini islämzogam. Eger biz aragatnaşygymyzy kesäýsek, onda meniñ adamym bilen ýaşaşyp bilmejegime gözüm ýetýär. Öýde adamyma, çagalaryma gaşymy çytman hyzmat edýärin. Adamym meniñ ahlak taýdan bozukdygymy bilenok. Onuñ dymma häsiýeti bilenem öwrenişdim. Ýöne ony hiç wagt sulhum alanok. Onsoñ onuñ bolşuny indämogam.
Öñem aýdypdym, meniñ ýaly güne düşen gelinler başga-da bardyr. Bilýän, meniñ hereketlerimi ýazgarjaklar köpdür. Özüm-ä öz hereketlerimde nädogrulyk bardygyny bilemok. Men bozuklyga çagalarymy ataly ýetim goýmajak bolup ýüz urdum. Käwagtlar şu işimi indi goýaýyn diýibem pikir edýärin. Ýöne enteg-ä başaramok. Eýsem, men näme etmeli? Kim ahlak bozuklygyny meslikden etse, kim mejburylykdan edýär...
Ine, ahlak temasy barada ýazanyñyzda, şular ýaly zatlary hem aýdyñlaşdyryp, meseläniñ düýp özenine göz ýetirip ýazyñ...

Gelin dymdy. Ol indi menden jogaba garaşýardy. Onsoñ men oña ýaşynyñ ulalyşyp barýandygyny, nädogry hereketleriniñ bu gün bolmasa, ertir üstüniñ açylaýmagynyñ mümkindigini, bu ýagdaýyñ çagalarynyñ, ene-atasynyñ ýüzlerini ýere saljakdygyny aýtdym. Ol aýdanlarymy birbada makullasa-da, soñ ylalaşmady. Eýsem, men oña başga näme jogap berip bilerdim...

Gurbanberdi GOÝUNLYÝEW.

* * *

■ Kitapcy.com saýtyndan kelam agyz:

Makalany okanlaryñ hiç birem biperwaý galmasa gerek. Sebäbi munda döwrümiziñ orta çykaran iñ derwaýys, iñ wajyp meselelerimiziñ biri bolan adam ahlagy, ojak abatlygy barada söhbet açylýar. Makalanyñ "Girdapdaky gelin" atlandyrylmagy asla ýöne ýerden däl. Ýassykdaşyna, çagalaryna biwepalyk eden gelin sözüñ doly manysynda hapalygyñ batgasyna çümüpdir. Ol urunýar, töwerekden her bolar-bolmazyñ lakgyldysydyr ýepbeklemesini däl-de, hoş söz isleýär, delalat isleýär.
Iki çaganyñ enesiniñ ters ýola düşmegine näme sebäp bolduka? Ol özünde müýn bardyr öýdenok. Gaýtam, bar günäni ýassykdaşyndan gözleýär, ýogsam bolmasa ol dymma görgüli öý ýykyp ýören jelepleriñ yzyna düşüp ýören biri däl, "ikinji" diýip entäp, öýünden ýaban ýatyp ýören däl, ýanýoldaşyny urup-sögüp, azaram bermeýän eken... Hawa, dogry, ol aşa dymma, köpçülige goşulmaýan, öz mährem aýaly bilenem degşip-gülüşmeýän garasöýmez biri. Ynsan söýgä, mähir-muhabbete mätäç. Şol ýok ýerinde bagtly durmuş ýok. Ýöne bärde başga zat bar: iki sany göz monjugy ýaly çaganyñ geljekki ykballary nähili bolarka? Abat ojakda ibaly terbiýe almadyk çagalardan abat adamlar çykarmyka?
Hawa, alçak, şahandaz gelin söýgi, mähir-muhabbet küýsäpdir... Ýöne onuñ: "Klasymyzdaky oglanlaryñ ýekejesem maña habar gatyp bilen däldir. Habar gataýsalaram men olara razy boljak däldim. Hakykaty boýun alsam, öz deñ-duş oglanlaryma göwnümem ýetip duranokdy. Başarsam olaryñ üstünden gülýärdim" diýen sözlerine gulak gabartsañ-a, hiç kimi-de gönendirmejek ýaly. Sebäbi onda diñe özüni söýmek häsiýeti bar. Şeýle adamlar bolsa adatça özgeleri söýüp, olara mähir eçilip bilmeýärler, olar ýalylar egoist bolýar. Eger adamsy onuñ aýdyşy ýaly dymma häsiýetli biri bolup çykmasa, onda näderdikä? Belkäm, eýderdi-beýderdi, onuñ jylawyny öz eline alardy we köpümiziñ aýdýan "heleýgulysyny" ýasardy. Galyberse-de, ol öz tekepbirligi zerarly durmuşda isläni bolmansoñ, özgäniñ gujagyna girýär. Üns berseñiz, bu ýerde durmuş öz akymyna garşy gideni yzyny tapmaz ýaly özüniñ başga bir akymyna gark edip goýberýär, tap onsoñ yzyñy tapybilseñ... Megerem, ol gelin öz obasyndaky deñ-duş oglanlaryna göwnüýetmezçilik etmän, tanap-bilip ýören oglanlarynyñ birine durmuşa çykan bolsa, beýle bolmasa bolmazdam... Megerem, megerem, megerem...
Häzir hernäçe jemgyýetimiziñ ahlagynyñ pesliginden zeýrensegem, ýaramaz gylyk-häsiýetli adamlar halanyp barlanok. Ogry-jümrüligi, parahorlugy, aldawçylygy, zynahorlugy, jelepçiligi we ş.m ýaramaz gylyk-häsiýetleri pişe edinen adamlary, dogrusy, jemgyýetimiz göterenok. Olaryñ gelejegi nazarlap barýan zanny halal türkmen halkymyzyñ arasynda ýetjek menzili-de ýok. Biz "pylany eýle eken, pysmydan beýle eken" diýip, gury gep-gybat edip ýörmän, ahlak jemgyýetini döretmek pikirinden, hapysalykdan saplanmak maksadyndan ugur almaly. Munuñ üçin bolsa, göreşi - hemme zady öz maşgalamyzyñ içinden başlamaly...
Kitapçylar saýty akyl satmakdan daşda. Biz G.Goýunlyýewiñ "Girdapdaky gelin" makalasyny okyjylarymyza hödürlemek bilen, belki, ýaramaz ýola düşmäge meýil edýänleriñ arasynda, eger saý-sebäp bilen şu saýty okaýanlary bar bolsa, azajyk oýlanarlar diýen pikirden ugur aldyk. Sebäbi ahyrky netijede her bir zat diñe adamyñ özüne bagly. Arassa jemgyýeti arassa adamlardan ybarat halk döredýär. Ine, şu hakykat her birimiziñ ýadymyzda bolsa ýagşy.

Mowzugy VIP edenler:

Erteki — 24 sagat vip etdi.24.09.2020 / 00:00:05

Otayda nadogry terbiye alyan chaga 2 dal, 5 sany (eger soñ kopelmedik bolsalar)

Erkegiñ bar günäsi ýygralygymy?

Ezizhan, Bar günäsi ýygralykdyr öýdýäňmi? Boldumy, başga hiç zat ýokmy?

Dagy näme bolsun? Gelnine ýanaşman, sähel bahana tapsa gohlap, ýa bolmsa ýaban ýatyp ýörmedik bolsa başga merk gerekmi? Iýjegi-geýjegi bolsa, üstünde jaýy bolsa, çagalary bolsa.. meslik bu.

Özüñde başga üýtgeşik pikiriñ bar bolsa aýdyp bilersiñ. Biz bir sada oba oglany.

Ezizhan, Diýmek, diňe maddy zatlar bilen bagtly bolup bolýan eken-dä, şeýlemi?

"Kör düýäñ köpriden geçensoñ" bagt gözlemegiñ nä hajaty bar? Bagty diñe gözlemeli däl ony özüñ döredibem bilersiñ. Nädip döretmelidigini welin aýtmasamam bilersiñ

Ezizhan, Hawa, onda nämüçin şo erkek bagty döretjek bolmaýarka?

Arzyman, maşgala gurylanda bary-ýogy iki adamyñ birikmegi bilen gurulýar. Şol maşgalany döwlet diýip göz öñüne getiriñ! Döwletiñ başy adyllyk bilen ähli zady çözmeli, iýmit, geýim-gejim, söýgi.. bularyñ içinde ýetmeýän zat bar bolsa o-da mähir. Indi ähli zadyñ üpjün bolup ýeke zada gezek gelende şol ýok diýip ýurtdan çykyp gidiberjekmi, öz ýurdyña dönüklik edäýjekmi?

Ezizhan, ине хакыкат бир кемсиз гозел болмаз дийилши ялы на огланынам Дине шо йыгралыгы болса гелнин оны асгермеянлиги гелип чыкяда

Arzyş, kitapçylar dogry bahalandyrypdyrlara sizem aýak depip durmañ)

Ezizhan, Onda real durmuşda kitapçylaň öz ýakasyndan tutup göreli. Başgalara keseden syn bermegi köpler başarýa. Şolaram şeýle duýgulary başdan geçirmedik bolsa, meniňem zat bilmedigim

Kimiñ ýakasyndan tutsañ özüñ tutaweri

men-ä hiçisini tanamok)

@arzman onno aydda real durmusslarynna yakalarnnan tutv aydda sorde bizinnem bilesimmiz tutdy kitapcyla nam edenneri 😆😆😆

@arzman arzysga sennema kopi gorpsin kim bolsonnam yedi denzin suwn icen bolmoli sen 😆😆😆

Selena, Ne beýle jyzzygyňa degäýdi, mähribanym? Müýnüň barmy ýa özüňden?

Gadyrdanim @arzyshgam oncesinne aydsana jyzzuk nam zad bola..

kitapcylary real tanammok sen tanyan bolmolly onnon sahyrlan basdan gecirmeleri gyzykgyl musdaklaryna. Shoncurip bilyannini sorde aydda diyan senine. biz dimmmediga kitapcyla sol duygynny basdan geciren dip sen didin sorde. 😆😆😆😆 al seninne

bereyin koses 😆😆😆

Muña gysgaça söýgi diýilýär...))

Mergen, söýgi diýilýän bolsa ilki başda nirededi ol söýgi?

Мен пикиримчеде меслик о Арзыман.Ари ар эдянем айал гара ер эдянем айал диялер.Арин янындан гирип чыкып ёрка нам ун Шон билен огреншип болоногай.Ози арини ар эдинеси гелян далдир.Оз Ден душларна говни етмеян гыз аринеде говни етенок онсан он билен огренишжегем болонок

Онсанам озган при билен 10 йыл яшапдыр арлика ода.Яшадян эркек пикир эдмедимика шо огланын ерне озини гойуп.Ай ёне ганжык гурык буламаса копек душенокда.Орта ёлда 2 чагасына надип дозяка надип утанман олан юзне серетяка

Ари билен болмалыды

ejesi suwa oturandyr ol gelnin , yogsa arleri ish sapar bilen nace yylap yat yerlere gidilya yada ari olya , sabyr etjek adam sabyr edip oturya , asty myjjyk bolsa guramaz

etmejek adam arinden ayrylyshsada edenoklay

Menem gosylyan size++++

Ýüregim abap gitdi gelinjige

Äri öýünüň zatlaryny geroina çalyşanam bolsa, bar puluny araga berip köçede syç*p heleýinem günde taýaklap ýörenem bolsa, ýa-da bar puluny k*ntä berip heleýine-de kesel ýokuşdyryp ýörenem bolsa bu samsyk ärden has gowy bolardy. Bu gelin mähir küýsäp beýdip ýörmezdi. Ýigrenji haramzada äri bar eken bu gelinjigiň

Erteki, 😆😆😆

Erteki, Nikiňe mynasyp teswir ýazypsyň gy😆😆😆😆

Erteki, munyňyz sarkazmmy ýa gara çynyňyz bilen ýazdyňyzmy

Tüweleme, men-ä siz ýaly akylly adamlardan düzülen jemgyýetde ýaşaýanym-a begenýän

Her nämedem bolsa tamamy tala daňdyrmadyňyz, sizden garaşýan jogaplarymy ýazypsyňyz

Arzyman, sen bizinin yolbascymmyz dalsinna seninnin tamany cykaryv cykarmaz yanaky? Seninnin netin dusnikil sonrasynna sordakere. Sen akyl il tintaw hasaplamanny bes edaysen nader ?

Arzyman, shebike yanaky sher choplap yadammadtnmy

Selena, Wäää, beý diýme-dä, güljagaz. Gyzykl-a gaýtam garşylyklaýan pikir alyşmak. Ýogsam, realam adamlary ýalandan hoplamakdan irýäs-ä. Sen dagy gaýtam agzyňa maňyžžyk oklap, süýtli çaý içip otyrkaňam ýazmal-a.

Arzyman, ozgannn etmisinnen keminnen yetmezinnen sana name nep bar sonynnam yazzay sorde bolannyna gore

Selena, wah, mähribanym, olar ýalak bolsa durmuşda žurnalistleň näme geregi bar?

Arzyman, suytil cay icp bilmk

Arzyman, zurnalistle sennin yanaky gefci sherbike bolyyan bolso onno zurnalist fakultetleri yapmaly!

Arzyman, hayasyzlyk has agdyklyk ediyya bolsynna seninnin

Selena, Wi, o nämüçin? Süýtli çaý gowy diýýäler-ä saglygyňa. Ýogyn içegäň işleýşinem sazlap durýa diýýäler. Içseň-ä gowy bolardy.

Arzyman, prosay arzyshga

Selena, ýo, žurnalistler hiç-laý, men seň saglygyňy alada edip başladym. Gyzgyn süýt bir içip bilýäňmi?

Arzyman, meninnin iymtm seninna galmannyr sen oz gelejeginin aladasyn ed. I wsyo.

))) Bolýa, Selena, sag bol onda. Ýogyn içegäňe gowy seret.

Arzyman, essapyrylla oň ýogyn içegesi bilen seň näme işiň bar tobo tobo 😆😆😆😆😆😆😆😆

Ay yogyn ichege esasy gerek zatda

Her yerde sen yalylar bar eken

Men ýalylalara ýetibilmän agzyňy öwweldip ýörsüňmi senem😆😆😆😆😆😆😆

Selena, Wi, o nämüçin? Süýtli çaý gowy diýýäler-ä saglygyňa. Ýogyn içegäň işleýşinem sazlap durýa diýýäler. Içseň-ä gowy bolardy.

Arzyman, süýtli çaýy çakyndan artyk içmeklik adam damarlarynyñ dykylmagyna sebäp bolýar.
Süýdi gaýnadan gabyñ düýbindäkileri gözegiñe getir. Içeñde käte käsäñde-de gabat gelýär.
Şony görenim(bilenim) bäri goýdum süýtli çaý içmämi. Indi hiç haçan içmeýän. Ýogsam ýañy öwrenip ugrapdym ...

Bu gelin gyz wagt-a özünden başgalara göwni ýetmän, ulumsylyk edipdir, durmuşa çykansoňam, egoistlik.

Mylayym, agyy menem sony aytyanda

Güljan, men teswirleri däl, mowzugy okap, ýazdym. Saňa ünsem bermändirin. Bir çemçe ganymy geçewer! )))

Mylayym, ay borla uyam

Maşgala mukaddesliginiñ hatyrasyna şahsy isleglerini pida edip bilmeyan heleyden heley bolmaz.

Kuykini gabyr duzeder, haramzada ayal ekenay iki chagan bar tamizje ozine beyle gowni yetyan bolsa chagalarny kakasy yaly yygra edip yetishdirmesinem

Awdyyewa salam! Lacyn Owezowa ( Malvina) bolup yoran afyor ustune giden nick name leri bilen napadayd edyar. Sen ondan hallallygyn bilen ustun cykarsyn ))

Mukamly, Salam, o zatlar hiç-le. Mowzugyň temasy—döwrüň meselesi. Esasy kelle agyrtmaly zat şol.

Gelin gowudan gowyny isleýän egoist. Jeleplerden tapawudy yok, ikisiniňem islegi şol bir zat.

mejburlyk????? 41-45-däki ýaly mejburlyk ýokdyrla bu wagt ...emma nämelikden bolsa-da toba gelip ýoly düzedeniň ýagşy...

Gurany Kerimiň 4-nji "Nisa" («Aýallar») süresiniň aşakdaky aýatlarynda:

15. Zyna eden aýallaryňyz hakda araňyzdan dört şaýat talap ediň! Eger
(dörtkişi) şaýatlyk etseler, olary(zyna edeni) ajaly ýetýänçä ýa-daAlla özlerine bir ýol görkezýänçäöýüňiçinde saklaň!
16. Araňyzda ony (zynany)edenher iki tarapa-da temmi beriň (gamçy uruň)! Eger toba edip, ýagdaýlaryny düzetseler, olara (jeza bermegi) ýatyryň! Takyk, Alla tobalary kabul edýändir, Rehim-şepagatlydyr.

(Düşündiriş: Zynanyň jezasy hökmünde Kuranda gelen ilkinji höküm bu aýatlarda bildirilişi ýaly temmi bermek, zyna eden aýaly öýde saklamak, soňky jezabolsaýüz gamçyurmakdyr.)

17. Allanyň ýanynda (kabul ediljek) toba, ýalňyşyp erbetlik edip, soňgysga wagtyň içinde (puşman edenleriň) eden tobasydyr. Ine, Alla olaryň tobalaryny kabul eder. Alla (ähli zady) bilýändir, hikmet eýesidir.
... diýilýär, günäni diňe kalpdan toba edip, soň şol günäni gaýtalamazlyk bilen ýuwup bolar...

☪ATAKAKA۞, Şular ýaly usul bilen o gelni girdapdan çykarjak bolýanam ýok. Gaýta bar zäherlerini pürküşip, daşdan tomaşa edip, heşelle kakyp otyrlar. Daş-töwerekde şular ýaly girdaba düşen zenandyr erkekler kän ahyry. Nähili ýol bilen düşündireňde şolary zelelden gaýtaryp bolar...diýip, hiç kimiň pikir edesem gelenok.

daşyndan kömegem kömekdir weli... köpüsiniň ol girdapdan çykasy gelýärmikä? ýa özleriniň girdapdalygyny bilýärlermikä? ýa şu wagta çenli toba etmek barada iň bolmanda niýet etdilermikä? şu esasy mesele... her kim öz amalyna özi jogap berýär, eger ol girdapdan çykmaklygy tüýs ýüreginden islese kesekiň kömegi o diýen bir zeruram däl, eger islemese tutuş adamzat bolup daşyna geçip çekeläňdede çykmaz... diýjek bolýanym toba esasy öz kalbymyz bilen etmeli, hiç kim maňa toba etdirmedi diýmeli däl...

Ýekeje jogap bar bu makala
""Iliň äri bilen ärli,iliň heleýi bilen hem heleýli bolmarsyň ""
Gyzlar gelinler her gujakda bir gül bolandan, bir gujakda çemen ýoluňda ""

Nowcha,Garmonlary çogup dolup gitse näme etsin gelinjagaz äri ýok bolsa gelinleriň islegi güýçli bolýandyrda şonuň üçin şeýle nakylam bara : sygry gazyk saklar heleýi mužskoý aparat diýip

Nowcha, ärine kamasutrany okamak maslahat bermeli psihologa görinmeli

Gormonlar bolman diňe erkek adamda bolanok aýaldada bolýar, gorseň bar kişi aýaly gunakarlapdir hakykat ýuzünde, jemgiýetde ýazgarylýanda bolsa, ylmy taýdan aýal dogry edipdir, durmyş onyňky ol öz isleýişe ýaşamaga haky bar, adam ömri ozal hem gysga, bir ýalňyşdym dp ömur çekmeli dalde goreşmeli znaçit äri şeýle çykdymy, ony ýuzi açyk bolar ýaly goreşmeli
Soň hem dogrymy aýtsam, her kimiň taýy bar, şony tapjak bolmaly ,onyň tagam ärli boldygy dala ol iki çagada mahir bn dörän zat dal mežbury ar aýallyk bn dörän zat
Durmyş, bagt, söýgi bu ýuregiň taýy ýanynda bolanda sendedir bolmasa ýone senem mana mana menem mana mana edip ýaşap ýorler
Beýle Durmyş kanle gorup ýorus nebir mähre mataç gelinler ärlerinden nagile, birinji bn hem araassaçylyk pes ikinji bn gelne mahir berende arak, çilim bn bir zatlaý olarda guýç ýoga kabir erkeklerde muň sapak geçiber erkek az bu dowurde ady erkek aýallar kop
Erkeklermiz erkek bolsa aýaly ölsede ikilik etmez

Nowcha, dogry erkek erkek bolsa aýal ikilik etmeýär aýalyň göwnini pastelda tapyp dursa şolar ýaly !

Şu tema 1-2 ýylykdada saýtlaryň birinde açylypdy.
Ol gelin asly bozuk zenan bolmaly,diýeli ýoldaşy 3,
4 ýylap daşary döwlete gidip işläp ýörenler bar, olar ojagyn saklap otyr ärine ikilik etmän.çagalary bar bolsa çagajyklaryň bn oýna degiş gülüş,biziň gelinlermizä çagajyk bolansoň bize seretmäne elleri degenok öýüň işi çagalaryň aladasy bn.

Haýsy taglymat näme diýse-de, jemgyýet ilki bilen ahlagyň üstünde dur. Adam, sözüň hakyky manysynda ahlakdan başlaýar. Ahlak bolmasa adam däl-de, haýwandan çala tezegi üýtgän, diňe instinktleridir-refleksleri bilen ýaşap ýören mahluk bar. Oňa jemgyýetem gerek däl, hiç zadam. Gadymy Dünýäniň iň kuwwatly Patyşalyklary bolan Wawilony (Babyly), Ahemeniler şalygyny, Makedon şalygyny, Rim şalygyny näme ýykdy? Ahlaksyzlyk! Şol şalyklary guran edermen, maksada okgunly, gaýduwsyz, garadangaýtmaz, aglaba köp ýagdaýda bolsa öz-özlerine-de, kesekilere-de çakdan aşa rehimsiz, zalym daran adamlaryň nesilleri diňe şahsy lezzetiň gullaryna öwrüldiler, zähmet çekmän, kösenmän, mydama "diskotekada" ýaşamaga ymtyldylar, şeýdibem ata-babalarynyň guran binalaryny goramagyň hötdesinden gelmediler. Bu makaladaky zenanyňam özüni aklamak üçin beýan edýän tutuş wakasy ýekeje jümle bilen beýan edilýär: "Men lezzet gözledim". Boldy. Galan zat bolsa, ýaşlar aýtmyşlaýyn: "Şetdaly!".

Bu mowzuk kitapçy.com edebi saýtynda açylan-da, şol ýeriniň uly agzalarynyň biri bolan @Bagabat (Serdar Ataýew) agamyzyň ýazan jogaby şul. Pikirdeş bolomsoň, paýlaşaýdym.

Dark_Wolf, +++++++++++++++++

Bu tema bara gelinler okasa öz ärleriniň kemislerini tapyp lewa gidip başlarlar

Sportsmen, etjekleri okamandada ederlay, etmejekleri okandada etmez!!!