13:32 Mowzuk

Bruno Mars, hakyky ady Peter Gene Hernandes 1985-nji ýylyn 8-nji oktýabrynda Honolulu Hawaiide dünýä indi. Universitetda okaýan döwründe saza bolan höwesi sebäpli Los Angelese göçüp geldi. Ilkinji şertnamasyny Motown records bilen baglanşanam bolsa ol Atlantic records bilen dowam etdi.
Mars 32 ýaşynda ýazga geçiren "Just The Way You Are" we "Grenade" aýdymlary bilen dünýä derejesinde meşhurlyk gazandy.
Ol ýaşlyk döwürlerinden bäri Elvis Presli we Maýkl Jeksonyň muşdagy bolup gelýär. ABŞ-nyň meşhur gazedi New York Times oňa "Geljegiň Maýkl Jeksony" diýýär.
Karýerasynda şu günki güne çenli 11 sany Grammy baýragyny almagy bilen bilelikde 51 gezek baýrak almagy başaran Mars, 2016-njy ýylda ýazga geçirilen "24K Magic" albomy bilen 2018-nji ýylda geçirilen Grammy baýragynyň gowşurylyş dabarasyna öz adyny ýazmagy başardy.
Grammy baýragynyň 6 ugry boýunça dalaşgär bolan ýyldyz "Ýylyň iň gowy aýdymy" , "Ýylyň iň gowy ýazgysy" , "Ýylyň iň gowy albomy" we beýleki ugurlardanam Grammy baýragyny eýelemegi başardy. "That's what l like" aýdymy "Ýylyň iň gowy aýdymy" boldy we ol bir günde 8 sany Grammy baýragyna eýe boldy. 1984-nji ýylda şeýle netijäni Maýkl Jekson gazanypdy. Ol bir günde 8 sany Grammy baýragyny alyp, rekort goýupdy.
Şonuň üçin hem Bruno Marsa "Geljegiň Maýkl Jeksony" diýilendir. (Habaryň çykan senesi 29.01.2018-nji ýyl)
Başga bir habarlara görä Bruno Mars Maýkl Jeksonyň öz ogly diýip çaklanýar. Bular diňe bir çaklamadanam ybarat däl, sebäbi Bruno Mars fiziki tarapdan öz ene-atasyndanam beter Maýkl Jeksona juda meňzeş. Maýkl Jekson 1986-njy ýyldaky interwýularynyn birinde gizlin saklaýan oglunyň bardygyny, mediyanyň olary birahat etmezligi üçin gizläp saklaýandygyny aýdýar. Bruno Marsyň doglan ýyly bolsa 1985-nji ýyl. Maýkl Jeksonyň hiç ulalmaýan erteki gahrymany Peter Pany juda halaýanlygyny hemme bilýär. Jekson öz ýaşaýan daçasyna şol ertekidäki Peter Paniň ýaşaýan ülkesiniň adyny, ýagny "Neverland" diýip goýýar. Hatda ogul perzedi bolsa adyna Peter goýjakdygy barada belläp geçýâr. Muşdaklary Bruno Marsyň hakyky adynyň Peter bolmagynyň tötänlik bolup bilmejegine ynanýarlar we ony Jeksonyň hakyky ogly hasaplaýarlar.

Google maglumatlary esasynda...