20:02 Mowzuk

Hamal (21.03 — 20.04)
Şu gün hamallar duýgulary barada batyrgaýlyk bilen gürrüňdeşlik geçirip bilerler. Halaşýan adamyňyz bilen özüňizi aladalandyrýan meseleler dogrusynda gürleşiň, aladalaryňyzy beýan ediň.

Sowur (21.04 — 20.05)
Ýakynlaryňyza kömek beriň. Şu gün olar siziň goldawyňyza mätäç bolup biler. Dost-ýarlaryňyza hem wagt aýryp bilseňiz gowy bolar.

Jöwza (21.05 — 21.06)
Şatlyk-şagalaňy ýatdan çykaryň-da, zähmet çekiň. Işläniňizde-de, esasy ünsüňizi netijeliligiňize bermäge çalşyň. Günüň ahyrynda ýa-da ertir siz onuň ajaýyp netijelerini görersiňiz.

Seretan (22.06 — 22.07)
Şu gün size meseleleriňizi parahatçylykly ýol bilen çözmek maksadalaýyk bolar. Emma garşydaşyňyz kesirligine tutsa, «söweşde ähli serişdeleriň gowudygyny» ýatdan çykarmaň.

Eset (23.07 — 23.08)
Ýakyn adamyňa ýalňyşýandygyny düşündirmek örän kyn bolýar. Emma onuň edýän işi siziň bähbidiňize düýbünden çapraz gelýän bolsa, gödegräk usul bilenem bolsa, saklamaly bolarsyňyz. Size şu gün özüňizi bilmek maslahat berilýär.

Sünbüle (24.08 — 23.09)
Sünbüleleri öňden galan meseleler bimaza eder. Şeýle ýagdaýda size derrew olary çözmek maslahat berilýär. Hüşgär boluň.

Mizan (24.09 — 23.10)
Şu gün siziň durmuşyňyzda hil taýdan täze döwür başlanýar. Şeýle ýagdaýda üstünligiňizi berkitmek üçin siz öňküden-de köp işläp, netijeli zähmet çekmeli bolarsyňyz.

Akrap (24.10 — 22.11)
Düşnükli gürlejek boluň. Şu gün özüňizi alyp barşyňyza, gepleýşiňize gaty köp zat bagly bolar.

Kowus (23.11 — 21.12)
Şu gün sizi saýlawyň öňünde goýarlar. Şeýle ýagdaýda esasy işiňizi, esasy adamlary, has wajyp wezipeleri ýatdan çykarman, ilki şolary ýerine ýetiriň.

Jedi (22.12 — 20.01)
Adamlar bilen meýilleriňizi paýlaşmaň. Etsem-petsemleriňizi hiç bir adama-da aýtmaň. Diňe şeýle etseňiz, siz arzuwlaryňyzy amala aşyryp bilersiňiz.

Daluw (21.01 — 20.02)
Şu gün size ägirt uly güýç berer. Ony peýdasyz zatlar üçin ulanmaň. Wajyp we özüňiz üçin bähbitli boljak işler üçin peýdalanyň.

Hut (21.02 —20.03)
Öz hereketleriňize jogap bermelisiňiz. Şonuň üçin hem adamlarda ýaramaz täsir galdyrjak işleri etmäň.