Belki, ölemden soñ gaýdyp gelerin,
Ömür nesip eder ikinji sapar.
(Munda galan arzuwlarny unudyp,
Baky uka gidip bilmez Aýsapar.)
 
 
Belki, söz bolup gelerin dünýä,
Öýüm bolar şahyrlaryñ ýüregi.
Men sebäpli şygyr dörär, yşk dörär,
Söýerler  ynsanlar  birek-biregi.
Şahyr ýüreginiñ şygry bolaryn,
Bolaryn sazandañ kalbynda mukam.
Belki, ylham bolup gelerin dünýä,
Gitmerin uka.
 
Belki, bagt bolup gaýdyp gelerin,
Ýaş juwanlar bagtyñ ýolundan ýörär.
Nika gyýlyp, toý tutular ojakda,
Men sebäpli bagtly maşgala dörär,
Nesil dowam eder çaga köpeler,
Eneler guwanar ogula, gyza
Eger, bagt bolup geläýsem dünýä,
Gitmerin yza.
 
Belki, ýene zenan bolup doglaryn,
Nurun saçyp penjirämden aý bakar.
Belki, bir ömründe tapmadyk bagtyn,
Ikinji ömründe tapar Aýsapar.
 
Aýsapar Emelowa
2015-nji ýyl. Daşoguz

233

31

17

17

1

Mowzugy VIP edenler: